Genesa 26:22 - BIBELE Mahungu Lamanene

²² Kutani Isaka a suka a famba a ya cela xihlovo xin'wana, kambe lexi a xa ha va holovisanga; hikokwalaho, xihlovo lexi a xi thya vito ra Rehoboto (hileswaku: “Ndhawu-yo-anama”), hikuva a a ku: “Sweswi HOSI Xikwembu xi hi nyikile ndhawu, kutani hi ta andza etikweni.”

Xitsonga (Bibele)

²² Kutani a suka kona a ya cela xihlovo xin'wana, kambe a va tengisananga hikwalaho ka xona, kutani a xi thya vito ra Rehoboto, a ku: “Hikuva Yehovha u hi tshamisisile khwatsi, kutani hi ta tala etikweni.”

Genesa 26:22 Referans Kwoze

Eksoda 1:7

Kambe vanhu va rixaka ra Israele va tswalelene va andza, ntsengo wa vona wu ya wu kula, matimba ya vona ma engeteleka ngopfu swinene, kutani va tata tiko hinkwaro.

Genesa 17:6

Ndzi ta endla leswaku u va ni vatukulu va ntsandza-vahlayi; eka wena ndzi ta humesa vanhu va matiko layo tala; hambi ti ri tihosi ti ta huma eka wena.

Pisalema 118:5

Loko ndzi ri khombyeni, ndzi huwelerile eka HOSI Xikwembu, kutani xi yingisile xikhongelo xa mina xi ndzi ntshunxa.

Genesa 41:52

Kutani Yosefa a thya n'wana wa yena wa vumbirhi evito ra Efrayimi, hikuva a a ku: “Xikwembu xi ndzi nyikile vana etikweni leri ndzi xanisekeke eka rona.”

Pisalema 18:19

Yi ndzi ntshunxile, yi ndzi lamulela, hikuva ya ndzi tsakela.

Pisalema 4:1

We Xikwembu, mulweri wa tifanelo ta mina, ndzi hlamule loko ndzi huwelela. U ndzi nyikile ko tumbeta nhloko, loko ndzi ri emaxangwini; sweswi ndzi twele vusiwana, u yingisa ku khongela ka mina.

Genesa 28:3

Xikwembu-xa-matimba-hinkwawo a xi ku katekise, xi ku nyika vatukulu lavo tala swinene leswaku u va tata wa vanhu va ntsandza-vahlayi.

Genesa 26:21

Kutani va ya cela xihlovo xin'wana, kambe va tlhela va holova hikwalaho ka xona, kutani Isaka a xi thya vito ra Sitina (hileswaku: “Ku vengana”).

Esaya 54:2

Tlhantlha ntsonga wa wena u wu engetela, wu tlhenguse, wu anama swinene, u nga wu tsongahati, wu kurise, u dzima timhandze ti tiya swinene.

Esaya 54:3

Muti wa wena wu ta nava wu ya matlhelo hinkwawo, vanhu va wena va ta tlhela va teka tindhawu leti sweswi ti tshamaka vamatiko, va ta pfuxa ni miti leyi hundzukeke marhumbi, va tshama eka yona.

Pisalema 119:32

Ndzi hisekela ku endla leswi u ndzi lerisaka swona, hikuva ha swona u anamisa miehleketo ya mina.