Genesa 22:7 - BIBELE Mahungu Lamanene

⁷ Hiloko Isaka a ku ka tata wa yena: “Tatana!” Yena a ku: “Hi mina loyi n'wananga.” Isaka a ku: “Ndzilo ni tihunyi hi leswi, kambe xinyimpfana xa gandzelo leri hisiwaka xi kwihi xana?”

Xitsonga (Bibele)

⁷ Kavaloko Isaka a vutisa Abrahama, tata wa yena, a ku: “Tatana!” Yena a ku: “Hi mina loyi, n'wananga.” Isaka a ku: “Ndzilo hi lowu ni tihunyi hi leti, kambe nyimpfu yi kwihi leyo tlhavela?”

Genesa 22:7 Referans Kwoze

Varhoma 8:15

Hikuva Moya lowu mi nga nyikiwa wona, a wu mi endli mahlonga ni ku tlhela wu mi vangela ku chava, kambe wu mi endla vana; hi matimba ya Moya lowu, hi huwelela hi ku: “Abba, Tatana!”

Yohane 18:11

Hiloko Yesu a ku ka Petro: “Tlherisela banga ra wena enkotlotweni wa rona; xana a ndzi nga nwi exinwelweni lexi Tatana a ndzi nyikeke xona xana?”

Matewu 26:42

Kutani a tlhela a ya ra vumbirhi etlhelweni, a khongela a ku: “Tatana, loko swi nga endleki leswaku xinwelo lexi xi fambela kule na mina, ni loko ndzi boheka ku nwela eka xona, a ku endliwe ku rhandza ka wena!”

Matewu 26:39

Kutani a ya kulenyana, a wa hi mombo, a ri karhi a khongela a ku: “Tatana, loko swi nga endleka, xinwelo lexi a xi fambele kule na mina! Ntsena ku nga endliwi ku rhandza ka mina, kambe a ku endliwe ku rhandza ka wena!”

Eksoda 12:3

Vitanani Vaisraele hinkwavo, mi va byela leswaku, hi siku ra vukhume ra n'hweti leyi, va lavela mindyangu ya vona swinyimpfana kumbe swimbutana, xin'we hi ndyangu;

Genesa 8:20

Nowa a akela HOSI Xikwembu alitari, kutani a pambula xiharhi xin'we exikarhi ka rixaka rin'wana ni rin'wana ra swiharhi leswi tengeke, a pambula ni xinyanyana xin'we exikarhi ka rixaka rin'wana ni rin'wana ra tinyanyana leti tengeke, a humesa gandzelo leri hisiwaka.

Yohane 1:29

Siku leri tlhandlamaka, Yohane a vona Yesu a ri karhi a ta a n'wi kongomile, kutani a ku: “Vonani! Hi lexi Xinyimpfana xa Xikwembu lexi susaka swidyoho swa misava!

Yohane 1:36

A vona Yesu a ri karhi a hundza, kutani a ku: “Vonani! Hi lexi Xinyimpfana xa Xikwembu!”

Nhlavutelo 13:8

Kutani vaaki hinkwavo va laha misaveni va ta xi gandzela; hileswaku un'wana ni un'wana loyi vito ra yena ri nga tsariwangiki khale, hi mpfhuka misava yi tumbuluka, ebukwini ya vutomi ya Xinyimpfana lexi dlayiweke, ú ta gandzela xivandzana.

Genesa 22:8

Abrahama a hlamula a ku: “N'wananga, loko swi ri swa xinyimpfana xa gandzelo leri hisiwaka, swi ta vona hi Xikwembu.” Kutani va ya emahlweni va famba swin'we.

Eksoda 29:38

“Siku rin'wana ni rin'wana hilaha ku nga heriki, mi ta humesa swinyimpfana swimbirhi swa makhuna swa lembe rin'we alitarini.