Genesa 40:6 - BIBELE Mahungu Lamanene

⁶ Kuteloko Yosefa a ta eka vona nimpundzu, a swi vona leswaku a va tsakanga emoyeni.

Xitsonga (Bibele)

⁶ Yosefa a ta eka vona wa ha ri mixo, a va vona, kutani maswivo, a va tsuvile.

Genesa 40:6 Referans Kwoze

Daniele 8:27

“Kutani mina Daniele ndzi hela ntamu, ndzi vabya masikunyana. Kambe endzhaku ka nkarhi, ndzi pfuka ndzi tlhelela entirhweni wa mina wa le ntsindza, ntsena mhaka ya xivono lexi a yi ndzi karhata swinene, ndzi nga koti ku yi twisisa.

Daniele 7:28

“Mhaka leyi yi helela kwala. Loko a ri mina Daniele, miehleketo ya mina yi ndzi pfumate vurhongo, yi ndzi basulukisa ni xikandza, kambe a ndzi swi byelanga munhu.

Daniele 5:6

Kutani a basuluka xikandza hi ku chava, a pfilunganyeka miehleketo, mahlakala ya yena ma gudlagudla, a dzunga ni matsolo.

Daniele 4:5

Kutani loko ndzi etlele, ndzi lorha norho lowu wu nga ndzi chavisa, ndzi twa nhloko ya mina yi pfuma hikwalaho ka xivono lexi ndzi xi voneke.

Genesa 41:8

Nimixo hosi Faro a a karhateka emoyeni, kutani a rhuma vanhu va ya vitana vangoma hinkwavo va tiko ra Egipta ni tintlhari ta rona hinkwato. Loko Faro a va rungulerile norho wa yena, a ku vanga na un'we exikarhi ka vona loyi a koteke ku n'wi byela nhlamuselo ya kona.

Genesa 40:8

Vona va ku ka yena: “Hi lorhile milorho, kutani a ku na munhu loyi a nga yi hlamuselaka.” Kutani Yosefa a ku ka vona: “Xana a hi Xikwembu lexi hlamuselaka milorho xana? Ndzi kombela leswaku mi ndzi byela milorho ya kona.”

Genesa 40:5

Kutani siku rin'wana nivusiku, mucheri wa vhinyo ya hosi ya Egipta, ni muphameri wa xinkwa xa yona, va lorha milorho havumbirhi bya vona, va ri kwale khotsweni; norho wun'wana ni wun'wana a wu ri ni nhlamuselo ya wona.

Genesa 40:7

Kutani Yosefa a vutisa malandza lawa ya hosi Faro, lawa a ma rindziwa kwala mutini wa n'wini wa yena, a ku: “Hikwalaho ka yini tinghohe ta n'wina ti nga tsakanga, xana?”