Genesa 3:17 - BIBELE Mahungu Lamanene

¹⁷ HOSI Xikwembu xi ku ka Adamu: “U pfumerile leswi nsati wa wena a ku byeleke swona, kutani u dya mihandzu ya murhi lowu ndzi ku leriseke ndzi ku: ‘U nga tshuki u yi dya.’ Hikokwalaho u vangele misava endzhukano, kutani swakudya leswi swi nga ta huma emisaveni, u ta swi kuma hi ku karhateka vutomi bya wena hinkwabyo.

Xitsonga (Bibele)

¹⁷ Ni ka wanuna, a ku: “Leswi u yingiseke rito ra nsati wa wena, u dya murhi lowu ndzi nga ku lerisa, ndzi ku: ‘U nga tshuki u dya,’ misava yi rhuketeriwa hikwalaho ka wena. U ta dya swa yona hi ku vaviseka hi masiku hinkwawo ya ku hanya ka wena;

Genesa 3:17 Referans Kwoze

Genesa 5:29

kutani a n'wi thya vito ra Nowa, hikuva a a ku: “N'wana loyi ú ta hi tiyisa, emintirhweni ya hina leyo karhata leyi hi vangeriweke yona hileswi misava yi rhuketeriweke hi HOSI.”

Yohane 16:33

Ndzi mi byerile swilo leswi leswaku mi va ni ku rhula eka mina. La misaveni, mi ta va ni mahlomulo, kambe tiyani timbilu, ndzi hlurile misava.”

Pisalema 127:2

A swi pfuni nchumu ku hubuta u tirha, u titsona ni vurhongo nimadyambu, u xanisekela ku kuma swakudya, hikuva HOSI Xikwembu xi nyika lava xi va rhandzaka, hambiloko va etlele.

Eklesiasta 5:17

Masiku hinkwawo ú le xinyamini, a rila; ú tshamela ku hlundzuka, a vabya, a vilela!

Ntirho 14:1

“Vutomi bya munhu byi komile ngopfu, ku sukela evuhlangini, ú le ku xanisekeni.

Varhoma 3:19

Ha swi tiva leswaku hinkwaswo leswi Nawu wu vulaka swona, swi kongoma lava nge hansi ka wona, leswaku vanhu hinkwavo va pfariwa milomo, ni leswaku misava hinkwayo yi yisiwa eku avanyisiweni emahlweni ka Xikwembu.

Ntirho 21:17

“Lavo homboloka a va tali ku tekeriwa ku vonakala, kumbe ku humeleriwa hi makhombo; a va tali ku weriwa hi vukari bya Xikwembu.

Luka 19:22

Hosi yi hlamula yi ku: ‘Wena nandza lowo biha, ndzi ta ku avanyisa hi ku vulavula ka wena. A wu swi tiva leswaku ndzi munhu wo nonon'hwa, ni leswaku ndzi teka lexi ndzi nga xi vekangiki, ni ku tshovela lexi ndzi nga xi byalangiki!

Matewu 25:45

Kutani Hosi yi ta va hlamula, yi ku: ‘Ndzi tiyisile ndzi ri ka n'wina, loko mi nga endlelanga un'wana wa lavatsongo lava, na mina a mi ndzi endlelanga.’

Eklesiasta 2:17

Hiloko ndzi sungula ku venga vutomi hi byoxe, hikuva leswi humelelaka laha misaveni a swi ndzi nyiki ku rhula. Hakunene ku hava lexi pfunaka, ko va ku hlongorisa moya ntsena.

Eklesiasta 2:11

Kambe loko ndzi kambisisa hinkwaswo leswi ndzi swi endleke hi mavoko ya mina, ndzi vonile leswaku leswi ndzi tikarhateleke swona, a swi nga pfuni nchumu, a ndzi nga vuyeriwi hi nchumu laha misaveni.

Genesa 3:11

HOSI Xikwembu xi ku: “U byele hi mani leswaku a wu ambalanga nchumu xana? Xana u lo dya mihandzu ya murhi lowu ndzi nga ku lerisa leswaku u nga tshuki u yi dya, xana?”

Genesa 3:6

Kuteloko wansati a vona leswaku murhi wa kona wa dyiwa, ni leswaku wu koka mahlo, naswona wu nga endla leswaku munhu a tlhariha, a kha mihandzu ya wona, a dya; a teka yin'wana a ya nyika nuna wa yena, a dya.

Matewu 22:12

kutani yi ku ka yena: ‘Nakulorhi, u nghenise ku yini la, u nga ri na xiambalo xa nkhuvo?’ Yoloye a miyela.

Vaheveru 6:8

Kambe loko yi mirisa mitwa ni swigatlu, a yi pfuni nchumu, kutani yi le kusuhi ni ku rhukaniwa; makumu ka yona i ku tshwa.

Genesa 3:18

Misava yi ta ku mirisela mitwa ni mahlwehlwe, u ta hamba u dya swimila swa le nhoveni.

Genesa 8:21

Loko HOSI Xikwembu xi twa ku nun'hwela ka gandzelo ra kona, yi vulavula hi mbilu yi ku: “A ndzi nga ha tlheli ndzi rhuketela misava hikwalaho ka ku dyoha ka munhu, hambileswi munhu a ehleketaka swo biha ku sukela evuhlangini bya yena. Naswona a ndzi nga ha engeti ndzi herisa swivumbiwa leswi hanyaka, tani hilaha ndzi endleke hakona.