Genesa 26:24 - BIBELE Mahungu Lamanene

²⁴ Kutani hi vusiku byebyo, HOSI Xikwembu xi humelela eka yena, xi ku: “Hi mina Xikwembu xa tata wa wena Abrahama; u nga chavi hikuva ndzi na wena, ndzi ta ku katekisa ndzi ku nyika vatukulu lavo tala hikokwalaho ka nandza wa mina Abrahama.”

Xitsonga (Bibele)

²⁴ Yehovha a tikombisa eka yena hi vusiku byebyo, a ku eka yena: “Hi mina Xikwembu xa Abrahama, tata wa wena, u nga chavi nchumu, hikuva ndzi na wena, ndzi ta ku katekisa, ndzi andzisa vatukulu va wena hikwalaho ka Abrahama, nandza wa mina.”

Genesa 26:24 Referans Kwoze

Eksoda 3:6

Xi engeta xi ku: “Hi mina Xikwembu xa vatata wa wena, xi nga Xikwembu xa Abrahama, na Isaka, na Yakobo.” Kavaloko Muxe a tisiva mombo, hikuva a a chava ku languta Xikwembu.

Genesa 17:7

Ndzi ta endla ntwanano exikarhi ka mina na wena, ni vatukulu va wena lava nga ta sala va hanya endzhaku ka wena; ntwanano lowu wu ta va kona hilaha ku nga heriki, kutani ndzi ta va Xikwembu xa wena ni xa vatukulu va wena.

Genesa 15:1

Endzhaku ka timhaka leti, HOSI Xikwembu xi tikomba eka Abrama hi ku vulavula na yena, xi ku: “Abrama, u nga chavi, hikuva hi mina xitlhangu xa wena; u ta va ni minkateko leyo tala!”

Timhaka 7:32

‘Hi mina Xikwembu xa vatata wa wena, Xikwembu xa Abrahama ni xa Isaka ni xa Yakobo.’ Kutani Muxe a rhurhumela, a chava ni ku langutisisa.

Genesa 24:12

Kutani a khongela a ku: “We HOSI, wena Xikwembu xa n'wini wa mina Abrahama, ndzi kombela leswaku u ndzi humelerisa namuntlha, u komba ku tshembeka ka wena eka n'wini wa mina Abrahama.

Nhlavutelo 1:17

Loko ndzi n'wi vona, ndzi wela emilengeni ya yena, ndzi fana ni munhu loyi a feke. Kambe a tlhandleka voko ra yena ra xinene ehenhla ka mina, a ku: “U nga chavi! Ndzi lowo sungula ni lowo hetelela,

Genesa 28:13

HOSI Xikwembu a xi yimile etlhelo ka yena, kutani xi ku: “Hi mina HOSI, Xikwembu xa Abrahama na Isaka. Tiko leri u etleleke eka rona ndzi ta ku nyika rona, wena ni vatukulu va wena.

Genesa 13:16

Ndzi ta endla leswaku vatukulu va wena va tala ku fana ni ntshuri wa misava, kutani a ku nga vi na munhu loyi a nga ta kota ku va hlaya, hikuva ntshuri wa misava a wu hlayeki.

Vaheveru 13:6

Hikokwalaho hi nga vula hi tiyile, hi ku: “Hosi i mupfuni wa mina, a ndzi nga chavi nchumu; munhu a nga ndzi endla yini xana?”

Luka 12:32

“Mi nga chavi n'wina va ntlhambinyana, hikuva Tata wa n'wina ú tsakele ku mi nyika Mfumo.

Matewu 22:32

‘Hi mina Xikwembu xa Abrahama, ni Xikwembu xa Isaka, ni Xikwembu xa Yakobo.’ Xona a hi Xikwembu xa lava feke, kambe i Xikwembu xa lava hanyaka.”

Esaya 44:2

Hi mina HOSI, loyi a mi endleke; mina muvumbi wa n'wina, ndzi mi pfunile ku sukela loko mi vile kona. Hikokwalaho n'wina va ka Yakobo malandza ya mina, mi nga chavi, ndzi mi hlawurile n'wina va ka Yexuruni.

Esaya 41:10

Mi nga chavi, hikuva ndzi na n'wina, mi nga rhurhumeli, hikuva ndzi Xikwembu xa n'wina; ndzi ta mi tiyisa, ndzi mi pfuna, ndzi mi hlulela valala hi voko ra mina.

Esaya 12:2

“Xikwembu i muponisi wa mina wa xiviri, ndzi ta xi tshemba, a ndzi nga ha chavi nchumu; HOSI Xikwembu i ntamu wa mina, ndzi ta yimbelela ndzi dzunisa xona, hikuva hi xona xi ndzi ponisaka.”

Genesa 31:5

Kutani a fika a ku ka vona: “Ndza swi vona leswaku tata wa n'wina a nga ha ndzi tsakeli ku fana ni khale, kambe Xikwembu xa tatana xi na mina.

Esaya 51:12

HOSI Xikwembu xi ri: “Mina hi xiviri, hi mina ndzi mi tiyisaka, kutani hikwalaho ka yini mi chava munhu, loyi a ngo va xivumbiwa lexi faka, lexi nga hambanangiki ni byanyi, xana?

Esaya 51:7

“Rhiyani ndleve mi ndzi yingisa n'wina mi tivaka leswi lulameke, n'wina mi hlayisaka Nawu wa mina. Mi nga tshuki mi chava lava va mi sandzaka, mi nga heli matimba loko va mi rhuketela,

Genesa 22:19

Kutani Abrahama a tlhelela laha malandza ya yena a ma ri kona, va suka va famba swin'we va kongoma eBerexeba, laha Abrahama a a tshama kona.

Vaheveru 11:16

Kambe, hilaha swi nga hakona, va navela tiko lerinene ku tlula leriya, hileswaku ra le tilweni; hikokwalaho Xikwembu a xi na tingana hi vona loko va xi vula Xikwembu xa vona, hikuva xi va lunghisele muti.

Genesa 17:8

Tiko leri u luveleke eka rona, ri nga tiko ra Kanana, ndzi ta ku nyika rona hinkwaro, ri va ra wena ni vatukulu va wena hilaha ku nga heriki, kutani mina ndzi ta va Xikwembu xa vona.”

Genesa 21:17

Xirilo xa xifanyetana lexi xi fikile etindleveni ta Xikwembu, kutani ntsumi ya Xikwembu yi huwelela Hagara yi ri etilweni, yi ku ka yena: “Hagara, u karhata hi yini xana? U nga chavi hikuva Xikwembu xi twile xirilo xa xifanyetana kwale hansi ka ximudyana.

Genesa 22:17

Hikokwalaho, ndzi ta ku katekisa, ndzi ku nyika vatukulu lavo tala ku fana ni tinyeleti etilweni ni sava eribuweni ra lwandle, va ta hlula ni valala va vona.

Genesa 28:3

Xikwembu-xa-matimba-hinkwawo a xi ku katekise, xi ku nyika vatukulu lavo tala swinene leswaku u va tata wa vanhu va ntsandza-vahlayi.

Genesa 28:15

Vona, ndzi na wena; ndzi ta ku hlayisa hinkwako lomu u nga ta ya kona, ndzi tlhela ndzi ku vuyisa etikweni leri, hikuva ndzi nga ka ndzi nga ku tshiki ku kondza ndzi endla hinkwaswo leswi ndzi ku byeleke swona.”

Genesa 30:27

Kambe Labani a ku ka Yakobo: “Yingisa ndzi ku byela: Ndzi hlahluvile ndzi kuma leswaku HOSI yi ndzi katekisile hikwalaho ka wena.

Genesa 46:1

Kutani Yakobo a longa swilo hinkwaswo leswi a a ri na swona, a kongoma eBerexeba, a fika a humesa magandzelo a humesela Xikwembu xa tata wa yena Isaka.

Duteronoma 13:17

Mi nga tshuki mi tihlawulela xilo ni xin'we xa leswi nyiketeriweke ku herisiwa, leswaku HOSI Xikwembu xi ta vohlisa vukari bya xona lebyi pfurhaka, kutani xi ta mi komba rirhandzu ra xona, xi mi tsetselela, xi mi andzisa hilaha xi tshembiseke vatata wa n'wina hakona.

Genesa 39:2

HOSI Xikwembu a xi ri na Yosefa, kutani a a kateka eka hinkwaswo leswi a swi endlaka. Yosefa a a tshama emutini wa n'wini wa yena lowa Muegipta.

Genesa 39:3

Kutani n'wini loyi wa yena a vona leswaku HOSI Xikwembu xi na Yosefa, ni leswaku hinkwaswo leswi a swi vekeke emavokweni ya Yosefa, HOSI Xikwembu xa swi katekisa.

Eksoda 14:13

Kutani Muxe a hlamula vanhu a ku: “Mi nga chavi nchumu, tiyisani timbilu, mi vona leswi HOSI Xikwembu xi nga ta swi endla namuntlha ku mi ponisa. Vaegipta lava mi va vonaka namuntlha, a mi nga ha va voni kambe ni siku ni rin'we.

Levhitika 26:42

Loko vo endla sweswo, ndzi ta tsundzuka ntwanano lowu ndzi wu endleke na Yakobo ni lowu ndzi wu endleke na Isaka, ni lowu ndzi wu endleke na Abrahama, ndzi tsundzuka ni tiko ra vona.

Levhitika 26:45

Ndzi ta va twela vusiwana, ndzi tsundzuka ntwanano lowu ndzi wu endleke ni vatata wa vona loko ndzi va humesile etikweni ra Egipta, vamatiko va ri karhi va swi vona, leswaku ndzi ta va Xikwembu xa vona: Hi mina HOSI.”

Duteronoma 31:6

Hikokwalaho, tiyani mi va ni xivindzi, va nga tshuki va mi chavisa kumbe ku mi rhurhumerisa, hikuva HOSI Xikwembu hi xoxe, hi xona xi fambaka na n'wina. Xi nga ka xi nga mi fularheli, kumbe ku mi tshika mi ri n'wexe.”

Rhuti 3:11

Sweswi n'wananga, rhula mbilu, ndzi ta ku endlela hinkwaswo leswi u swi kombelaka, hikuva u wansati wo xiximeka, hilaha vaaki hinkwavo va muti wa ka hina va swi tivaka hakona.

1 TIHOSI 17:13

Kambe Eliya a ku ka yena: “U nga chavi, famba u ya endla hilaha u nga vula hakona. Ntsena sungula hi ku ndzi swekela ximbhundzwa hi mapanyana ya kona, u ndzi tisela xona. Kutani endzhaku ka sweswo, u tiswekela swakudya, wena ni n'wana wa wena,

Swirilo 3:57

Siku ndzi ku vitaneke, u tile kusuhi na mina, u ku: ‘U nga chavi!’