Genesa 32:10 - BIBELE Mahungu Lamanene

¹⁰ Mina nandza wa wena a ndzi nga fanelanga ku kuma rirhandzu ra wena lero tshembeka, ni tintswalo hinkwato leti u ndzi kombeke tona. Loko ndzi pela nambu lowu wa Yordani, a ndzi khomile nhonga ntsena, kambe sweswi ndzi ni mintlawa mimbirhi.

Xitsonga (Bibele)

¹⁰ a ndzi ringani tintswalo ta wena hinkwato, ni ku tshembeka hinkwako loku u ku humeseleke nandza wa wena; kasi ndzi pele Yordani loyi, ndzi ri ni nhonga ya mina ntsena, kasi sweswi, ndzi hundzuke mixaxa mimbirhi.

Genesa 32:10 Referans Kwoze

Pisalema 18:35

We HOSI, u ndzi tamerisa xitlhangu ku nga ku ponisa ka wena; voko ra wena ra xinene ra ndzi seketela, wa ndzi kurisa, loko u tikarhatela mina.

Genesa 24:27

a ku: “A ku dzunisiwe HOSI, xona Xikwembu xa n'wini wa mina Abrahama, lexi nga tshikangiki ku komba ku tshembeka ka xona ni tintswalo ta xona eka n'wini wa mina. Hi xona lexi xi ndzi rhangeleke eriendzweni ra mina xi ta ndzi fikisa eka makwavo wa n'wini wa mina.”

2 SAMIELE 7:18

Kutani hosi Davhida a ya nghena entsongeni wa HOSI Xikwembu, a tshama ehansi, a khongela a ku: “We HOSI N'wini wanga, a ndzi munhu wa nchumu, naswona ndyangu wa mina a wu tivikani; kambe u ndzi fikisile eka xiyimo lexi ndzi nga ka xona sweswi!

1 Petro 5:5

Swi tano na n'wina lavantshwa: Titsongahateni eka lavakulu. Hinkwenu ambalani ku titsongahata, mi tiveka ehansi, van'wana eka van'wana, hikuva va khale va te: “Xikwembu xi alela lava tikurisaka, kambe xi tsetselela lava titsongahataka.”

2 Vakorinto 12:11

Ndzi ve xiphukuphuku! Hi n'wina mi ndzi sindziseke, kasi a mi ta va mi fanele ku ndzi dzunisa, hikuva hambiloko ndzi nga ri nchumu, a va ndzi tlulanga ha nchumu, vo lava va nge i “vaapostola lavakulu”.

Luka 17:10

Hi mukhuva wolowo, na n'wina, loko mi hetile hinkwaswo leswi mi lerisiweke swona, vulani mi ku: ‘Hi malandza lama nga faneriki hi ku nkhensiwa, hi endlile ntsena leswi a hi fanela ku swi endla.’ ”

Luka 5:8

Loko Simoni Petro a swi vona, a nkhinsama emilengeni ya Yesu, a ku ka yena: “Suka ka mina Hosi, hikuva ndzi mudyohi.”

Mikiya 7:20

U ta komba ku tshembeka ka wena ni tintswalo ta wena eka va ka Yakobo, vona vatukulu va Abrahama, hilaha u hlambanyeke hakona khale, loko u tshembisa vatata wa hina.

Esaya 63:7

Ndzi nga ka ndzi nga rivali rirhandzu ro tshembeka ra HOSI Xikwembu, ni mintirho ya xona leyi dzunekaka; ndzi ta anakanya hinkwaswo leswi xi nga hi endlela swona, hina Vaisraele, ni vunene lebyikulu lebyi xi nga hi komba byona, endzalweni ya musa wa xona ni tintswalo ta xona.

Esaya 6:5

Kutani ndzi ku: “Yo, ndzi lovile, mina munhu wa milomo ya thyaka la tshamaka ni vanhu va milomo ya thyaka, hikuva ndzi vonile Hosi, xona Xikwembu xa matimba hinkwawo!”

Swivuriso 4:18

Mahanyelo ya lavo lulama ma fana ni ku vonakala ka vurhonga loku ku yaka ku engeteleleka, dyambu ri ko ri xa.

Pisalema 85:10

Rirhandzu ni ku tshembeka swi hlanganile, ku lulama ni ku rhula swa vukarhana.

Pisalema 84:7

Loko va famba, va engeteleriwa matimba masiku hinkwawo, va ko va fika emahlweni ka wena eSiyoni, we Xikwembu.

Pisalema 61:7

A a fume hilaha ku nga heriki emahlweni ka wena, we Xikwembu; n'wi hlayise hi rirhandzu ra wena ni ku tshembeka ka wena.

Pisalema 16:2

Eka HOSI, ndzi ri: “Hi wena n'wini wa mina, a ndzi kumi ntsako loko ku nga ri ha wena ntsena.”

Pisalema 8:5

Kambe u n'wi vumbile a va ehansinyana ka wena, u n'wi tlhandlekile harhi ya ku kwetsima ni ku twala.

Ntirho 17:9

Loyi a nge, ú lulamile, a nga hundzuki miehleketo, loyi a nge, mavoko ya yena ma tengile, ú ta omela kwalaho.

Ntirho 8:7

kutani rifuwo ra wena lerintshwa, ri ta tlula ngopfu lera khale hi ku tala.

Duteronoma 8:18

kambe mi fanele ku tsundzuka HOSI Xikwembu xa n'wina, hikuva hi xona lexi xi nga ta va xi mi nyikile matimba ya ku kuma rifuwo ra kona; leswi, xi ta va xi swi endlile leswaku xi ta tiyisa ntwanano wa xona lowu xi wu hlambanyeleke vatata wa n'wina; ni namuntlha, swa ha ri tano.

Genesa 32:7

Kutani Yakobo a chava swinene, a sungula ku rhurhumela, kutani a avanyisa vanhu lava a a ri na vona, ni swifuwo leswitsongo ni leswikulu, ni tikamela, ku huma mintlawa mimbirhi,

Genesa 32:5

Kutani ndzi ni tihomu ni timbhongolo, ni swifuwo leswitsongo, ni malandza ya xinuna ni ya xisati, kutani ndzi rhuma vanhu lava ku ta ku tivisa mhaka leyi, we n'wini wanga, leswaku u ta ndzi amukela.”

Genesa 30:43

Hi ndlela leyi, Yakobo a va ni rifuwo lero tala swinene. A a ri ni mintlhambi leyikulu, ni malandza ya xinuna ni ya xisati, ni tikamela ni timbhongolo.

Genesa 28:15

Vona, ndzi na wena; ndzi ta ku hlayisa hinkwako lomu u nga ta ya kona, ndzi tlhela ndzi ku vuyisa etikweni leri, hikuva ndzi nga ka ndzi nga ku tshiki ku kondza ndzi endla hinkwaswo leswi ndzi ku byeleke swona.”

Genesa 18:27

Abrahama a hlamula a ku: “Vona, ndzi kanyile mbilu ndzi ta ndzi ta vulavula na wena HOSI, hambileswi ndzi ngo va ntshuri ni nkuma ntsena.

2 SAMIELE 17:24

Loko Abixalomu ni vavanuna va Israele hinkwavo va ri karhi va pela nambu wa Yordani, Davhida a fika eMahanayimi.

Genesa 24:12

Kutani a khongela a ku: “We HOSI, wena Xikwembu xa n'wini wa mina Abrahama, ndzi kombela leswaku u ndzi humelerisa namuntlha, u komba ku tshembeka ka wena eka n'wini wa mina Abrahama.

Genesa 28:13

HOSI Xikwembu a xi yimile etlhelo ka yena, kutani xi ku: “Hi mina HOSI, Xikwembu xa Abrahama na Isaka. Tiko leri u etleleke eka rona ndzi ta ku nyika rona, wena ni vatukulu va wena.

Genesa 31:3

Kutani HOSI Xikwembu xi ku ka Yakobo: “Tlhelela etikweni ra rikwenu, eka va ka n'wina; mina ndzi ta va na wena.”