Genesa 33:4 - BIBELE Mahungu Lamanene

⁴ Kutani Esawu a tsutsuma a ya hlanganisa Yakobo, a fika a n'wi khoma a n'wi vukarha, a n'wi ntswontswa, kutani havambirhi va rila.

Xitsonga (Bibele)

⁴ Kutani Esawu a tsutsuma a hlangana na yena; a n'wi singarhela, a wela enhan'wini ya yena, a n'wi ntswontswa, kutani va rila.

Genesa 33:4 Referans Kwoze

Pisalema 34:4

Ndzi komberile HOSI Xikwembu leswaku xi ndzi pfuna, kutani xi ndzi hlamurile, xi ndzi ntshunxa eku chaveni ka mina hinkwako.

Luka 15:20

Kutani a pfuka, a ya eka tata wa yena. “Loko a ha ri kule, tata wa yena a n'wi vona, a n'wi twela vusiwana; kutani a tsutsuma, a ya n'wi vukarha, a n'wi ntswontswa.

Genesa 32:28

Kutani a ku: “Vito ra wena a ri nga ha vi Yakobo, kambe u ta va Israele, hikuva u pfinyanile ni Xikwembu ni vanhu, kambe u hlurile.”

Timhaka 20:37

Kutani hinkwavo va sungula ku rila swinene, va vukarha Pawulo, va n'wi ntswontswa;

Swivuriso 16:7

Munhu loyi HOSI Xikwembu xi tsakelaka vutomi bya yena, xi endla leswaku hambi va ri valala va yena, va hanyisana na yena hi ku rhula.

Genesa 46:29

Hiloko Yosefa a lulamisa kalichi ya yena, a tlhandlukela emugangeni wa Goxeni, a ya hlanganisa tata wa yena, a fika a titivisa eka yena, kutani a n'wi vukarha, a sungula ku rila a n'wi vukarhile.

Genesa 45:2

Kutani Yosefa a rila a ba huwa, Vaegipta va kondza va n'wi twa ku ya fika ni le mutini wa hosi Faro.

Ntirho 2:12

Loko va n'wi vona va ha ri kulenyana, va hlwela ku n'wi tiva, kutani va sungula ku tlhava mukhosi, va rila, va handzulela swiambalo swa vona, va nusa ni misava va haxa ehenhla, va tichela ni le tinhlokweni.

Nehemiya 1:11

We HOSI, ndzi kombela leswaku u rhiya ndleve u yingisa xikhongelo xa mina nandza wa wena, u yingisa ni xikhongelo xa malandza ya wena lawa ma tinyungubyisaka hi vito ra wena lero chaviseka. Ndzi kombela leswaku u ndzi katekisa mina nandza wa wena, u endla leswaku namuntlha hosi ya tiko yi ndzi komba tintswalo.” Enkarhini lowu, a ndzi ri mucheri wa vhinyo ya hosi.

Genesa 43:30

Hiloko Yosefa a hatlisa a huma, hikuva mbilu ya yena a yi khapa hi ntsako wo vona makwavo, kutani a a lava ni ku rila, hiloko a ya nghena laha a etlelaka kona, a rilela kona.

Swivuriso 21:1

Mbilu ya hosi i xinambyana xa mati lexi fambisiwaka hi HOSI Xikwembu, xi yi jikisela hinkwako lomu xi ku rhandzaka.

Genesa 43:34

Nyama leyi a va phameriwa yona, a yi huma etafuleni ra Yosefa, kutani Benjamini a nyikiwa yo tlula ya lavan'wana kantlhanu. Kutani va nwa vhinyo na Yosefa va tixurhela.

Genesa 29:11

Kutani Yakobo a ntswontswa Rahele, a tlhela a rila swinene.

Genesa 29:13

Loko Labani a twa ta Yakobo n'wana makwavo wa yena, a tsutsuma a ya n'wi hlanganisa, a fika a n'wi vukarha a n'wi ntswontswa, kutani a n'wi yisa emutini wa yena. Kutani Yakobo a rungulela Labani hinkwaswo leswi humeleleke.

Genesa 32:11

Ndzi kombela leswaku u ndzi lamulela eka makwerhu Esawu, hikuva ndzi chava leswaku a nga ta a ta hi herisa hinkwerhu, a herisa ni vavasati ni vana va vona.

2 SAMIELE 14:33

Hiloko Yowabu a ya eka hosi Davhida, a ya n'wi tivisa mhaka leyi. Kutani Davhida a vitana Abixalomu. Abixalomu a ya entsindza, a fika a nkhinsamela hosi, mombo wa yena wu ko wu khumba misava. Kutani hosi yi ntswontswa Abixalomu.

1 SAMIELE 20:41

Loko mufana a fambile, Davhida a huma endzhaku ka nhulu ya maribye, a nkhinsama, a korhama kanharhu mombo wu ko wu khumba hansi, kutani a vukarhana na Yonatani, va rila hi vumbirhi bya vona, Davhida a kondza a nga ha tikoti hi ku rila.