Genesa 32:3 - BIBELE Mahungu Lamanene

³ Kutani Yakobo a rhuma vanhu eka Esawu makwavo wa yena le Seyira, etikweni ra Edomu,

Xitsonga (Bibele)

³ Kavaloko Yakobo a rhangisa tintsumi emahlweni, ti ya eka Esawu, makwavo, etikweni ra Seyira, ebanyini ra Edomu,

Genesa 32:3 Referans Kwoze

Yoxuwa 24:4

kutani Isaka ndzi n'wi nyika Yakobo na Esawu. Esawu ndzi n'wi nyikile tiko ra le magangeni ya Seyira ri va ra yena; kasi Yakobo ni vana va yena vona va rhelerile va ya etikweni ra Egipta.

Genesa 25:30

Kutani Esawu a ku ka Yakobo: “Ndzi phamelenyana swilo sweswo swo tshwuka ndzi dya, hikuva ndzi ni ndlala swinene.” (Hikwalaho ka leswi, Esawu a thyiwa vito ra Edomu, hileswaku “ku tshwuka”.)

Duteronoma 2:5

mi nga tshuki mi lwa na vona, hikuva a ndzi nga mi nyiki nchumu xa tiko ra vona. Hambi xi ri xiphemunyana xinene xa misava ya kona a mi nga xi kumi, hikuva maganga lawa ya Seyira, ndzi ma nyikile va ka Esawu, ma va ndzhaka ya vona.

Genesa 33:14

We n'wini wanga, ndzi kombela leswaku u pfa u rhanga, mina nandza wa wena ndzi ta ta ndzi ri karhi ndzi byisa swifuwo khwatsi, ndzi famba ntsena mpfhuka lowu nga kotiwaka hi swifuwo ni vana lava ndzi nga na vona, ku kondza ndzi ta fika eka wena n'wini wanga le Seyira.”

Genesa 14:6

va hlula ni Vahori lava tshamaka entshaveni ya vona ya Seyira, ku kondza va ya fika le Eliparani, laha mananga ma sungulaka kona.

Luka 9:52

Kutani a rhuma van'wana leswaku va ya n'wi rhangela emahlweni; va suka, kutani va ya nghena emutini wa Vasamariya leswaku va n'wi lunghisela kona.

Malakiya 3:1

HOSI ya matimba hinkwawo yi ri: “Vonani, ndzi ta rhuma nandza wa mina leswaku a ndzi khulelela ndlela. Kutani mina N'wini wa hinkwaswo loyi mi ndzi languteleke, ndzi ta hatla ndzi nghena eTempeleni ya mina. Vonani, nandza loyi mi n'wi tsakelaka, wa ta ku ta mi tivisa ta ntwanano wa mina.”

Duteronoma 2:22

Leswi hi swona leswi HOSI Xikwembu xi swi endleleke va ka Esawu lava tshamaka eSeyira: Hi matimba ya xona, va ka Esawu va fikile va herisa Vahori, kutani va va tekela tiko; ninamuntlha, va ha tshama eka rona.

Genesa 33:16

Kutani hi siku rero Esawu a tlhelela eSeyira.

Genesa 32:7

Kutani Yakobo a chava swinene, a sungula ku rhurhumela, kutani a avanyisa vanhu lava a a ri na vona, ni swifuwo leswitsongo ni leswikulu, ni tikamela, ku huma mintlawa mimbirhi,

Genesa 32:11

Ndzi kombela leswaku u ndzi lamulela eka makwerhu Esawu, hikuva ndzi chava leswaku a nga ta a ta hi herisa hinkwerhu, a herisa ni vavasati ni vana va vona.

Tinhlayo 24:18

Tiko ra Edomu ri ta tekeriwa swa rona, hambi wu ri muti wa Vaseyira valala va Israele, wu ta tekeriwa swa wona, loko Vaisraele va ri karhi va komba vunhenha bya vona.

Duteronoma 1:2

Ku suka entshaveni ya Horebe ku ya fika eKadexe-Bariniya hi ndlela leyi hundzaka hi le magangeni ya Seyira, swi ringana riendzo ra masiku ya 11.

Esaya 21:11

Lawa i mahungu ehenhla ka Edomu. Ndzi twa munhu la ndzi vitanaka a ri eSeyira, a ku: “We murindzi, u ri yini hi vusiku, xana byi ta hela rini ke?”

Yeremiya 49:7

Ta va le Edomu hi leti: HOSI ya matimba hinkwawo yi vurisa sweswo, yi ri: “Xana vanhu va le Temani a va ha ri na vutlhari ke? Vatsundzuxi va vona va lahlekeriwe hi mano xana? Xana vutlhari bya vona byi lo nyamalala xana?

Yoxuwa 13:30

Xifundzha xa vona xi sukela eMahanayimi, xi katsa ni tiko hinkwaro ra Baxani leri fumiwaka hi Ogo, ni miti hinkwayo ya Yayiri yo ringana 60, leyi nga eBaxani,

2 SAMIELE 2:8

Enkarhini wolowo, Abinere n'wana Nere, loyi a a ri ndhunankulu ya mavuthu ya Sawulo, a a sukile na Ixi-Boxete n'wana Sawulo, a pela nambu wa Yordani a ya na yena emutini wa Mahanayimi,

2 TIHOSI 6:17

Kavaloko Elixa a khongela, a ku: “Wee HOSI, ndza ku kombela, pfula mahlo ya yena, a ta kota ku vona.” Kavaloko HOSI Xikwembu xi pfula mahlo ya nandza, a kota ku vona: Maganga a ma tele hi tihanci ni makalichi ya ndzilo, swi rhendzerile Elixa.

1 TIKRONIKA 12:23

Leyi i mintsengo ya masocha emavuthwini ya Davhida, lama nga ya eka yena le Hebroni ma ya n'wi veka ku va hosi ematshan'wini ya Sawulo, hilaha HOSI Xikwembu a xi vulavula hakona.

Risimu ra Tinsimu 7:1

Loko u ambele tintanghu, we nhwana, ú fana ni nkosikazi, milenge ya wena a hi ku saseka ka yona. Tinyonga ta wena ti vumbekile ku fana ni maribye layo xonga, lama vatliweke hi loyi a swi kotaka.