Genesa 28:2 - BIBELE Mahungu Lamanene

² Yana emutini wa Betuwele tata wa mana wa wena ePadani-Aramu, u ya teka un'wana wa vana va Labani makwavo wa mana wa wena, a va nsati wa wena.

Xitsonga (Bibele)

² Pfuka u ya Padani-Aramu, eka Betuwele, tata wa mana wa wena, u titekela kona nsati exikarhi ka vanhwana va Labani, makwavo wa mana wa wena.

Genesa 28:2 Referans Kwoze

Genesa 25:20

kutani loko a ri ni malembe ya 40, a teka Rhaveka n'wana Betuwele lowa Muaramu wa le Padani-Aramu. Makwavo wa Rhaveka wa xinuna a a ri Labani lowa Muaramu.

Hosiya 12:12

Yakobo ú balekerile etikweni ra Aramu, kona kwale ú tirherile ku kuma nsati; ku kuma nsati, a a fanele ku risa tinyimpfu.

Genesa 46:15

Lava i vana ni vatukulu va Yakobo na Leya lava kumekeke loko va ri le Padani-Aramu; va kumile na Dina, n'wana wa vona wa xisati; vana ni vatukulu hinkwavo va Yakobo na Leya, va xinuna ni va xisati, i 33.

Genesa 35:9

Loko Yakobo a ta a huma hi le Padani-Aramu, Xikwembu xi tlhela xi humelela eka yena, xi n'wi katekisa.

Genesa 32:10

Mina nandza wa wena a ndzi nga fanelanga ku kuma rirhandzu ra wena lero tshembeka, ni tintswalo hinkwato leti u ndzi kombeke tona. Loko ndzi pela nambu lowu wa Yordani, a ndzi khomile nhonga ntsena, kambe sweswi ndzi ni mintlawa mimbirhi.

Genesa 28:5

Kavaloko Isaka a lelana na Yakobo, kutani Yakobo a ya ePadani-Aramu le ka Labani n'wana Betuwele lowa Muaramu. Labani a a ri makwavo wa Rhaveka mana wa Yakobo na Esawu.

Genesa 24:50

Kutani Labani na Betuwele va hlamula va ku: “Mhaka leyi yi huma eka HOSI, kutani a ku na lexi hina hi nga xi vulaka.

Genesa 24:29

Rhaveka a a ri ni makwavo wa xinuna loyi a va ku i Labani. Loko Labani a vona masindza emavokweni ya makwavo Rhaveka, ni loko a twa leswi lowa nandza a byeleke Rhaveka swona, a huma hi ku tsutsuma a ya exihlobyeni laha lowa nandza a a ri kona, a fika a n'wi kuma a yimile kusuhi ni tikamela.

Genesa 24:10

Kutani nandza a pambula tikamela ta khume ta n'wini wa yena, a longa ni tinyiko to saseka to hambana-hambana to huma eka n'wini wa yena, a khoma ndlela a kongoma emutini wa Nahoro etikweni ra Mesopotamiya.

Genesa 31:18

a byisa swifuwo swa yena hinkwaswo leswi a swi kumeke ePadani-Aramu, a tlhelela eka Isaka tata wa yena etikweni ra Kanana.

Genesa 29:1

Kutani Yakobo a ya emahlweni ni riendzo ra yena ku kondza a ya fika etikweni ra vanhu va le vuxeni.

Genesa 33:18

Loko Yakobo a ta a huma hi le Padani-Aramu, ú fikile hi ku rhula emutini wa Xikeme, etikweni ra Kanana, kutani a gova kusuhi ni muti lowu.

Genesa 24:4

kambe u ta ya lavela Isaka n'wananga ensati exikarhi ka va ka hina etikweni ra rikwerhu.”

Hosiya 12:13

HOSI Xikwembu xi tirhisile muprofeta ku humesa Vaisraele etikweni ra Egipta, xi tlhele xi tirhisa yena ku va biyelela.