Genesa 39:6 - BIBELE Mahungu Lamanene

⁶ Kutani Potifaro a veka swilo swa yena hinkwaswo emavokweni ya Yosefa. Loko Yosefa a ri kona, Potifaro a a nga ha tikarhateli nchumu, ehandle ka swakudya leswi a a dya swona. Yosefa a a ri mpohlo, jaha ra xiyimo xo saseka.

Xitsonga (Bibele)

⁶ Kutani swilo hinkwaswo swa yena a swi siya emavokweni ya Yosefa, a nga ha tikarhati hi nchumu swa yena, loko swi nga ri swakudya leswi a swi dyaka ntsena. Kambe Yosefa a a ri ni nghohe leyo saseka, ni mombo lowunene.

Genesa 39:6 Referans Kwoze

Swivuriso 31:11

Nuna wa yena wa n'wi tshemba swinene, hikuva wansati loyi, ú gingirikela muti wa yena.

1 SAMIELE 16:12

Kutani Yese a rhuma vanhu, va ya vuya na yena. Jaha ra kona a ri ri mbhuri ya mahlo yo saseka ni xivumbeko xo tsakisa. HOSI Xikwembu xi ku ka Samiele: “Loyi, hi yena! Suka u yima u n'wi chela mafurha enhlokweni.”

Genesa 29:17

Leya a a ri ni mahlo lama tsaneke, kasi Rahele yena a a sasekile swinene a tlhela a va ni xivumbeko lexinene.

Luka 19:17

Hosi yi ku ka yena: ‘Hiswona, nandza lonene; leswi u tshembekeke emhakeni leyitsongo ngopfu, u ta fuma miti ya khume.’

Timhaka 7:20

“Enkarhini lowu, ku velekiwa Muxe. A a sasekile emahlweni ka Xikwembu; kutani a wundliwa tin'hweti tinharhu endlwini ya tata wa yena.

Luka 16:10

Loyi a tshembekeke eka leswitsongo, ni ka leswikulu ú ta tshembeka; loyi a nga tshembekangiki eka leswitsongo, ni ka leswikulu a nga ka a nga tshembeki.

Genesa 43:32

Yosefa va n'wi phamela a dyela etlhelo a ri yexe, kasi vamakwavo na vona va phameriwa etlhelo va ri voxe, hambi va ri Vaegipta va dyela etlhelo va ri voxe, hikuva Vaegipta a va dyi swakudya swin'we ni Vaheveru; sweswo swa yila eka Vaegipta.

Genesa 39:23

Mulanguteri wa khotso a a nga ha tikarhateli nchumu eka leswi a swi ri emavokweni ya Yosefa, hikuva HOSI Xikwembu a xi ri na Yosefa, kutani a a kateka emintirhweni ya yena hinkwayo.

Genesa 39:8

Kambe Yosefa a ala, kutani a ku ka nsati wa n'wini wa yena: “Vona, leswi ku nga na mina kwala, n'wini wanga a nga ha tikarhateli nchumu xa laha mutini wa yena; swilo swa yena hinkwaswo ú swi vekile emavokweni ya mina.

Genesa 39:4

Kutani Yosefa a tsakeriwa hi n'wini wa yena; a endliwa mutirheli wa yena, a vekiwa ku va mulanguteri wa muti wa yena ni muhlayisi wa swilo swa yena hinkwaswo.

1 SAMIELE 17:42

Mufilista a tlakusa mahlo, a langutisisa Davhida, kutani a n'wi sola, hikuva Davhida a a ha ri jaha, mbhuri ya xiyimo xo saseka.