Genesa 26:7 - BIBELE Mahungu Lamanene

⁷ Loko vaaki va muti va n'wi vutisa hi tlhelo ra nsati wa yena, Isaka a a ku: “Loyi i makwerhu.” Isaka a a chava ku vula leswaku i nsati wa yena, hikuva a a ehleketa leswaku vaaki va muti wolowo va nga n'wi dlaya hikwalaho ka Rhaveka, hikuva Rhaveka a a sasekile swinene.

Xitsonga (Bibele)

⁷ Vanhu va muti lowo, va n'wi vutisisa swa nsati wa yena, kutani a ku: “I makwerhu”; hikuva a a chava ku vula, a ku: “I nsati wa mina, a ku vanhu va muti va nga ti ndzi dlaya hikwalaho ka Rhaveka, hikuva i wansati wa mbhuri.”

Genesa 26:7 Referans Kwoze

Swivuriso 29:25

Ku chava munhu i ku tirhiyela ntlhamu, kambe loyi a tshembaka HOSI Xikwembu, ú hlayisekile.

Genesa 20:2

Kutani Abrahama a byela vanhu leswaku Sara nsati wa yena i makwavo wa yena; hiloko Abimeleke hosi ya muti wa Gerara a rhuma vanhu va ya teka Sara.

Genesa 12:13

Ku endlela leswaku va ta ndzi tsakela, va byele leswaku u makwerhu, kutani hikwalaho ka wena, va nge ndzi dlayi.”

Genesa 24:16

Nhwana loyi Rhaveka a a sasekile swinene, naswona a a nga si tivana ni wanuna. Kutani Rhaveka a rhelela exihlobyeni, a fika a ka mati, a tlhela a huma.

Vakolosa 3:9

Mi nga hembelani, leswi mi hluvuleke hanyelo ra n'wina ra khale ni mintirho ya rona;

Vaefesa 5:25

N'wina vavanuna, rhandzani vasati va n'wina kukota leswi Kriste na yena a nga rhandza Kereke, kutani ú nyiketile vutomi bya yena hikwalaho ka yona.

Matewu 10:28

“Mi nga tshuki mi chava lava dlayaka miri, va ri hava matimba yo dlaya moya; kambe chavani loyi a nga ni matimba yo lovisa moya ni miri wa munhu eTiheleni.

Genesa 20:5

Abrahama ú vule hi yexe a ku: ‘Loyi i makwerhu.’ Kasi na yena wansati ú vule hi nomo wa yena a ku: ‘Loyi i makwerhu.’ Mhaka leyi, ndzi yi endlile ndzi ntshunxekile embilwini, ndzi nga voni nchumu xo biha eka yona.”

Genesa 12:11

Loko Abrama a lava ku nghena etikweni ra Egipta, a byela nsati wa yena Sarayi a ku: “Ndza swi tiva leswaku u mbhuri ya wansati;

Genesa 20:11

Abrahama a ku: “Loko ndzi endla mhaka leyi, a ndzi ehleketa leswaku endhawini leyi ku ta va ku ri hava na munhu na un'we loyi a chavaka Xikwembu, kutani a ndzi anakanya leswaku vanhu va kona va nga ndzi dlaya hikwalaho ka nsati wa mina.

Genesa 26:6

Kutani Isaka a tshama eGerara.

Genesa 26:8

Siku rin'wana loko ku hundzile nkarhi Isaka a ri eGerara, Abimeleke a hlometela ehansi hi le fasitereni ra yindlu ya yena, kutani a vona Isaka a vukarhile Rhaveka nsati wa yena.

Genesa 29:17

Leya a a ri ni mahlo lama tsaneke, kasi Rahele yena a a sasekile swinene a tlhela a va ni xivumbeko lexinene.

Genesa 12:15

Tindhuna tona ti lo na n'wi vona, to ya ti ya n'wi bumabumela eka Faro, kutani Sarayi a tekiwa a yisiwa endlwini ya Faro.