Genesa 3:6 - BIBELE Mahungu Lamanene

⁶ Kuteloko wansati a vona leswaku murhi wa kona wa dyiwa, ni leswaku wu koka mahlo, naswona wu nga endla leswaku munhu a tlhariha, a kha mihandzu ya wona, a dya; a teka yin'wana a ya nyika nuna wa yena, a dya.

Xitsonga (Bibele)

⁶ Wansati, kuteloko a vona leswaku murhi a wu nandziha, ni leswaku wu navetisa mahlo, ni leswaku wu navetisa ku tlhariha, a kha mihandzu ya wona, a dya, a nyika ni nuna wa yena loyi ngi a ri na yena, kutani a dya.

Genesa 3:6 Referans Kwoze

1 Yohane 2:16

Hikuva hinkwaswo leswi nge misaveni, ku navela ka miri, ni ku navela ka mahlo, ni ku tikurisa hi swa vutomi lebyi, a hi leswi Tatana a swi tsakelaka, kambe swi tsakela hi va misava.

1 Timotiya 2:14

Naswona, a hi Adamu loyi a kanganyisiweke, kambe i wansati la kanganyisiweke, kutani a wela eku dyoheni.

2 SAMIELE 11:2

Siku rin'wana loko dyambu ri ya eku peleni, Davhida a pfuka eku wiseni, kutani a ya, a ya bela hi moya elwangwini ra yindlu ya le ntsindza. Kuteloko a ri kwale, a vona wansati a ri eku hlambeni. Wansati loyi a a sasekile swinene.

Yoxuwa 7:21

Exikarhi ka swilo leswi a hi swi phanghile, ndzi vonile xiambalo xo saseka lexi humaka eXinara, ni silivhere yo tika 2,4 kg, ni gadi ra nsuku ro tika 600 g, kutani ndzi swi navela, hiloko ndzi swi teka; sweswi swilo leswi ndzi swi celerile entsongeni wa mina, ehansi ka swona ndzi rhangisile silivhere.”

Hosiya 6:7

Kambe va tshovile ntwanano ku fana na Adamu, hi ku ka va nga ndzi tirhelanga hi ku tshembeka.

Genesa 6:2

Kutani swivumbiwa swa le tilweni swi vona leswaku vanhwanyana lava va sasekile, kutani swi tihlawulela vasati exikarhi ka vona.

Ezekiele 24:25

HOSI Xikwembu xi engeta xi ku ka mina: “Wena Ezekiele, tiva leswaku siku ri le kusuhi leri ndzi nga ta tekela Vaisraele ekhokholo ra vona, yona Tempele leyi va tiyaka ni ku tidzunisa ha yona, leyi va yi rhandzaka swinene ni ku yi anakanya minkarhi hinkwayo; ri fikile siku leri vana va vona va xinuna ni va xisati va nga ta dlayiwa ha rona.

Ezekiele 24:16

“Swi tive we Ezekiele, ndzi le kusuhi ni ku ku tekela murhandziwa wa wena hi ndlela ya xitshuketa. U nga n'wi rili, ni mihloti ya wena yi nga humi.

Matewu 5:28

Kambe mina ndzi ri ka n'wina: Un'wana ni un'wana la langutaka wansati hi ku n'wi navela, ú n'wi oswile embilwini ya yena.

Ezekiele 24:21

Hikokwalaho, yingisani n'wina Vaisraele! HOSI N'wini wa hinkwaswo ú ndzi byerile ku mi fikisela mahungu ya yena lawa ya nge: ‘Tempele ya mina, yona leyi mi tiyaka ni ku tidzunisa ha vona, yona leyi mi yi rhandzaka swinene ni ku yi anakanya minkarhi hinkwayo, ndzi ta yi onha. Vana va n'wina va xinuna ni va xisati lava saleke eYerusalema, va ta dlawa hi matlhari.

Genesa 39:7

Endzhaku ka masikunyana, nkata Potifaro a navela Yosefa, kutani a ku ka yena: “Tana hi ta etlela swin'we.”

Genesa 3:17

HOSI Xikwembu xi ku ka Adamu: “U pfumerile leswi nsati wa wena a ku byeleke swona, kutani u dya mihandzu ya murhi lowu ndzi ku leriseke ndzi ku: ‘U nga tshuki u yi dya.’ Hikokwalaho u vangele misava endzhukano, kutani swakudya leswi swi nga ta huma emisaveni, u ta swi kuma hi ku karhateka vutomi bya wena hinkwabyo.

Genesa 3:12

Wanuna a ku: “Wansati loyi u ndzi nyikeke yena leswaku ndzi tshama na yena, hi yena a ndzi nyikeke mihandzu ya murhi wa kona, kutani mina ndzi lo dya.”

Ntirho 31:1

“Ndzi endlile ntwanano ni mahlo ya mina, ndzi ku, a ndzi nga ha languti vanhwanyana.

Vaavanyisi 14:17

Wansati loyi a rila eka Samsoni ku ringana masiku ya 7 ya nkhuvo; kutani hi siku ra vu-7, Samsoni a n'wi hlamusela ntshayito, hikuva a a n'wi sindzisile ngopfu. Hiloko wansati loyi a ya byela majaha ya ka vona.

1 TIHOSI 13:19

Kutani munhu wa Xikwembu a tlhela na muprofeta, va ya dya vuswa ni ku nwa mati emutini wolowo.