Genesa 23:2 - BIBELE Mahungu Lamanene

² kutani a lovela emutini wa Kiriyata-Araba (hileswaku Hebroni) etikweni ra Kanana. Abrahama a ya a ya rila nkosi wa Sara,

Xitsonga (Bibele)

² Kutani Sara a fa eKiriyata-Araba (a nga Hebroni), etikweni ra Kanana; kutani Abrahama a ta ba nkosi wa Sara, a n'wi rila.

Genesa 23:2 Referans Kwoze

Genesa 23:19

Endzhaku ka sweswo, Abrahama a lahla nsati wa yena Sara ebakweni leri nga nsin'wini ya le Makapela, evuxeni bya muti wa Mamre (hileswaku Hebroni), etikweni ra Kanana.

Genesa 13:18

Kutani Abrama a rhurhisa ntsonga wa yena, a ya tshama eka Minkuhlu ya Mamre le Hebroni; kutani a akela HOSI Xikwembu alitari kona.

1 TIKRONIKA 6:57

Va ka Aroni va nyikiwile miti leyi vadlayi va nga tumbelaka eka yona; miti ya kona ni madyelo ya yona ya swifuwo hi leyi: Hebroni, na Libina, na Yatira, na Exitemoka,

Vaavanyisi 1:10

Kutani va ka Yuda va hlasela Vakanana lava a va tshama emutini wa Hebroni (khale muti lowu a wu tiviwa hi vito ra Kiriyata-Araba), kutani va hlula Xexayi na Ahimani na Talimayi.

Timhaka 8:2

Kutani vavanuna lava chavaka Xikwembu va lahla Stefano; va ba nkosi lowukulu va n'wi rila.

Yohane 11:35

Yesu a rila.

Yohane 11:31

Vayuda lava a va ri ndlwini na Mariya va ri karhi va n'wi chavelela, loko va n'wi vona a suka a yima a huma hi ku hatlisa, va n'wi landza hi ku anakanya leswaku ú ya le sirheni ku ya rila kona.

Yeremiya 22:18

Hikokwalaho HOSI Xikwembu xi vurisa sweswo ehenhla ka Yoyakimi n'wana Yosiyasi, hosi ya Yuda, xi ri: “Loko a fa, a va nga n'wi rili, a ku nga twali xirilo lexi nge: ‘Yo n'wana manana! Yo makwerhu!’ Naswona ku nge twali xirilo lexi nge: ‘Yo n'wini wa hina! Yo hosi ya hina!’

Yeremiya 22:10

Loyi a feke, mi nga n'wi rileli, mi nga n'wi tlhaveli mukhosi; kambe rilelani loyi a fambaka, hikuva a nga ka a nga ha vuyi, a nge he voni tiko leri a velekiweke eka rona.

2 TIKRONIKA 35:25

Muprofeta Yeremiya na yena a suma risimu ra xirilo a rila Yosiyasi. Naswona vayimbeleri hinkwavo va xinuna ni va xisati va ha rila Yosiyasi ni namuntlha hi tinsimu ta vona, hikuva ti hundzukile ntolovelo exikarhi ka Vaisraele, ti tsariwile ni le ka “Buku ya Swirilo”.

2 SAMIELE 5:5

A fuma Yuda malembe ya 7 ni tin'hweti ta 6, a ri eHebroni, kutani a fuma Yuda na Israele malembe ya 33, a ri eYerusalema.

2 SAMIELE 5:3

Kutani vakulukumba hinkwavo va Israele va hlengeletana entsindza eHebroni, kutani hosi Davhida a endla ntwanano na vona kwale Hebroni, emahlweni ka HOSI Xikwembu. Kavaloko va n'wi veka ku va hosi ya Israele hi ku n'wi chela mafurha enhlokweni.

2 SAMIELE 2:11

Davhida ú vile hosi ya nyimba ya va ka Yuda ku ringana malembe ya 7 ni tin'hweti ta 6, a ri karhi a tshama eHebroni.

2 SAMIELE 1:17

Davhida a suma risimu ro rila Sawulo ni n'wana wa yena Yonatani,

2 SAMIELE 1:12

Va ba nkosi, va rila, va titsona swakudya ku kondza dyambu ri pela, va rila Sawulo ni n'wana wa yena Yonatani, va rila ni tiko ra HOSI Xikwembu ni rixaka ra Vaisraele, hikuva a va dlayiwile enyimpini.

1 SAMIELE 28:3

Hi nkarhi lowu, Samiele a a lovile; Vaisraele hinkwavo a va ririle nkosi wa yena, va n'wi lahla emutini wa yena eRhama. Sawulo a a hlongorile lava nga ni swikwembu, ni lava nga vangoma, etikweni ra Israele.

1 SAMIELE 20:31

Loko n'wana Yese a ha tama a hanya la misaveni, wena u nga ka u nga tshamiseki, na wona mfumo wa wena wu nga ka wu nga tiyi. Sweswi ke, hatlisa u rhumela vanhu va ya n'wi khoma, va vuya na yena kwala, hikuva ú faneriwe hi ku fa!”

Yoxuwa 20:7

Kutani va hlawula muti wa Kedexe lowu nga Galeliya emagangeni ya Neftali, na muti wa Xikeme lowu wu nga emagangeni ya Efrayimi, na muti wa Kiriyata-Araba (hileswaku Hebroni) lowu wu nga emagangeni ya Yuda.

Yoxuwa 10:39

va wu teka; va teka ni hosi ya wona ni swimitana swa wona hinkwaswo. Va dlayetela vaaki va muti hinkwavo hi fumu ku nga sali na un'we wa mhamba. Va endlile muti wa Debiri ni hosi ya wona leswi va swi endleke muti wa Hebroni, ni wa Lakixi ni hosi ya wona.

Duteronoma 34:8

Vaisraele va rila nkosi wa Muxe masiku ya 30, erivaleni ra Mowabu, kutani nkosi wa kona wu hela.

Tinhlayo 20:29

Kakuloko Vaisraele va vona leswaku Aroni ú lovile, hinkwavo va n'wi rila masiku ya 30.

Tinhlayo 13:22

Va tlhandluka va ta hi le dzongeni, va ya fika emutini wa Hebroni laha a ku tshama Ahimani, na Xexayi, na Talimayi, va nga va rixaka ra ka Anaka (Loko muti wa Sowani le Egipta wu akiwa, wa Hebroni a wu ri ni malembe ya 7 wu akiwile).

Genesa 50:10

Loko va fika exivuyeni xa Atadi lexi nga vuxeni bya nambu wa Yordani, va sungula ku rila hi xiviti lexikulu. Yosefa a tlhela a rila tata wa yena masiku ya 7.

Genesa 27:41

Kutani Esawu a sungula ku venga Yakobo hikwalaho ka leswi tata wa yena a n'wi katekiseke. Esawu a vulavula a ri yexe a ku: “Masiku ya ku rila tatana a ma ha ri kule, kutani ndzi ta dlaya lowa makwerhu Yakobo.”

Genesa 23:1

Sara ú hanyile malembe ya 127,

Genesa 24:67

Hiloko Isaka a teka Rhaveka a ya na yena entsongeni wa Sara mana wa yena. Kutani Rhaveka a va nsati wa yena loyi a n'wi rhandzaka. Hi ndlela leyi, Isaka a va a kumile xo wisisa mbilu ya yena endzhaku ka rifu ra Sara mana wa yena.

Genesa 35:27

Kutani Yakobo a ya fika eka tata wa yena Isaka eMamre le Kiriyata-Araba (hileswaku: “Hebroni”), laha Abrahama na Isaka a va luverile kona.

Genesa 37:14

Yakobo a ku ka yena: “Sweswi, famba u ya va pfuxela, u kamba ni swifuwo, kutani u vuya u ta ndzi rungulela mahungu ya kona.” Kutani Yosefa a suka eka Nkova wa Hebroni, a ya fika eXikeme.

Yoxuwa 15:13

Yoxuwa ú endlile hilaha HOSI Xikwembu xi n'wi leriseke hakona: A nyika Kalebe n'wana Yefune xiphemu xa yena exikarhi ka tiko ra va ka Yuda, wu nga muti wa Kiriyata-Araba, hileswaku Hebroni. (Araba a a ri tata wa Anaka.)

Yoxuwa 15:54

na Humuta, na Kiriyata-Araba (hileswaku Hebroni), na Siyori: Miti ni swimitana swa yona i 9.

Yoxuwa 21:11

Va nyikiwile muti wa Kiriyata-Araba (Araba a a ri tata wa Anaki), wu nga muti wa Hebroni lowu nga magangeni ya Yuda, ni madyelo ya wona ya swifuwo ku rhendzeleka na wona.

Nehemiya 11:25

Vanhu van'wana a va tshama emitini ya vona leyi nga ni masimu. Hi tlhelo ra va ka Yuda, van'wana a va tshama emutini wa Kiriyata-Araba ni le swimitaneni swa vona, ni le mutini wa Diboni ni le swimitaneni swa wona, ni le mutini wa Yekabiele ni le swimitaneni swa wona,

Genesa 50:1

Hiloko Yosefa a tiwisela ehenhla ka tata wa yena, a n'wi ntswontswa a ri karhi a rila.

1 SAMIELE 25:1

Samiele a lova, kutani Vaisraele hinkwavo va hlengeletana enkosini wa yena, va n'wi lahla emutini wa yena eRhama. Endzhaku ka sweswo, Davhida a suka a rhelela a ya emananga ya Parani.