Genesa 3:13 - BIBELE Mahungu Lamanene

¹³ Kutani HOSI Xikwembu xi ku ka wansati: “I mhaka muni leyi u yi endleke xana?” Wansati a ku: “Mina ndzi lo kanganyisiwa hi nyoka, kutani ndzi dya.”

Xitsonga (Bibele)

¹³ Yehovha Xikwembu a ku eka wansati: “U swi endlele yini xana?” Wansati a ku: “I nyoka leyi nga ndzi kanganyisa, kutani ndzi dya.”

Genesa 3:13 Referans Kwoze

2 Vakorinto 11:3

Kambe, kukota leswi nyoka yi kanganyiseke Evha hi mano ya yona, ndza chava leswaku hi tindlela tin'wana mianakanyo ya n'wina yi nga onhiwa, kutani mi nga ha swi koti ku landzela Kriste hi ku tinyiketa ni ku tenga.

1 Timotiya 2:14

Naswona, a hi Adamu loyi a kanganyisiweke, kambe i wansati la kanganyisiweke, kutani a wela eku dyoheni.

Yohane 18:35

Pilato a hlamula a ku: “Xana ndzi Muyuda mina ke? Vanhu va ka n'wina ni vaprista lavakulu hi vona va ku nyiketeke ka mina. U endle yini xana?”

2 SAMIELE 3:24

Kutani Yowabu a ya eka hosi Davhida, a fika a ku ka yena: “U endlile yini xana? Ndzi twa leswaku Abinere a a tile kwala ka wena; xana u n'wi tshikele yini a famba xana?

Genesa 44:15

Yosefa a ku ka vona: “I mhaka muni leyi mi yi endleke xana? Xana a mi swi tivi leswaku ndzi munhu la kotaka ku femba xana?”

1 SAMIELE 13:11

Samiele a n'wi vutisa a ku: “U endle yini xana?” Sawulo a hlamula a ku: “Ndzi vonile leswaku vanhu a va sungula ku hangalaka va ndzi tshika, ni leswaku wena a wu fikanga hi siku leri hi twananeke rona, kasi Vafilista a va hlengeletanile le Mikamaxa.

Varhoma 7:11

Hikuva ku dyoha ku kumile ndlela hi mhaka ya xileriso, kutani ku ndzi xisile, ni ku ndzi dlaya hikwalaho ka xileriso lexi.

1 SAMIELE 15:15

Sawulo a hlamula a ku: “Vanhu va mina va vuyile na swona hi le ka Vaamaleke; va hlayisile tinyimpfu ni tihomu leto saseka, leswaku va ta humesela HOSI Xikwembu xa wena egandzelo; kambe leswin'wana hinkwaswo, hi swi herisile, swi ku bì!”

Genesa 12:18

Kutani Faro a vitana Abrama a ku ka yena: “Xana i mhaka muni leyi u ndzi vangeleke yona xana? Xana hikwalaho ka yini u nga ndzi byelanga leswaku munhu loyi i nsati wa wena xana?

Levhitika 12:5

Kasi loko wansati a veleka n'wana wa nhwanyana, ú ta va a nga tenganga ku ringana mavhiki mambirhi; swi fana ni loko a nga tenganga emasikwini ya yena ya n'hweti. Wansati loyi ú ta tshama masiku ya 66, a tibasisa hikwalaho ka ngati ya yena leyi humeke.

1 TIHOSI 13:18

Kutani muprofeta wo dyuhala a ku ka yena: “Na mina ndzi muprofeta ku fana na wena. Kutani, hi ku lerisiwa hi HOSI Xikwembu, ntsumi yi vulavurile na mina yi ku: ‘Tlhelela na yena ekaya ka wena, leswaku a ta dya vuswa ni ku nwa mati kona.’ ” Kasi muprofeta wo dyuhala a a kanganyisa munhu wa Xikwembu hi mavunwa.

Yonasi 1:10

Hiloko vavanuna lava va chava ngopfu, kutani va ku ka yena: “U endle yini!” A va swi tiva leswaku Yonasi a balekela kule ni HOSI Xikwembu, hikuva a a va byerile.