Genesa 3:23 - BIBELE Mahungu Lamanene

²³ Hikokwalaho, HOSI Xikwembu xi humesa munhu entangeni wa Edeni, leswaku a ya rima misava leyi a vumbiweke ha yona.

Xitsonga (Bibele)

²³ Kavaloko Yehovha Xikwembu a n'wi humesa entangeni wa Edeni ku ya rima misava leyi a nga humesiwa eka yona.

Genesa 3:23 Referans Kwoze

Genesa 4:2

Evha a tlhela a veleka n'wana wa mufana, a nga Avele. Avele a a ri mufuwi wa tinyimpfu, Kayini yena a a ri murimi.

Genesa 4:12

Loko u rima misava, a yi nga ha ku humeseli ntshovelo lowu ringaneke. Emisaveni a wu nga vi na kaya, u ta va mutsendzeleki.”

Genesa 3:19

U ta dya swa nyuku wa wena, u kondza u tlhelela emisaveni hikuva u humesiwile eka yona; u ntshuri, kutani u fanele ku tlhelela entshurini.”

Eklesiasta 5:9

Eka hinkwaswo leswi, tiko ri ta pfuneka ntsena loko hosi yi tirimela masimu etlhelo.

Genesa 2:5

emisaveni a ku nga si mila nchumu, hambi xi ri ximudyana xinene, kumbe byanyi, hikuva HOSI Xikwembu a xi nga si nisa mpfula emisaveni, naswona a ku nga si va na munhu loyi a a ta rima misava.

Genesa 9:20

Nowa a a ri murimi; hi yena munhu wo sungula ku rima nsimu a byala vhinya.

Genesa 3:22

Kutani HOSI Xikwembu xi ku: “Vonani, sweswi munhu ú fana na hina, ú tiva swo biha ni leswo saseka, kutani a nga tshuka a kha ni mihandzu ya murhi lowu nyikaka vutomi, a dya, kutani a hanya hilaha ku nga heriki.”

Genesa 3:24

HOSI Xikwembu xi hlongola munhu entangeni wa Edeni, kutani evuxeni bya ntanga lowu xi veka tikerubu ni fumu leri vangamaka, ri tshama ri ri karhi ri rhendzeleka-rhendzeleka, swi rindza ndlela yo ya emurhini lowu nyikaka vutomi.

Genesa 2:7

Kutani HOSI Xikwembu xi vumba munhu hi ntshuri wa misava, xi huhutela moya lowu nyikaka vutomi etinhompfini ta yena, kutani munhu a va xivumbiwa lexi hanyaka.

Genesa 2:8

Kutani HOSI Xikwembu xi endla ntanga le Edeni evuxeni, kutani xi teka munhu loyi xi n'wi vumbeke, xi ya n'wi veka kwale ntangeni.