Genesa 26:12 - BIBELE Mahungu Lamanene

¹² Kutani Isaka a rima masimu etikweni rero. Hi lembe leri, Isaka a va ni ntshovelo wo tlula ka dzana leswi a swi byaleke. HOSI Xikwembu xi n'wi katekisa,

Xitsonga (Bibele)

¹² Isaka a byala timbewu etikweni leri, kutani hi lembe rolero a tshovela ka dzana; hikuva Yehovha a a n'wi katekisile.

Genesa 26:12 Referans Kwoze

Genesa 26:3

Wena luvela etikweni reri, kutani mina ndzi ta va na wena ndzi ku katekisa, hikuva matiko lawa hinkwawo ndzi ta ku nyika wona, wena ni vatukulu va wena, naswona ndzi ta hetisisa leswi ndzi swi tshembiseke tata wa wena Abrahama hi ku hlambanya.

Marka 4:8

Tin'wana kambe ti wela emisaveni leyinene, ti mila, ti kula, ti veka tindzhoho, yin'wana yi chela 30, yin'wana 60, yin'wana 100.”

Eklesiasta 11:6

Haxa mbewu ka ha ra nimixo, ni loko ri rhengile u nga tshami hi mavoko, hikuva a wu tivi leyi nga ta mila. Ku nga mila leyi kumbe liya, kumbe yi mila hinkwayo.

Pisalema 67:6

Misava yi hi humesele mihandzu, Xikwembu, xona Xikwembu xa hina, xi hi katekisile.

Genesa 24:35

HOSI yi katekisile n'wini wanga, kutani ú fumile swinene. HOSI yi n'wi nyikile mintlhambi ya swifuwo leswikulu ni leswitsongo, ni silivhere, ni nsuku, ni malandza ya xinuna ni ya xisati, ni tikamela, ni timbhongolo.

Genesa 24:1

Enkarhini lowu, Abrahama a a dyuhele swinene, naswona eka hinkwaswo, HOSI Xikwembu a xi n'wi katekisile.

1 Vakorinto 3:6

Mina ndzi byarile, Apolosi ú cheletile; kambe Xikwembu hi xona xi miriseke.

Zakariya 8:12

hikuva va ta rima, va byala mbewu hi ku rhula, mirhi ya vhinya yi tswala mihandzu. Misava yi ta humesa ntshovelo, matilo ma nisa mberha, kutani vanhu va mina lava poneke, va ta kuma swilo leswi hinkwaswo, swi va ndzhaka ya vona.

Ntirho 42:12

Kutani HOSI Xikwembu xi katekisa Yobo ku tlula eku sunguleni, a va ni tinyimpfu ta 14 000, ni tikamela ta 6 000, ni swipano swa 1 000 swa tihavi, ni timbhongolo ta mantswele ta 1 000,

Genesa 30:30

Loko mina ndzi nga si fika, a wu ri ni swifuwo switsongo, kambe sweswi swi andzile ngopfu. HOSI yi ku katekisile eka hinkwaswo leswi a ndzi swi tirha, kambe mina ndzi ta sungula rini ku tirhela muti wa mina xana?”

Matewu 13:8

Kasi tin'wana tona ti wela emisaveni leyinene, ti veka tindzhoho, yin'wana yi chela 100, yin'wana 60, yin'wana 30.

Pisalema 72:16

A ku ve ni mavele layo tala etikweni, a ma kule ma bela hi moya emagangeni; ntshovelo wa kona a wu fane ni wa le Lebanoni, naswona a ku ve ni ndzalo emitini ku fana ni byanyi enhoveni.

Matewu 13:23

Kambe mbewu leyi haxiweke emisaveni leyinene, swi fana ni loko munhu a twa Rito a ri twisisa; hi yena loyi a vekaka mihandzu hakunene, yin'wana ka 100, yin'wana ka 60, yin'wana ka 30.”

Genesa 26:29

Hi tshembise leswaku u nge tshuki u hi khomile hi tihanyi, tanihi leswi na hina hi nga ku khumbangiki; naswona a hi ku endlanga nchumu xo biha, kambe hi lo ku byela ntsena ku suka exikarhi ka hina hi ku rhula. Sweswi hi wena la katekisiweke hi HOSI Xikwembu.”

Swivuriso 10:22

Minkateko ya HOSI Xikwembu yi fumisa vanhu, ku tikarhata ka munhu ku nga ka ku nga yi engeteli.

Genesa 25:11

Loko Abrahama a lovile, Xikwembu xi katekisa n'wana wa yena Isaka. Isaka a a tshama eBerilahayi-Royi.