Genesa 23:19 - BIBELE Mahungu Lamanene

¹⁹ Endzhaku ka sweswo, Abrahama a lahla nsati wa yena Sara ebakweni leri nga nsin'wini ya le Makapela, evuxeni bya muti wa Mamre (hileswaku Hebroni), etikweni ra Kanana.

Xitsonga (Bibele)

¹⁹ Endzhaku ka swona, Abrahama a yimbela Sara nsati wa yena ebakweni ra nsimu ya Makapela, hi ku vandzakana na Mamre (a nga Hebroni), etikweni ra Kanana.

Genesa 23:19 Referans Kwoze

Eklesiasta 12:7

ntshuri wu nga si tlhelela emisaveni laha wu humaka kona, ni moya wu nga si tlhelela eka Xikwembu, munyiki wa wona.

Eklesiasta 12:5

Ú ta chava ku khandziya ntshava, a chava ni ku khoma ndlela. Murhi wa alimondi wa ha ta hluka, njiya ya ha ta thamuka yi xurhile, tindzhoho ta kaperi ta ha ta vupfa ti baleka, kambe munhu yena, ú tiyela lomu ku nga ha vuyiwiki; lava nga ta n'wi rila, va sungurile ku rhendzeleka emutini.

Eklesiasta 6:3

Munhu a nga kuma dzana ra vana, a hanya malembe layo tala emisaveni, masiku ya yena ma andza swinene. Kambe a nga tshuka a tekeriwa minkateko yoleyo, varikwavo va ala ni ku n'wi lahla esirheni. Mina ndzi ri: Xihlangi xo velekiwa xi file xi katekile ku tlula munhu wo tano,

Ntirho 30:23

Ndza swi tiva, u ndzi kongomisa esirheni, exivandleni lexi vanhu hinkwavo va hlengeletiwaka eka xona.

Genesa 50:25

Kutani Yosefa a ku ka vamakwavo: “Tiboheni hi ku hlambanya leswaku, loko Xikwembu xi mi kutsula xi mi humesa etikweni leri, mi ta teka marhambu ya mina, mi famba na wona.”

Genesa 50:13

hikuva va n'wi rhwarile va n'wi yisa etikweni ra Kanana, va ya n'wi lahla ebakweni ra nsimu leyi nga eMakapela, evuxeni bya Mamre. Bako ni nsimu ya kona, Abrahama ú swi xavile eka Efroni lowa Muhiti, leswaku yi ta va ndhawu ya yena yo lahlela eka yona.

Genesa 47:30

kambe u fanele ku ndzi rhwala, u ya ndzi lata emasirheni ya vatatana, ndzi etlela na vona.” Yosefa a hlamula a ku: “Ndzi ta endla hilaha u vulaka hakona.”

Genesa 3:19

U ta dya swa nyuku wa wena, u kondza u tlhelela emisaveni hikuva u humesiwile eka yona; u ntshuri, kutani u fanele ku tlhelela entshurini.”

Genesa 23:18

swi nyikiwa Abrahama emahlweni ka Vahiti hinkwavo lava a va ri enyangweni ya muti, leswaku swi ta va swa yena.

Genesa 23:20

Hi mukhuva lowu, Vahiti va nyika Abrahama nsimu leyi ni bako ra yona leswaku yi va ndhawu ya yena yo lahlela eka yona.

Genesa 37:14

Yakobo a ku ka yena: “Sweswi, famba u ya va pfuxela, u kamba ni swifuwo, kutani u vuya u ta ndzi rungulela mahungu ya kona.” Kutani Yosefa a suka eka Nkova wa Hebroni, a ya fika eXikeme.