Genesa 4:15 - BIBELE Mahungu Lamanene

¹⁵ Kutani HOSI Xikwembu xi ku ka yena: “E-e, a swi nga vi tano! Loko un'wana a nga tshuka a ku dlele, ú ta riha ka 7.” Kutani HOSI Xikwembu xi fungha Kayini, hikuva loko a swi nga ri tano, munhu un'wana ni un'wana loyi a a ta hlangana na Kayini, a a ta n'wi dlaya.

Xitsonga (Bibele)

¹⁵ Kutani Yehovha a ku eka yena: “Kungakuloko munhu a dlaya Kayini, Kayini u ta rihiseriwa kantlhanu na kambirhi. Kutani Yehovha a fungha Kayini, hileswaku un'wana ni un'wana la n'wi kumaka a nga ti n'wi dlaya.”

Genesa 4:15 Referans Kwoze

Ezekiele 9:4

HOSI Xikwembu xi ku ka yena: “Emutini wa Yerusalema, ku ni vanhu lava twaka ku vava, lava rilaka loko va vona manyala hinkwawo lama endliwaka emutini; kutani wena, rhendzeleka ni muti, u va fungha emimombyeni.”

Pisalema 79:12

We N'wini wa hinkwaswo, leswi vaakelani va hina va ku hlekuleke, va tlherisele ka-7 leswi va ku endleke swona.

Ezekiele 9:6

dlayani vakulukumba swin'we ni majaha ni vanhwana ni vavasati ni swihlangi, mi va heta; kambe lava funghiweke emimombyeni, mi nga tshuki mi va khumba! Sungulani hi va le Tempeleni.” Hiloko va sungula hi ku dlaya vakulukumba lava a va yimile emahlweni ka Tempele.

Genesa 4:24

Leswi Kayini a rihiweke ka 7, mina Lameke ndzi ta rihiwa ka 77!”

Nhlavutelo 14:11

Kutani musi wa ndzilo lowu wu va xanisaka wu tuvikela henhla hilaha ku nga heriki; lava gandzelaka xivandzana ni xifaniso xa xona, swin'we ni hinkwavo lava amukeleke mfungho wa vito ra xona, a va kumi ku wisa, va xaniseka vusiku ni nhlekanhi.”

Nhlavutelo 14:9

Kutani ku landza ntsumi yin'wana ya vunharhu, yi tlakusa rito yi ku: “Un'wana ni un'wana loyi a gandzelaka xivandzana ni xifaniso xa xona, a tlhela a kuma ni mfungho emombyeni wa yena kumbe evokweni ra yena,

Matewu 26:52

Yesu a ku ka yena: “Tlherisela banga ra wena enkotlotweni wa rona, hikuva hinkwavo lava tirhisaka mabanga, va ta dlawa hi mabanga.

Hosiya 1:4

Kutani HOSI Xikwembu xi ku ka Hosiya: “N'wi thye vito ra Yizriele, hikuva ku nga ri khale, ndzi ta ba va ka Yehu hikwalaho ka ngati leyi va yi halateke eYizriele, ndzi herisa ni mfumo wa Israele.

Pisalema 59:11

We N'wini wa hina, wena xitlhangu xa hina, u nga va dlayeli makumu, kambe wo va tsongahata hi matimba ya wena va pepetseka ni matiko, vanhu va ka hina va ta ka va nga swi rivali.

1 TIHOSI 16:7

Hi ku komisa, muprofeta Yehu n'wana Hanani ú rhwexiwile rito ra HOSI Xikwembu ra ku tshinya Baaxa ni ndyangu wa yena hikwalaho ka timhaka leti timbirhi: Xo sungula, hikwalaho ka leswo biha hinkwaswo leswi Baaxa a swi endleke emahlweni ka HOSI Xikwembu, loko a xi hlundzukisa ngopfu, hi mintirho ya yena ni mahanyele ya yena yo fana ni ya ndyangu wa Yerobuwamu; xa vumbirhi, hi mhaka ya leswi a heriseke ndyangu wa Yerobuwamu.

Levhitika 26:28

na mina ndzi ta endla leswi mi nga ta ka mi nga swi lavi; ndzi ta mi ba ndzi hlundzukile, ndzi mi ba ka 7 ku tlula leswo sungula, hikwalaho ka swidyoho swa n'wina.

Levhitika 26:24

na mina ndzi ta endla leswi mi nga ta ka mi nga swi lavi; ndzi ta mi ba ka 7 ku tlula leswo sungula, hikwalaho ka swidyoho swa n'wina.

Levhitika 26:21

“Loko mo ya emahlweni ni ku endla leswi ndzi nga swi laviki, mi ala ku ndzi yingisa, ndzi ta mi rhumela man'wana makhombo lama tlulaka layo sungula ka 7, hikwalaho ka swidyoho swa n'wina.

Levhitika 26:18

Loko hinkwaswo leswi swi nga endli leswaku mi ndzi yingisa, ndzi ta mi ba ku tlula ka 7, ndzi mi bela swidyoho swa n'wina.

Swivuriso 6:31

kambe loko ri tshuka ri kumiwile, ri ta riha ka 7, ri humesa swilo hinkwaswo swa muti wa rona.