Genesa 24:3 - BIBELE Mahungu Lamanene

³ kutani ndzi ta ku hlambanyisa emahlweni ka HOSI Xikwembu xa matilo ni misava, leswaku u nge tshuki u laverile n'wananga ensati exikarhi ka vanhwanyana va Vakanana lava ndzi tshamaka etikweni ra vona;

Xitsonga (Bibele)

³ ndzi ku hlambanyisa ha Yehovha Xikwembu xa tilo, ni Xikwembu xa misava, leswaku u nga ka u nga tekeli n'wana wa mina nsati exikarhi ka vanhwana va Vakanana, volavo ndzi akeke exikarhi ka vona;

Genesa 24:3 Referans Kwoze

1 Vakorinto 7:39

Wansati ú bohiwile eka nuna wa yena loko nuna a ha hanya; kambe loko nuna wa yena a fa, ú ntshunxekile, a nga ha tekiwa hi loyi a lavaka ku tekiwa hi yena, ntsena a swi fambe hilaha Hosi yi swi rhandzaka hakona.

Nehemiya 13:25

Kutani ndzi va holovela ni ku va rhuketela, ndzi tlhela ndzi va ba, ndzi va kokakoka hi misisi, ndzi va sindzisa ku tiboha hi ku hlambanya hi vito ra Xikwembu, ndzi ku: “Mi nga pfumeli leswaku vana va n'wina va xisati va tekiwa hi vamatiko, naswona mi nga pfumeli leswaku vana va n'wina va xinuna va teka vasati exikarhi ka vona, hambi a ri n'wina mi nga titekeli vasati exikarhi ka vanhu lava.

Genesa 28:8

a twisisa ni leswaku tata wa yena a nga tsakeri vanhwanyana va Vakanana.

Yeremiya 10:11

Vanhu lava a va tivisiwe mhaka leyi nge: “Swikwembu leswi nga vumbangiki tilo kumbe misava, swi ta nyamalala kwala misaveni, swi herisiwa ehansi ka tilo!”

2 TIHOSI 19:15

Kutani a khongela a ku: “Wena HOSI, Xikwembu xa Israele, wena u tshamaka exiluvelweni ehenhla ka tikerubu, hi wena ntsena la nga Xikwembu ehenhla ka mimfumo hinkwayo ya misava; hi wena la endleke tilo ni misava.

Eksoda 34:16

naswona mi nga tshuki mi lavela majaha ya n'wina evasati exikarhi ka vanhu lava, hikuva vavasati lava va ta ya emahlweni va endla vunghwavava eku gandzeleni ka swikwembu swa vona, va kokela ni vana va n'wina eka swona.

Nehemiya 9:6

Kutani Vaisraele va khongela va ku: “Wena HOSI, u Xikwembu u ri wexe! Hi wena u endleke matilo hinkwawo ni hinkwaswo leswi swi nga ka wona; u endlile ni misava ni leswi nga ka yona hinkwaswo, u endla ni malwandle ni hinkwaswo leswi nga ka wona. Swilo leswi hinkwaswo swi hlayisiwa hi wena; ni swivumbiwa swa le tilweni swi gandzela wena!

2 TIKRONIKA 2:12

Hiramu a engeta a ku: “A ku dzunisiwe HOSI Xikwembu xa Israele, xona xi endleke tilo ni misava, hikuva hi xona xi nyikeke hosi Davhida en'wana la twisisaka, wa mianakanyo leyinene, loyi a nga ta xi akela eyindlu, a tlhela a tiakela tindlu ta yena ta le ntsindza.

Yoxuwa 2:12

Kutani sweswi ndzi tshembiseni hi ku hlambanya emahlweni ka HOSI Xikwembu leswaku leswi ndzi mi khomeke hi tintswalo, na n'wina mi ta komba tintswalo eka ndyangu wa ka hina; ndzi nyikeni ni xikombiso lexi khorwisaka.

Duteronoma 10:20

Mi fanele ku chava HOSI Xikwembu xa n'wina, mi xi tirhela, mi namarhela xona, mi hlambanya hi vito ra xona.

Duteronoma 6:13

Chavani HOSI Xikwembu xa n'wina, mi tirhela xona ntsena, mi hlambanva hi vito ra xona.

Eksoda 23:13

Tivoneleni leswaku mi endla hinkwaswo leswi ndzi mi byeleke swona. Naswona, mi nga tshuki mi kumbuka swikwembu swin'wana, mi nga vulavuli hi swona.

Eksoda 20:7

“U nga tshuki u tlanga hi vito ra mina, hikuva mina HOSI Xikwembu xa wena ndzi nga ka ndzi nga tshiki ku ba loyi a tlangaka hi vito ra mina.

Genesa 50:25

Kutani Yosefa a ku ka vamakwavo: “Tiboheni hi ku hlambanya leswaku, loko Xikwembu xi mi kutsula xi mi humesa etikweni leri, mi ta teka marhambu ya mina, mi famba na wona.”

Genesa 27:46

Kutani Rhaveka a ku ka Isaka: “Mina ndzi dyisiwa mbitsi hi vavasati lava va Vahiti. Loko na yena Yakobo o teka nsati wa Muhiti kwala tikweni leri, wo fana ni vavasati lava, xana ndza ha ta va ndzi hanyela yini xana?”

Genesa 21:23

hikokwalaho, ndzi kombela leswaku u ndzi tshembisa hi ku hlambanya emahlweni ka Xikwembu leswaku u nga ka u nga ndzi kanganyisi, mina ni vana va mina kumbe vatukulu va mina; ndzi tshembise leswaku leswi ndzi kombeke ku tshembeka ka mina eka wena, na wena u ta endla tano eka mina ni tiko ra mina leri u luveleke eka rona.”

Genesa 14:19

Kutani a kombelela Abrama minkateko a ku: “Abrama a a katekisiwe hi Xikwembu-xa-le-henhla-henhla, xona muendli wa tilo ni misava;

Genesa 6:4

Enkarhini wolowo, ni le minkarhini leyi landzeleke, ku vile ni swihontlovila leswi velekiweke loko tintsumi ta le tilweni ti hlanganile ni vanhwanyana va laha misaveni. Swihontlovila leswi, hi tona tinhenha ta khale to tiveka ngopfu.

Genesa 6:2

Kutani swivumbiwa swa le tilweni swi vona leswaku vanhwanyana lava va sasekile, kutani swi tihlawulela vasati exikarhi ka vona.

Vaheveru 6:16

Loko vanhu va hlambanya, va hlambanya hi loyi a nga nkulu eka vona, kutani etimhakeni ta vona ta ku kanetana, ku hlambanya swi heta ni ku tiyisa mhaka.

Sofoniya 1:5

Ndzi ta ba lava khandziyaka emalwangwini ya tindlu, va ya gandzela dyambu ni n'weti ni tinyeleti; ndzi ta ba lava khongelaka mina HOSI, kasi hi tlhelo va hlambanya hi vito ra xikwembu lexi va nge i Milikomo.

Yeremiya 12:16

Vamatiko lava, khale va dyondzisile vanhu va mina ku hlambanya hi vito ra Baali. Kambe loko va nga dyondza ku khongela ku fana ni Vaisraele, ni loko va nga hlambanya hi vito ra mina va ku: ‘HOSI i Xikwembu lexi hanyaka!’ va ta kuma ku tshamiseka exikarhi ka vanhu va mina.

Yeremiya 4:2

Loko u hlambanya hi ntiyiso ni ku lulama u nga hembi, kutani u ku: ‘HOSI Xikwembu xi kona!’ na vona vamatiko va ta kombela leswaku ndzi va katekisa kutani va ta titsakela eka mina.”

Esaya 65:16

Kutani loyi a lavaka ku katekisiwa etikweni, ú ta kombela minkateko eka mina Xikwembu xa ntiyiso, hambi a ri loyi a tibohaka hi ku hlambanya, ú ta hlambanya hi vito ra mina, hikuva ku xaniseka ka khale ku ta rivariwa, na mina a ndzi nga ha ku tsundzuki.”

Esaya 48:1

N'wina va ka Yakobo, rhiyani ndleve, ndzi vula n'wina mi thyiweke vito ra Israele, n'wina mi humaka erixakeni ra Yuda: Mi tiyisa leswi mi swi hlambanyaka hi vito ra HOSI Xikwembu xa Israele, mi tivula vanhu va xona, kambe swilo leswi a mi swi vuli swi huma etimbilwini ta n'wina.

Esaya 45:23

Leswi ndzi swi vulaka, swi tiyile, swi nga ka swi nga hundzuluxiwi. Ndzi tibohile hi ku hlambanya, ndzi ku: ‘Vanhu hinkwavo va ta ndzi nkhinsamela, hinkwavo va ta tiboha ku ndzi tirhela.’

Pisalema 115:15

Xona lexi endleke tilo ni misava, a xi ve xona xi mi katekisaka!

1 SAMIELE 20:17

Kutani a tlhela a kombela Davhida ku hlambanya leswaku wa n'wi rhandza, hikuva Yonatani yena a a rhandza Davhida tanihi loko a tirhandza.

Levhitika 19:12

Mi nga tiyisi mavunwa hi ku hlambanya hi vito ra mina Xikwembu xa n'wina, hikuva sweswo i ku tlanga hi vito leri: Hi mina HOSI.

Eksoda 22:11

mhaka ya vona yi ta tsemiwa hi ku hlambanya emahlweni ka mina HOSI Xikwembu, ku tiyisa leswaku loyi a a fuyisiwile xifuwo a nga xi khumbanga, kutani n'wini wa xifuwo ú ta pfumela, a nga ka a nga rihisi mufuyisiwa.

Genesa 14:22

Kambe Abrama a hlamula hosi ya Sodoma a ku ka yona: “Ndzi hlambanyile emahlweni ka HOSI Xikwembu-xa-le-henhla-henhla, xona muendli wa tilo ni misava,

Genesa 24:7

HOSI Xikwembu xa matilo, xona lexi xi ndzi tekeke emutini wa tatana ni ku ndzi humesa etikweni ra rikwerhu, xi ndzi tshembisile hi ku hlambanya leswaku tiko leri xi ta ri nyika vatukulu va mina. Hikokwalaho xi ta rhumela ntsumi emahlweni ka wena, kutani wena u ta ya tekela n'wananga ensati etikweni leriya.

Genesa 28:1

Kutani Isaka a vitana Yakobo a n'wi katekisa, a tlhela a n'wi laya a ku ka yena: “U nga tshuki u teka nsati exikarhi ka vanhwanyana va Vakanana:

Genesa 47:31

Kutani Yakobo a ku: “Ndzi tshembise hi ku hlambanya!” Kutani Yosefa a n'wi hlambanyela. Kavaloko Yakobo a khongela a tiseketerile etinhlokweni ta mubedo wa yena.

Vaavanyisi 14:3

Kambe tata wa yena ni mana wa yena va ku ka yena: “Xana ko va hava vanhwanyana exikarhi ka maxaka ya ka hina kumbe etikweni ra ka hina hinkwaro, leswi u lavaka ku ya teka nsati exikarhi ka vahedeni lava va Vafilista, xana?” Kambe Samsoni a hlamula tata wakwe, a ku: “Ndzi tekeleni yena, hikuva mina ndzi tsakela yena!”

Pisalema 136:26

Tlangelani Xikwembu xa matilo! — Rirhandzu ra xona hi leri nga heriki —

Genesa 34:9

A hi twananeni leswaku vana va hina va tekana: Pfumelelani vana va n'wina va xisati ku tekiwa erixakeni ra ka hina, kasi na hina hi ta pfumelela lava ka hina ku tekiwa eka n'wina.

Genesa 38:2

Kuteloko Yuda a ri kwale, o vona nhwanyana un'wana, n'wana wa Mukanana loyi a va ku i Xuwa. Kutani Yuda a teka nhwanyana loyi, a va nsati wa yena,

1 SAMIELE 30:15

Kutani Davhida a n'wi vutisa a ku: “Xana u nga ndzi heleketa laha ntlawa lowu wa swigevenga wu nga kona, xana?” Mufana a hlamula a ku: “Ina ndzi nga ku heleketa eka vanhu lava, loko u hlambanya emahlweni ka Xikwembu leswaku u nga ka u nga ndzi dlayi, kumbe ku ndzi nyiketa emavokweni ya n'wini wa mina!”

Ezra 5:11

Kutani vona va hi hlamurile va ku: ‘Hina hi malandza ya Xikwembu xa matilo ni misava, kutani hi aka hi vuntshwa yindlu leyi a yi akiwile khale hi hosi leyikulu ya Israele. Yindlu ya kona a yi herile ku akiwa,

Yeremiya 29:6

Titekeleni vasati mi kuma vana va xinuna ni va xisati, mi lovota ni vana va n'wina va xinuna, mi lovorisa ni lava va xisati leswaku na vona va ta kuma vana va xinuna ni va xisati; andzani eBabilona mi nga hunguteki.