Genesa 23:11 - BIBELE Mahungu Lamanene

¹¹ “E-e, n'wini wanga, yingisa ndzi ku byela; mina ndzi ku nyika nsimu, ku katsa ni bako leri nga ka yona; ndzi ku nyika yona emahlweni ka vanhu va ka hina; yana u ya lahla mufi wa wena kona.”

Xitsonga (Bibele)

¹¹ “A swi nga vi tano, hosi yanga; ndzi yingise: Nsimu, ndzi ku nyika ntsena, na rona bako leri nga eka yona, ndzi ku nyika rona; ndzi ku nyika rona emahlweni ka vana va tiko ranga; yimbela ntsena mufi wa wena.”

Genesa 23:11 Referans Kwoze

Luka 19:24

Kutani a ku ka lava a va ri kona kwalaho: ‘N'wi tekeleni pondho, mi yi nyika loyi a nga ni tipondho ta khume.’ [

Esaya 32:8

Kasi munhu lonene ú endla makungu lamanene, mintirho ya yena hi leyinene ntsena.

Rhuti 4:11

Hiloko vakulukumba va muti swin'we ni lava a va ri ehubyeni va tiyisa va ku: “Hi timbhoni ta wena. Loyi u n'wi hlomisaka namuntlha, HOSI a yi n'wi endle la fanaka na va Rahele na Leya, va nga lava simekeke rixaka ra Israele, hi vumbirhi bya vona. Kula u twakala exikarhi ka va le Efrata. Vito ra wena a ri dzunisiwe kwala Betlehema.

Rhuti 4:9

Kutani Bowazi a tiboha emahlweni ka vakulukumba ni vanhu hinkwavo, a ku: “Namuntlha mi timbhoni ta leswaku ndzi amukerile emavokweni ya Nahumi hinkwaswo leswi a swi ri swa Elimeleke, ku katsa ni hinkwaswo swa Kiliyoni na Mahaloni.

Rhuti 4:4

Kutani ke mina ndzi anakanyile ku ku luma ndleve hi mhaka leyi ni ku ku tsundzuxa ku amukela ndzima leyi emahlweni ka lava tshamiseke la, ni le mahlweni ka vakulukumba lava va ka hina. Loko u lava ku hlayisa ndzhaka leyi ya wena, yi hlayise; kambe loko u nga swi lavi, ndzi byele leswaku ndzi swi tiva, hikuva mudyandzhaka lonkulu hi wena, mina ndza ku landzela.” Wanuna loyi a hlamula a ku: “Ndzi ta yi hlayisa ndzhaka leyi.”

Rhuti 4:1

Bowazi a tlhandlukela ehubyeni ya muti, a fika a tshamisa kona. Endzhaku ka nkarhinyana ko ta fika mudyandzhaka, yena loyi Bowazi a a vulavurile hi yena. Bowazi a n'wi vitana a ku: “Ndzi na wena tatana, hambukela haleno, u ta tshamisa na mina.” Munhu loyi a hambuka a ya tshamisa na Bowazi.

Duteronoma 19:15

“Loko munhu a dyohile kumbe a endlile xo biha xihi na xihi, a nga ka a nga avanyisiwi hikwalaho ka vumbhoni bya munhu un'we ntsena, kambe ku laveka timbhoni timbirhi kumbe tinharhu, leti nga pfunaka ku tiyisa mhaka leyi a yi endleke.

Duteronoma 17:6

Munhu loyi a faneleke ku dlayiwa, ú ta dlayiwa ntsena loko ku ri na vumbhoni bya vanhu vambirhi kumbe vanharhu; ku nga vi na munhu loyi a dlayiwaka hikwalaho ka vumbhoni bya munhu un'we ntsena.

Tinhlayo 35:30

Mudlayi un'wana ni un'wana ú ta dlayiwa ntsena loko ku ri ni timbhoni; ku nga tshuki ku va ni munhu ni un'we loyi a dlayiwaka hikwalaho ka vumbhoni bya munhu un'we ntsena.

Genesa 23:18

swi nyikiwa Abrahama emahlweni ka Vahiti hinkwavo lava a va ri enyangweni ya muti, leswaku swi ta va swa yena.

Genesa 23:6

“Yingisa hi ku byela, we n'wini wa hina; exikarhi ka hina, wena u munhu wo chaviseka! Loko ku ri ku lahla mufi wa wena, hlawula sirha leri sasekeke ngopfu exikarhi ka masirha ya hina hinkwawo. A ku na munhu na un'we exikarhi ka hina loyi a nga alaka ku ku nyika sirha ra yena, kumbe loyi a nga ku sivelaka ku lahla mufi wa wena.”

Genesa 23:12

Hiloko Abrahama a korhama emahlweni ka vinyi va tiko,