Genesa 23:4 - BIBELE Mahungu Lamanene

⁴ “Mina ndzi munhu wa le handle loyi a luveleke exikarhi ka n'wina; kutani sweswi ndzi kombela leswaku mi ndzi nyika ndhawu leyi yi nga ta va ya mina yo lahlela eka yona, leswaku ndzi ta lahla mufi wa mina ndzi hambana na yena.”

Xitsonga (Bibele)

⁴ “Ndzi muluveri ni muendzi exikarhi ka n'wina; ndzi nyikeni exikarhi ka n'wina sirha ndzi ri fuwa, ndzi tiva ku susa mufi wa mina emahlweni ka mina, ndzi n'wi yimbela.”

Genesa 23:4 Referans Kwoze

Vaheveru 11:9

Hi ku pfumela, ú tshamile etikweni leri a tshembisiweke rona wonge hi loko a ri etikweni ra van'wana, a hanya emintsongeni a ri na Isaka na Yakobo, vadyandzhaka va xitshembiso xin'we ni xa yena.

1 TIKRONIKA 29:15

Emahlweni ka wena, hi valuveri ntsena, a hi na rito, ho fana ni vatata wa hina. Masiku ya ku hanya ka hina ma hatla ma hundza, ma nyamalala kukotisa papa.

Genesa 17:8

Tiko leri u luveleke eka rona, ri nga tiko ra Kanana, ndzi ta ku nyika rona hinkwaro, ri va ra wena ni vatukulu va wena hilaha ku nga heriki, kutani mina ndzi ta va Xikwembu xa vona.”

Pisalema 119:19

Laha misaveni, ndzo va muhundzi ntsena, u nga ndzi fihleri swileriso swa wena.

Timhaka 7:5

A xi n'wi hanga ndzhaka etikweni rero, hambi xi ri xivandlanyana lexi ringanaka ku anama ka nkondzo; kambe xi n'wi tshembisile ku n'wi nyika rona, ri va ra yena ni ra vatukulu va yena endzhaku ka yena; kasi, enkarhini wolowo, a a nga ri na n'wana.

Pisalema 39:12

“We HOSI, ndzi huwelela eka wena, rhiya ndleve u yingisa ku khongela ka mina, u nga tshiki ku ndzi pfuna loko ndzi ri eku rileni, hikuva eka wena ndzo va muhundzi wa ndlela, ndzi muluveri kukota vatata wa mina.

Levhitika 25:23

“Loko mi xavisa misava, mi nga yi xaviseli makumu, hikuva i ya mina; n'wina mi vanhu lava va ngo ta va famba, mi lo luvela eka mina.

Genesa 49:30

Bako leri ni nsimu leyi swi le Makapela, hi tlhelo ra vuxa bya Mamre, etikweni ra Kanana. Abrahama ú xavile bako ra kona ni nsimu ya kona eka Efroni lowa Muhiti, leswaku yi ta va ndhawu ya yena yo lahlela eka yona.

1 Petro 2:11

Varhandziwa, leswi mi nga valuveri ni vaendzi emisaveni, ndza mi khongotela hi matimba ku hambana ni ku navela ka miri, loku lwaka ni mimoya ya n'wina.

Eklesiasta 12:7

ntshuri wu nga si tlhelela emisaveni laha wu humaka kona, ni moya wu nga si tlhelela eka Xikwembu, munyiki wa wona.

Eklesiasta 12:5

Ú ta chava ku khandziya ntshava, a chava ni ku khoma ndlela. Murhi wa alimondi wa ha ta hluka, njiya ya ha ta thamuka yi xurhile, tindzhoho ta kaperi ta ha ta vupfa ti baleka, kambe munhu yena, ú tiyela lomu ku nga ha vuyiwiki; lava nga ta n'wi rila, va sungurile ku rhendzeleka emutini.

Eklesiasta 6:3

Munhu a nga kuma dzana ra vana, a hanya malembe layo tala emisaveni, masiku ya yena ma andza swinene. Kambe a nga tshuka a tekeriwa minkateko yoleyo, varikwavo va ala ni ku n'wi lahla esirheni. Mina ndzi ri: Xihlangi xo velekiwa xi file xi katekile ku tlula munhu wo tano,

Ntirho 30:23

Ndza swi tiva, u ndzi kongomisa esirheni, exivandleni lexi vanhu hinkwavo va hlengeletiwaka eka xona.

Genesa 50:13

hikuva va n'wi rhwarile va n'wi yisa etikweni ra Kanana, va ya n'wi lahla ebakweni ra nsimu leyi nga eMakapela, evuxeni bya Mamre. Bako ni nsimu ya kona, Abrahama ú swi xavile eka Efroni lowa Muhiti, leswaku yi ta va ndhawu ya yena yo lahlela eka yona.

Genesa 47:9

Yakobo a hlamula hosi Faro a ku: “Sweswi swi endla malembe ya 130 ndzi ri karhi ndzi hanya hi ku tsendzeleka laha misaveni. Ndzi hanyile malembe matsongo, kambe ndzi vonile maxangu layo tala; malembe lawa a ma ringani ni lawa vatatana va hanyeke wona va ri karhi va tsendzeleka laha misaveni.”

Genesa 3:19

U ta dya swa nyuku wa wena, u kondza u tlhelela emisaveni hikuva u humesiwile eka yona; u ntshuri, kutani u fanele ku tlhelela entshurini.”

Timhaka 7:16

Va rhwariwa va yisiwa eXikeme, va lahliwa esirheni ra Abrahama, leri a a ri xavile hi mali ya silivhere eka vana va Hemori, kwale Xikeme.

Genesa 23:5

Vahiti va hlamula Abrahama va ku:

Eksoda 2:22

Sipora a veleka n'wana wa mufana, kutani Muxe a n'wi thya vito ra Gerixomu (hileswaku: “Ndzi muluveri kwala”), hikuva a a ku: “Ndzi muluveri etikeweni ra vanhu vambe.”