Genesa 3:8 - BIBELE Mahungu Lamanene

⁸ Hi nkarhi wa madyambu, wanuna ni nsati wa yena va twa HOSI Xikwembu xi ri karhi xi famba-famba entangeni. Kutani va tumbela exikarhi ka mirhi entangeni, va chava ku voniwa hi HOSI Xikwembu.

Xitsonga (Bibele)

⁸ Kutani va twa rito ra Yehovha Xikwembu loko a famba entangeni hi nkarhi wa madyambu; wanuna ni nsati wa yena va tumbela emirhini ya ntanga, va chava mombo wa Yehovha Xikwembu.

Genesa 3:8 Referans Kwoze

Yeremiya 23:24

Ku hava ndhawu leyi munhu a nga tumbelaka eka yona leswaku ndzi nga n'wi voni, hikuva hinkwako ematilweni ni la misaveni, ndzi kona. Ndzi vula sweswo mina HOSI.

Swivuriso 15:3

HOSI Xikwembu xi languta matlhelo hinkwawo, xi xiyaxiya va mintirho leyo biha ni va mintirho leyinene.

Vaheveru 4:13

Emahlweni ka Xikwembu, ku hava ni xivumbiwa ni xin'we lexi tumbeleke. Hinkwaswo swi lo tlàngàndlà, erivaleni, emahlweni ka Loyi hi fanelaka ku tihlamulela eka yena.

Varhoma 2:15

Va kombisa leswaku leswi Nawu wu lerisaka swona, swi tsariwile etimbilwini ta vona; ripfalo ra vona ri tiyisa sweswo, hambi yi ri miehleketo ya vona, loko yi kanetana, yi va veka nandzu kumbe yi yima na vona;

Genesa 3:10

Kutani yena a ku: “Ndzi ku twile loko u famba-famba entangeni, kutani ndzi ya tumbela hikuva a ndzi chava, leswi a ndzi nga ambalanga nchumu.”

Yonasi 1:3

Kambe Yonasi a suka a balekela eTarxixi, leswaku a va kule ni HOSI. Hiloko a rhelela a ya eYopa, a kuma kona ngalava leyi a yi ya eTarxixi. A humesa mali ya riendzo, a khandziya ku ya na vona eTarxixi, a balekisa sweswo kule ni HOSI Xikwembu.

Ntirho 31:33

Xana ndzi fihlele vanhu swidyoho swa mina, ndzi tihlayisela swona exifuveni ke?

Ntirho 38:1

Kutani HOSI Xikwembu xi vulavula na Yobo, xi ri endzeni ka xihuhuri, xi ku:

Duteronoma 23:14

Mixaxa ya n'wina yi fanele ku tshama yi hlawulekile, hikuva HOSI Xikwembu xi famba na n'wina loko mi huma nyimpi, leswaku xi ta mi lwela, xi nyiketa valala va n'wina emavokweni ya n'wina; hikokwalaho xi nga tshuki xi vona swo khomisa tingana exikarhi ka n'wina, hikuva xi nga ta mi fularhela.

Duteronoma 5:25

Xana na hina hi nga pona ke? E-e, loko ho tlhela hi twa rito ra HOSI Xikwembu xa hina, hi ta fa; ndzilo lowukulu lowu, wu ta hi herisa.

Duteronoma 4:33

Ku hava rixaka ni rin'we leri tshamaka ri twa xikwembu xa rona xi vulavula xi ri endzilweni, kutani ri sala ra ha hanya, sweswo swi humelerile eka n'wina ntsena.

Ntirho 22:14

U ri: ‘Munyama wu xi siva mahlo, a xi voni, xo tirhendzelekela le vugimamusi!’

Nhlavutelo 6:15

Hiloko tihosi ta misava ni tindhuna ni vafambisi va tinyimpi ni swifumi ni vanhu va matimba, ni lavan'wana hinkwavo, mahlonga kumbe vantshunxeki, va titumbeta emabakweni ni le hansi ka maribye etintshaveni.

Genesa 18:33

Loko HOSI Xikwembu xi hetile ku vulavula na Abrahama, xi suka xi famba, kutani Abrahama a tlhelela entsongeni wa yena.

Levhitika 26:12

Ndzi ta va kona exikarhi ka n'wina, ndzi va Xikwembu xa n'wina, na n'wina mi va vanhu va mina.

Hosiya 10:8

Switsunga leswo hlawuleka swa le Avene swi ta herisiwa, kona exivindzini xa vudyoho bya Israele. Etialitarini ta vona ku ta mila mitwa ni mahlwehlwe. Va ta byela tintshava va ku: “Hi funengeteni!” ni le ka swintshabyana va ta ku: “Hi weleni henhla!”