Genesa 34:7 - BIBELE Mahungu Lamanene

⁷ Vana va Yakobo va xinuna va lo na twa mhaka leyi, va vuya hi le nhoveni va nyangatsekile va tlhela va hlundzuka swinene, hikuva Xikeme a a nghenisile mhaka ya vuphukuphuku exikarhi ka Vaisraele hi ku etlela na n'wana Yakobo. Mhaka yo tano, a yi yila.

Xitsonga (Bibele)

⁷ Kutani vana va Yakobo, loko va twa mhaka leyi, va vuya enhoveni, va vaviseka ngopfungopfu, va kariha swinene, hikuva Xikeme a a sandzile Israele siku a etleleke ni n'wana Yakobo, yi nga mhaka leyi nga fanelangiki.

Genesa 34:7 Referans Kwoze

Vaavanyisi 20:6

Kutani ndzi teka ntsumbu wa nsati wa mina, ndzi wu tsemelela wu huma swirho, ndzi rhuma vanhu va swi yisa etikweni hinkwaro leri nga ndzhaka ya Vaisraele, hikuva leswi va ka Benjamini va swi endleke i ndzhukano ni manyala exikarhi ka Vaisraele.

Yoxuwa 7:15

Munhu loyi a nga ta kumiwa a ri ni swilo leswi nyiketiweke leswaku swi herisiwa, ú ta hisiwa hi ndzilo, yena ni hinkwaswo leswi a nga na swona, hikuva ú ta va a tshovile ntwanano wa mina HOSI, naswona ú ta va a endlile mhaka leyi khomisaka tingana exikarhi ka Vaisraele.”

Duteronoma 22:21

ú fanele ku yisiwa eka vona, a fika a yimisiwa enyangweni, kutani vavanuna va muti wolowo va fanele ku n'wi khandla hi maribye a fa, hikuva ú ta va a endlile mhaka ya vuphukuphuku etikweni ra Israele hi ku va ni mahanyelo ya vunghwavava, loko a ha ri eka vona. Vubihi byo tano, mi fanele ku byi susa exikarhi ka n'wina.

Vaheveru 13:4

Ku tekana a ku ve loku xiximiwaka hi vanhu hinkwavo, vukati byi nga onhiwi hi ku kanganyisana, hikuva Xikwembu xi ta avanyisa timbhisa ni vaoswi.

Genesa 20:9

Kwalaho Abimeleke a vitana Abrahama a ku: “Xana i mhaka muni leyi u hi vangeleke yona xana? Xana ndzi ku dyohele yini, lero kala u ndzi vangela xidyoho lexikulu, mina ni tiko ra mina xana? Mhaka leyi u ndzi endleleke yona, a yi nga fanelanga ku va yi endlekile.”

1 Petro 2:9

Kambe n'wina, mi rixaka leri hlawuriweke, mi vaprista va Hosi, mi tiko leri hlawulekeke, vanhu lava nga va Xikwembu hi xiviri, leswaku mi ta kota ku twarisa mintirho leyo saseka ya loyi a mi vitaneke ku huma emunyameni, mi ta nghena eku vonakaleni ka yena loku hlamarisaka.

Yakobo 3:10

Enon'weni wun'we ku huma ku dzunisa ni ku rhukana. Vamakwerhu, leswi a swi nga fanelanga ku va tano.

Vaefesa 5:3

Mi vahlawuriwa va Xikwembu, kutani vuoswi, ni swa thyaka hinkwaswo, ni makwanga, a swi laveki exikarhi ka n'wina, ni ku kumbuka swi nga kumbukiwi.

1 Vakorinto 10:8

Hi nga tshuki hi nghena evuoswini, ku fana ni leswi van'wana va vona va endliseke swona, kutani hi siku rin'we ku lovile vanhu va 23 000.

1 Vakorinto 6:18

Chavani vuoswi! Xidyoho xin'wana ni xin'wana lexi munhu a xi endlaka xi le handle ka miri wa yena; kambe loyi a oswaka ú dyohela miri wa yena.

Swivuriso 7:7

ndzi languta lavantshwa lavo pfumala vutivi, kutani exikarhi ka vona ndzi vona jaha leri nga ehleketiki swinene,

Pisalema 93:5

Swileriso swa wena swi tiyile we HOSI, Tempele ya wena yi fanele ku hlawuleka minkarhi hinkwayo.

2 SAMIELE 13:21

Timhaka leti hinkwato ti hlundzukisa ngopfu hosi Davhida, loko a ti twa, [kambe a a nga lavi ku vavisa Aminoni mbilu, hikuva a a n'wi rhandza hileswi a a ri n'wana wa yena wa mativula].

Duteronoma 23:17

“Exikarhi ka Vaisraele, ku nga tshuki ku va ni vavasati kumbe vavanuna lava endlaka vunghwavava bya le swivandleni swa vukhongeri bya hava.

Levhitika 4:27

“Munhu ntsena, na yena a nga tshuka a dyoha ku nga ri ha vomu, a endla xin'wana xa swilo leswi HOSI Xikwembu xi leriseke leswaku swi nga tshuki swi endliwa; kutani a tikuma a ri ni nandzu.

Levhitika 4:13

“Ntshungu hinkwawo wa Vaisraele wu nga tshuka wu dyoha ku nga ri ha vomu, naswona wu nga swi tivi leswaku wu dyohile, hi ku endla xin'wana xa swilo leswi HOSI Xikwembu xi leriseke leswaku swi nga tshuki swi endliwa, kutani ntshungu wu tikuma wu ri ni nandzu.

Levhitika 4:2

ku ya vulavula ni Vaisraele, a va tivisa marito ya xona lama nge: “Munhu a nga tshuka a dyoha ku nga ri ha vomu, a endla xin'wana xa swilo leswi HOSI Xikwembu xi leriseke leswaku swi nga tshuki swi endliwa.

Genesa 46:7

Yakobo ú yile etikweni ra Egipta ni vana va yena hinkwavo va xinuna ni vaxisati, ni vatukulu va yena hinkwavo va xinuna ni va xisati.

1 Timotiya 5:13

Naswona, vavasati va tinoni lavantshwa va dyondza ku loloha; va rhendzeleka ni mindyangu ya van'wana, ku nga ri hi mhaka ya ku loloha ntsena, kambe va hundzuka vahlevi ni vavangi va swicele hi ku famba va vulavula leswi va nga faneriki ku swi vula.

Vakolosa 3:5

Loko swi ri tano, dlayani leswi swi nga swa misava eka n'wina, hileswaku vuoswi, ni swa thyaka, ni ku hisekela swa tingana, ni ku navela loko biha, ni makwanga, ku nga ku gandzela swikwembu swa hava.

Genesa 34:6

Kutani Hamoro tata wa Xikeme a ya eka Yakobo ku ya vulavula na yena.

Genesa 34:8

Hamoro a vulavula na vana va Yakobo a ku: “Xikeme n'wananga ú rhandza n'wana wa ka n'wina. Ndzi kombela leswaku mi n'wi pfumelela a tekiwa hi Xikeme.

Duteronoma 22:20

Kambe loko swi ri ntiyiso leswaku wansati wa kona a a nga ha ri nhwana loko a tekiwa,

Yeremiya 29:23

Vaprofeta lava va endlile swilo swa manyala exikarhi ka Vaisraele, va etlela ni vasati va vaakelani va vona, va tiendla lava vulavulaka hi vito ra mina, kasi va hemba, a ndzi va lerisanga nchumu. Mina HOSI ndzi ri, hinkwaswo leswi, ndzi swi vonile, ndza swi tiva.’ ”