Genesa 3:16 - BIBELE Mahungu Lamanene

¹⁶ HOSI Xikwembu xi ku ka wansati: “Ndzi ta andzisa switlhavi swa ku tika ka wena, loko u veleka vana, u ta twa ku vava, hambiswiritano a wu nga tshiki ku navela nuna wa wena, kutani u ta fumiwa hi yena.”

Xitsonga (Bibele)

¹⁶ Eka wansati, a ku: “Ndzi ta ku engetelela ngopfu ku vaviseka ka ku tika ka wena, u ta veleka vana hi ku vaviseka; ku navela ka wena ku ta ya eka nuna wa wena, kambe yena u ta ku fuma.”

Genesa 3:16 Referans Kwoze

Tito 2:5

va kota ku tikhoma ni ku tenga, va va lava hlayisaka mindyangu ya vona hi fanelo, va va ni tintswalo, va yingisa vanuna va vona, leswaku Rito ra Xikwembu ri ta ka ri nga sandziwi hi munhu.

Vakolosa 3:18

Vavasati, titsongahateni eka vanuna va n'wina, hilaha swi fanelaka va ka Kriste.

1 Vakorinto 11:3

Kambe ndzi lava leswaku mi tiva leswi: Kriste i nhloko ya wanuna un'wana ni un'wana, wanuna i nhloko ya wansati, Xikwembu i nhloko ya Kriste.

1 Timotiya 2:15

Hambiswiritano, wansati ú ta ponisiwa hileswi a velekaka vana, loko a tiyisela eku pfumeleni ne rirhandzwini ne ku tengeni, a ri na ku tikhoma.

1 Vakorinto 14:34

hileswaku vavasati va fanele ku miyela etinhlengeletanweni, hikuva a va pfumeleriwi ku vulavula; vavasati va fanele ku titsongahata, hilaha Nawu na wona wu vulaka hakona.

1 Vakorinto 7:4

Nsati a nga na matimba ehenhla ka miri wa yena, kambe matimba ma na nuna. Swi tano na yena nuna, a nga na matimba ehenhla ka miri wa yena, matimba ma ni nsati.

Yohane 16:21

Loko wansati a veleka, ú twa ku vava lokukulu, hikuva nkarhi wa yena wu fikile; kambe loko a velekile n'wana, wa rivala maxangu ya yena hikwalaho ka ku tsaka, hileswi ku nga velekiwa munhu emisaveni.

Genesa 4:7

Xana loko wo endla leswinene, u nge tsakeriwi xana? Loko u nga endli leswinene, xidyoho xi ta ku bvutamela enyangweni, xi navela ku ku bvanyangeta, kambe u fanele ku xi hlula.”

Yeremiya 6:24

Vaaki va muti va ri: “Mahungu ya vanhu lava hi ma kumile, ma hi heta matimba. Hi ni switlhavi, ha xaniseka ku fana ni wansati la nga kusuhi ni ku tintshunxa.

Tinhlayo 30:13

Wanuna a nga tiyisa kumbe ku herisa xin'wana ni xin'wana lexi nsati wa yena a tshembiseke ku xi endla, kumbe lexi a hlambanyeke a tiboha ku titsona xona.

1 Vatesalonika 5:3

Siku vanhu va nga ta ku: “Ku rhulile, ku hava xo karhata”, hi wona nkarhi lowu ku onhaka ku nga ta va wela henhla hi xitshuketa, tanihi ku lumiwa ka wansati la nga kusuhi ni ku kuma n'wana; va nga ka va nga poni.

Estere 1:20

Loko hosi yi ta va yi humesile nawu lowu etikweni ra yona hinkwaro leri anameke swonghasi, vavasati hinkwavo va ta va ni xichavo eka vanuna va vona, hambi emitini ya van'wankumi, hambi ya swisiwana.”

Yeremiya 22:23

Wena u tshamaka etindlwini to akiwa hi timhandze ta kedari, onge u le ntshaveni ya Lebanoni! Kambe siku rin'wana u ta khoma hi switlhavi, u konya ngopfu, kukota wansati la nga kusuhi ni ku tintshunxa.”

Yeremiya 13:21

Xana u ta ku yini, siku leri vamatiko lava u va endleke vanghana va wena, va nga ta ku hundzukela va ku fuma, xana? U ta khomiwa hi switlhavi ku fana ni wansati loyi a nga kusuhi ni ku tintshunxa.

Esaya 21:3

Timhaka leti ti ndzi hete matimba, ti ndzi vangele switlhavi, wonge ndzo va wansati loyi a lavaka ku tintshunxa; a ndza ha koti ku ololoka, ni ku twa a ndza ha twi, swi ndzi tshukise ngopfu, lero a ndza ha koti na ku vona nchumu.

Esaya 13:8

va ta tshukisiwa ngopfu, va khomiwa hi switlhavi, va xaniseka kukota wansati loko a ri kusuhi ni ku tintshunxa; va ta langutana, va hlamala, va dzuka nyuku hi ku chava.

Yeremiya 49:24

Vanhu va le Damaska va tsemeke nhlana, va suke va tsutsuma va ri karhi va rhurhumela; maxangu ni switlhavi swi va khomile kukota wansati la nga kusuhi ni ku tintshunxa.

Yeremiya 4:31

Ndzi twa munhu la konyaka ku fana ni wansati loyi a nga ku velekeni ka n'wana wa yena wa mativula. I Siyoni la heleriwaka hi moya; ú tshambuluta mavoko a ku: “Ndzi lamuleleni! Valala va lava ku ndzi dlaya!”

Esaya 53:11

Ú ta vona mihandzu ya maxangu ya yena layo chavisa, kutani a tsaka. HOSI Xikwembu xi ri: “Nandza wa mina ú tiva ku rhandza ka mina; leswi a nga riki na nandzu, ú ta ntshunxa lavo tala emilandzwini ya vona hikuva ú biwile ematshan'wini ya vona.

Pisalema 48:6

ti ri karhi ti rhurhumela, ni ku vaviseka kukota wansati loko a veleka,

1 Timotiya 2:13

Hikuva ku rhangile Adamu a vumbiwa, ku landza Evha.

1 TIKRONIKA 4:9

A ku ri ni wanuna wo fundzheka ku tlula vamakwavo, loyi a va ku i Yabese; mana wakwe a a n'wi thyile vito ra Yabese (hileswaku “maxangu”), hikuva a a ku: “Ndzi xanisekile loko ndzi n'wi veleka!”