Genesa 22:8 - BIBELE Mahungu Lamanene

⁸ Abrahama a hlamula a ku: “N'wananga, loko swi ri swa xinyimpfana xa gandzelo leri hisiwaka, swi ta vona hi Xikwembu.” Kutani va ya emahlweni va famba swin'we.

Xitsonga (Bibele)

⁸ Abrahama a ku: “N'wananga, Xikwembu xi ta vona ku tilavela nyimpfu ya mhamba.” Kutani a va ri karhi va famba havambirhi swin'we.

Genesa 22:8 Referans Kwoze

Yohane 1:36

A vona Yesu a ri karhi a hundza, kutani a ku: “Vonani! Hi lexi Xinyimpfana xa Xikwembu!”

Yohane 1:29

Siku leri tlhandlamaka, Yohane a vona Yesu a ri karhi a ta a n'wi kongomile, kutani a ku: “Vonani! Hi lexi Xinyimpfana xa Xikwembu lexi susaka swidyoho swa misava!

Nhlavutelo 5:12

A ti vonga hi rito leri tlakukeke ti ku: “Xinyimpfana lexi tshamaka xi dlayiwa, xi lulameriwile hi ku nyikiwa matimba, ni vuhosi, ni vutlhari, ni ntamu, ni ku dzuneka, ni ku twala, ni ku vongiwa.”

Genesa 18:14

Xana xi kona lexi xi nga tsandzaka mina HOSI xana? Haxawu, hi nkarhi lowu ndzi wu vekeke, ndzi ta tlhela ndzi vuya eka wena; Sara ú ta va a ri na n'wana wa mufana.”

Nhlavutelo 13:8

Kutani vaaki hinkwavo va laha misaveni va ta xi gandzela; hileswaku un'wana ni un'wana loyi vito ra yena ri nga tsariwangiki khale, hi mpfhuka misava yi tumbuluka, ebukwini ya vutomi ya Xinyimpfana lexi dlayiweke, ú ta gandzela xivandzana.

Matewu 19:26

Yesu a va langutisisa, a ku: “Loko va ri vanhu, leswi swa va tsandza, kambe Xikwembu xona a xi tsandzi hi nchumu.”

Nhlavutelo 7:14

Ndzi ku ka yena: “Swo tiva hi wena, Hosi yanga.” Hiloko a ku ka mina: “Lava, hi lava humaka eku xanisekeni lokukulu; va hlantswile tinguvu ta vona, va ti basisile hi ngati ya Xinyimpfana.

Nhlavutelo 5:6

Kutani ndzi vona Xinyimpfana xi yimile exiluvelweni, xi rhendzeriwile hi swivumbiwa leswi hanyaka swa mune ni vakulukumba, xona xi ri xikarhi. Xinyimpfana a xi vonaka onge hi loko xi tshama xi dlayiwa; a xi ri ni timhondzo ta 7, ni mahlo ya 7, lawa ya nga mimoya ya 7 ya Xikwembu leyi rhumeriweke emisaveni hinkwayo.

2 TIKRONIKA 25:9

Kutani Amasiya a vutisa muprofeta a ku: “Xana silivhere ya 4 000 kg leyi ndzi yi humeseke ku thola mavuthu ya Israele, ndza ha ta tlhela ndzi yi kuma xana?” Muprofeta a hlamula a ku: “HOSI Xikwembu xi nga ku nyika silivhere yo tala ku tlula yeleyo!”

Genesa 22:7

Hiloko Isaka a ku ka tata wa yena: “Tatana!” Yena a ku: “Hi mina loyi n'wananga.” Isaka a ku: “Ndzilo ni tihunyi hi leswi, kambe xinyimpfana xa gandzelo leri hisiwaka xi kwihi xana?”

Genesa 22:9

Loko va fika endhawini leyi Xikwembu xi n'wi byeleke yona, Abrahama a aka alitari, a veketela tihunyi ehenhla ka yona, kutani a boha n'wana wa yena Isaka, a n'wi tlhandleka alitarini ehenhla ka tihunyi.

Genesa 22:14

Kutani Abrahama a thya ndhawu leyi vito ra “HOSI-yita-swi-vona”; ni namuntlha vanhu va ha vula va ku: “Entshaveni ya HOSI, swi ta voniwa.”

2 TIHOSI 2:6

Kutani Eliya a ku ka Elixa: “Ndza ku kombela, sala kwala, hikuva HOSI Xikwembu xi ndzi rhumile ku ya enambyeni wa Yordani.” Kambe Elixa a hlamula a ku: “Ndza tiyisa emahlweni ka HOSI Xikwembu lexi hanyaka, ni le mahlweni ka wena, ndzi ri: Ndzi nga ka ndzi nga sali.” Kutani va famba swin'we.