Genesa 3:1 - BIBELE Mahungu Lamanene

¹ Nyoka a yi ri ni mano ku tlula swiharhi hinkwaswo leswi HOSI Xikwembu xi swi endleke. Kutani yi ku ka wansati: “Xana i ntiyiso leswaku Xikwembu xi te: ‘Mi nga tshuki mi dya mihandzu ya murhi na wun'we laha ntangeni xana?’ ”

Xitsonga (Bibele)

¹ Nyoka a yi tlula hi mano swiharhi hinkwaswo swa tiko, leswi Yehovha Xikwembu a nga swi endla. Kutani yi ku eka wansati: “Kunene Xikwembu xi te: ‘Mi nga tshuki mi dya murhi ni wun'we wa ntanga!’ ”

Genesa 3:1 Referans Kwoze

2 Vakorinto 11:3

Kambe, kukota leswi nyoka yi kanganyiseke Evha hi mano ya yona, ndza chava leswaku hi tindlela tin'wana mianakanyo ya n'wina yi nga onhiwa, kutani mi nga ha swi koti ku landzela Kriste hi ku tinyiketa ni ku tenga.

2 Vakorinto 11:14

Kutani a swi hlamarisi, hikuva na yena Sathana, ú tiendla onge i ntsumi ya ku vonakala.

Nhlavutelo 12:9

Hiloko dragona leyikulu leyi yi cukumetiwa yi ya wela hansi, yona nyoka ya khale leyi vuriwaka Diyavulosi kumbe Sathana, Mukanganyisi wa misava hinkwayo; yi cukumetiwa yi ya wela ehansi emisaveni, tintsumi ta yona na tona ti cukumetiwa kun'we na yona.

Nhlavutelo 20:2

Kutani yi khoma dragona, nyoka leya khale (hileswaku Diyavulosi, kumbe Sathana), yi n'wi boha nkarhi wo ringana malembe ya 1 000.

Matewu 4:3

Kutani muringi a ta ka yena, a ta ku: “Loko u ri N'wana wa Xikwembu, lerisa maribye lawa leswaku ma hundzuka vuswa.”

Matewu 10:16

“Vonani, ndzi mi rhuma mi fana ni tinyimpfu exikarhi ka timhisi; hikwalaho ke tlharihani kukota tinyoka, mi va lavo rhula kukota matuva.

Matewu 4:6

a ku ka yena: “Loko u ri N'wana wa Xikwembu, jitama, hikuva ku tsariwile leswi: “ ‘Xikwembu xi ta lerisa tintsumi ta xona hikwalaho ka wena, kutani ti ta ku qhavulela emavokweni ya tona, leswaku nenge wa wena wa nga tshuki wu vavisiwa hi ribye.’ ”

Esaya 27:1

Enkarhini wolowo, HOSI Xikwembu xi ta teka fumu ra xona lero nonon'hwa, rona lerikulu ra matimba, xi ba Levhiyatani nyoka leya rivilo, leyo tshombonyoka-tshombonyoka; xi ta dlaya na dragona nyoka ya le lwandle.

Eklesiasta 4:10

Nakambe, loko va khuguka va wa, un'wana ú ta pfuxa loyi un'wana. Kasi la nga yexe, ú le khombyeni, loko a wela hansi, ú pfumala wo n'wi pfuxa.

Matewu 4:9

kutani a ku ka yena: “Swilo leswi hinkwaswo ndzi ta ku nyika swona loko u ndzi nkhinsamela, u ndzi gandzela.”

1 Petro 3:7

Hi mukhuva wolowo, na n'wina vavanuna, hanyisanani ni vasati va n'wina hi ku twelelana, hikuva va fana ni swibya leswi nga tiyangiki, naswona mi va xixima, hikuva va ta dya ndzhaka ya tintswalo ni vutomi swin'we na n'wina. Va xiximeni leswaku mikhongelo ya n'wina yi ta kala yi nga siveriwi.

Nhlavutelo 12:15

Hiloko dragona yi hlanta mati hi nomo wa yona, ma fana ni nambu hi ku tala, ma landza wansati leswaku a dyiwa a khuluka na wona.