Genesa 34:8 - BIBELE Mahungu Lamanene

⁸ Hamoro a vulavula na vana va Yakobo a ku: “Xikeme n'wananga ú rhandza n'wana wa ka n'wina. Ndzi kombela leswaku mi n'wi pfumelela a tekiwa hi Xikeme.

Xitsonga (Bibele)

⁸ Kutani Hamoro a vulavula na vona, a ku: “Mbilu ya Xikeme, n'wananga, yi namarhele ni n'wana wa n'wina; ndza mi khongela, n'wi nyikeni yena a va nsati wa yena,

Genesa 34:8 Referans Kwoze

1 TIHOSI 11:2

Vavasati lava a va huma etinxakeni leti HOSI Xikwembu xi leriseke Vaisraele ehenhla ka tona, loko xi te: “Mi nga tshuki mi tekana na vona, na vona va nga tshuki va tekana na n'wina, hikuva hakunene va ta hambukisa timbilu ta n'wina, mi hundzukela eka swikwembu swa vona.” Hambiswiritano, Solomoni a namarhela swikwembu leswi hi ku rhandzana ni vavasati.

Pisalema 119:20

Minkarhi hinkwayo ndzi navela ngopfu ku tiva leswi u swi boheke.

Pisalema 84:2

ndzi navela hi mbilu ya mina hinkwayo ku fika exivaveni xa yindlu ya wena. Hi miri ni moya, ndzi huwelela hi ku tsaka eka wena Xikwembu lexi hanyaka.

Pisalema 63:1

We Xikwembu, u Xikwembu xa mina, ndza ku lava, ndzi ni torha ra wena. Mina hi xiviri xa mina ndza ku rilela, ku fana ni misava leyi omeke loko yi rilela mati.

Genesa 34:3

Kambe Dina N'wa-Yakobo a yiva mbilu ya Xikeme, hiloko Xikeme a sungula ku rhandza Dina, a vulavula na yena kahle.

Genesa 34:7

Vana va Yakobo va xinuna va lo na twa mhaka leyi, va vuya hi le nhoveni va nyangatsekile va tlhela va hlundzuka swinene, hikuva Xikeme a a nghenisile mhaka ya vuphukuphuku exikarhi ka Vaisraele hi ku etlela na n'wana Yakobo. Mhaka yo tano, a yi yila.

Genesa 34:9

A hi twananeni leswaku vana va hina va tekana: Pfumelelani vana va n'wina va xisati ku tekiwa erixakeni ra ka hina, kasi na hina hi ta pfumelela lava ka hina ku tekiwa eka n'wina.

Ntirho 7:2

Munhu i hlonga leri tshwaka hi mumu ri navela ndzhuti, i mutirhi la langutelaka siku ra ku holeriwa.

Yeremiya 22:27

Mi ta navela ku vuya karikwenu, kambe swi nga ka swi nga endleki.”