Genesa 26:14 - BIBELE Mahungu Lamanene

¹⁴ A a ri ni mintlhambi ya swifuwo leswikulu ni leswitsongo, ni malandza layo tala, kutani Vafilista va n'wi vondzoka.

Xitsonga (Bibele)

¹⁴ A a fuwe mitlhambi ya swifuwo leswitsongo ni leswikulu, ni malandza lamanyingi; kutani Vafilista va n'wi vondzoka.

Genesa 26:14 Referans Kwoze

Genesa 37:11

Hiloko vamakwavo va n'wi vondzoka, kambe tata wa yena a nga yi rivalanga mhaka leyi.

Eklesiasta 4:4

Ndzi vonile ni leswi: Hinkwavo lava tikarhataka ni ku humelela emintirhweni ya vona, va susumetiwa hi ku vondzoka varikwavo. Na swona sweswo, a swi pfuni nchumu, i ku hlongorisa moya ntsena.

Swivuriso 27:4

Ku kariheriwa ni ku hlundzukeriwa ngopfu, swa vava; kambe ku vondzokiwa, swi nga tiyela hi mani xana?

Swivuriso 10:22

Minkateko ya HOSI Xikwembu yi fumisa vanhu, ku tikarhata ka munhu ku nga ka ku nga yi engeteli.

Pisalema 112:3

Emutini wa yena ku ni ndzalo ni rifuwo, a nga tshiki ku hanana.

Ntirho 42:12

Kutani HOSI Xikwembu xi katekisa Yobo ku tlula eku sunguleni, a va ni tinyimpfu ta 14 000, ni tikamela ta 6 000, ni swipano swa 1 000 swa tihavi, ni timbhongolo ta mantswele ta 1 000,

Ntirho 5:2

Xiphunta xi fa hi mbitsi, mavondzo ma dlaya munhu wo kala mehleketo.

Ntirho 1:3

A a fuwile ngopfu: A a ri ni tinyimpfu ta 7 000, ni tikamela ta 3 000, ni swipano swa 500 swa tihavi, ni timbhongolo ta mantswele ta 500, naswona malandza ya yena a ma tele ngopfu; hikokwalaho a a tiveka ku tlula vanhu hinkwavo va matiko ya le vuxeni.

1 SAMIELE 18:9

Ku sukela siku rero, Sawulo a sungula ku languta Davhida hi tihlo ro tshwuka.

Genesa 13:2

Enkarhini lowu, Abrama a a fumile swinene: A a ri ni tihomu, ni silivhere ni nsuku.

Genesa 12:16

Kutani hikwalaho ka Sarayi Faro a tsakela Abrama, a n'wi nyika ni tinyimpfu, ni tihomu, ni timbhongolo ta xinuna ni ta mantswele, ni malandza ya xinuna ni ya xisati, ni tikamela.

Pisalema 112:10

Lavo homboloka va swi vona, kutani va kariha, va mpfhumpfhela lavo lulama, kambe va hela ntamu, makungu ya vona ma helela empfhukeni.

Genesa 24:35

HOSI yi katekisile n'wini wanga, kutani ú fumile swinene. HOSI yi n'wi nyikile mintlhambi ya swifuwo leswikulu ni leswitsongo, ni silivhere, ni nsuku, ni malandza ya xinuna ni ya xisati, ni tikamela, ni timbhongolo.

Genesa 25:5

Abrahama ú nyikile Isaka swilo hinkwaswo leswi a a ri na swona.

Genesa 30:43

Hi ndlela leyi, Yakobo a va ni rifuwo lero tala swinene. A a ri ni mintlhambi leyikulu, ni malandza ya xinuna ni ya xisati, ni tikamela ni timbhongolo.