Genesa 4:5 - BIBELE Mahungu Lamanene

⁵ kambe a xi vulanga nchumu hi Kayini ni gandzelo ra yena. Kutani Kayini a hlundzuka swinene, a visingarisa ni xikandza.

Xitsonga (Bibele)

⁵ kambe a nga langutanga hi ku tsaka Kayini, ni nhlengo wa yena; kutani Kayini a kariha ngopfu, ni mombo wa yena wu khanyana.

Genesa 4:5 Referans Kwoze

Vaheveru 11:4

Hi ku pfumela, Avele ú humesele Xikwembu magandzelo lama amukelekeke ku tlula ya Kayini, kutani hikwalaho ka swona ú nkhensiwile a vuriwa loyi a lulameke, Xikwembu xi ri karhi xi tiyisa sweswo hi ku amukela tinyiko ta yena. Ú file, kambe hi mhaka ya ku pfumela ka yena, wa ha vulavula.

Ntirho 5:2

Xiphunta xi fa hi mbitsi, mavondzo ma dlaya munhu wo kala mehleketo.

Timhaka 13:45

Kambe loko Vayuda va vona mintshungu, va tala mavondzo, kutani va kaneta ni ku sandza leswi vuriwaka hi Pawulo.

Pisalema 20:3

A xi tsundzuke tinyiko hinkwato leti u ti humeseke, xi amukela ni magandzelo ya wena lama hisiwaka!

Matewu 20:15

Xana a ndzi pfumeleriwi ku endla leswi ndzi swi rhandzaka hi swilo swa mina xana? Kumbe vunene bya mina bya ku vilerisa xana?’ ”

Tinhlayo 16:15

Muxe a hlundzuka swinene, kutani a ku ka HOSI Xikwembu: “Magandzelo ya vona, u nga ma amukeri. Mina a ndzi tekanga nchumu xa vona, hambi xi ri xikukwana xinene, naswona a ndzi si khunguvanyisa ni un'we wa vona!”

Genesa 31:5

Kutani a fika a ku ka vona: “Ndza swi vona leswaku tata wa n'wina a nga ha ndzi tsakeli ku fana ni khale, kambe Xikwembu xa tatana xi na mina.

Genesa 31:2

Yakobo a tlhela a swi vona leswaku Labani a nga ha n'wi tsakeli ku fana ni khale.

Yuda 1:11

Khombo eka vona! Hikuva va khomile ndlela ya Kayini; hi ku navela bindzu, va tinyiketa emintirhweni leyo homboloka ya Balaama, va tilovisa hi makanetele yo fana ni ya Kora.

1 SAMIELE 16:7

Kambe HOSI Xikwembu xi ku ka yena: “U nga languti ku saseka ka yena kumbe ku leha ka xiyimo xa yena, hikuva a ndzi n'wi hlawulanga. Mina HOSI, a ndzi yi hi leswi vanhu va vonaka swona; vanhu va languta nghohe, kambe mina HOSI ndzi languta mbilu.”

Swivuriso 29:10

Lava tsakelaka ku halata ngati, va venga munhu wo tshembeka, kasi lavo lulama va tsakela ku n'wi sirhelela.

Esaya 3:9

Tinghohe ta vona ta va mangalela, swidyoho swa vona va swi paluxa ku fana ni va le Sodoma, a va swi tumbeti. Va le khombyeni! va lo tivangela rona hi voxe.

Genesa 39:19

Kuteloko Potifaro n'wini wa Yosefa a twa leswi nsati wa yena a swi vulaka hi tlhelo ra yena Yosefa, a hlundzuka swinene.

Ntirho 15:13

I Xikwembu lexi u xi hlundzukelaka, marito ya wena ma rhuketela xona!

Swivuriso 19:3

Munhu ú lahla hi vuphukuphuku bya yena, kambe a lumbeta HOSI Xikwembu.

Eklesiasta 4:4

Ndzi vonile ni leswi: Hinkwavo lava tikarhataka ni ku humelela emintirhweni ya vona, va susumetiwa hi ku vondzoka varikwavo. Na swona sweswo, a swi pfuni nchumu, i ku hlongorisa moya ntsena.