Genesa 39:4 - BIBELE Mahungu Lamanene

⁴ Kutani Yosefa a tsakeriwa hi n'wini wa yena; a endliwa mutirheli wa yena, a vekiwa ku va mulanguteri wa muti wa yena ni muhlayisi wa swilo swa yena hinkwaswo.

Xitsonga (Bibele)

⁴ Hi mukhuva wolowo, Yosefa a kuma tintswalo emahlweni ka yena hi ku n'wi tirhela; kutani n'wini wa yena a n'wi veka ku va muhlayisi wa yindlu ya yena, a veka evokweni ra yena hinkwaswo leswi i ngi a ri na swona.

Genesa 39:4 Referans Kwoze

Timhaka 20:28

Tilanguteleni ke, mi langutela ni ntlhambi hinkwawo lowu Moya lowo Kwetsima wu nga mi veka ku va varhangeri va wona; risani Kereke ya Xikwembu, leyi xi nga tikumela yona hi rifu ra N'wana wa xona wa xiviri.

Swivuriso 27:18

Loyi a hlayisaka nkuwa wa yena, ú ta dya mihandzu ya wona; swi tano ni loyi a hlayisaka n'wini wa yena, ú ta nkhensiwa.

Genesa 39:8

Kambe Yosefa a ala, kutani a ku ka nsati wa n'wini wa yena: “Vona, leswi ku nga na mina kwala, n'wini wanga a nga ha tikarhateli nchumu xa laha mutini wa yena; swilo swa yena hinkwaswo ú swi vekile emavokweni ya mina.

Genesa 24:2

Kutani Abrahama a byela nandza wa yena lonkulu, loyi a a hlayisa swilo swa yena hinkwaswo, a ku: “Vekela voko ra wena exikarhi ka milenge ya mina,

Genesa 19:19

u kombile leswaku wa ndzi tsakela mina nandza wa wena; tintswalo ta wena eka mina i tikulu ngopfu hikuva u ndzi ponisile, kambe ndzi nge swi koti ku tsutsumela etintshaveni hikuva ndzi nga weriwa hi khombo ndza ha ri endleleni, kutani ndzi fa.

Swivuriso 22:29

Munhu loyi a tivaka ntirho wa yena, ú ta tirhela tihosi, a nge he tirheli vanhu va swiyimo swa le hansi.

Swivuriso 17:2

N'wana wa mahanyelo yo khomisa tingana, ú ta fumiwa hi nandza la tlhariheke, ndzhaka leyi a a ta avelana ni vamakwavo, yi ta kuma hi nandza wa kona.

Swivuriso 16:7

Munhu loyi HOSI Xikwembu xi tsakelaka vutomi bya yena, xi endla leswaku hambi va ri valala va yena, va hanyisana na yena hi ku rhula.

Genesa 33:10

Yakobo a ku: “E-e, loko u ndzi amukela hakunene, ndzi kombela leswaku u teka tinyiko leti ndzi ku nyikaka tona. Leswi ndzi voneke mombo wa wena, swi fana ni loko ndzi vonile mombo wa Xikwembu, hikuva u ndzi amukerile hi malwandla.

Genesa 18:3

a ku: “N'we vini vanga, loko mi ndzi tsakela, ndzi kombela leswaku mi yimanyana laha ka mina nandza wa n'wina.

Swivuriso 14:35

Nandza wa miehleketo, hosi ya n'wi tsakela, kambe vukari bya yona byi wela loyi a endlaka leswi khomisaka tingana.

1 SAMIELE 16:22

Sawulo a rhumela rito eka Yese, a ku: “Davhida wa ndzi tsakisa, ndzi kombela leswaku a ya emahlweni a ndzi tirhela.”

Genesa 33:8

Kutani Esawu a ku: “Xana ntlawa wa wena lowu ndzi hlanganeke na wona i wa ku endla yini xana?” Yakobo a ku: “I wa ku endla leswaku wena n'wini wanga u ndzi amukela.”

Genesa 32:5

Kutani ndzi ni tihomu ni timbhongolo, ni swifuwo leswitsongo, ni malandza ya xinuna ni ya xisati, kutani ndzi rhuma vanhu lava ku ta ku tivisa mhaka leyi, we n'wini wanga, leswaku u ta ndzi amukela.”

Genesa 15:2

Kambe Abrama a hlamula a ku: “We Xikwembu N'wini wanga, xana u to ndzi nyika yini, hikuva ku fikela sweswi a ndzi si va na n'wana, kutani loyi a nga ta dya ndzhaka ya mina i Eliezere wa le Damaska.”

1 TIHOSI 16:9

Kambe nandza wa yena Zimri, mufambisi wa hafu ya makalichi ya yena ya nyimpi, a boha makungu ya ku vanga vuhosi. Siku rin'wana le Tirisa, loko Ela a ri karhi a nwa a pyopyiwa endlwini ya Arisa, mulanguteri wa swa le ntsindza kwale Tirisa,

Rhuti 2:6

“Nhwana loyi i wa le Mowabu; wa ha ku vuya na Nahumi hi le tikweni ra Mowabu”, ku hlamula mulanguteri.

1 SAMIELE 2:26

Loko a ri mufana Samiele, a a ya a kula emirini, a tsakeriwa hi HOSI Xikwembu ni vanhu va tiko.

Estere 2:9

Hegayi a kokiwa mahlo hi Estere, a n'wi komba tintswalo, kutani a hatlisa a n'wi nyika switola-tolani swa yena ni swakudya swa yena, a tlhela a n'wi nyika malandza ya vanhwana va 7 va le ntsindza, a n'wi yisa kun'we ni vanhwana lava endhawini leyo saseka ku tlula hinkwato, le nhangeni.

Swivuriso 3:4

Hi ndlela leyi, Xikwembu xi ta ku tsakela, ni vanhu va ta ku xixima.