Genesa 22:3 - BIBELE Mahungu Lamanene

³ Hiloko Abrahama a pfuka nimpundzu swinene, a bohelela xitshamu embhongolweni ya yena, a vita malandza ya yena mambirhi ya majaha, a teka na Isaka n'wana wa yena. Loko a tsemile tihunyi to ya hisa ha tona gandzelo, a suka a famba a kongoma endhawini leyi Xikwembu xi n'wi byeleke yona.

Xitsonga (Bibele)

³ Kutani Abrahama a vindzuka, a boha mbhongolo ya yena, a teka malandza mambirhi, na Isaka n'wanakwe; a pandzela ni tihunyi ta gandzelo, kutani a suka a ya exivandleni lexi Xikwembu xi n'wi kombiseke xona.

Genesa 22:3 Referans Kwoze

Pisalema 119:60

A ndzi hlweli, ndzi tsutsumela ku hlayisa swileriso swa wena.

Matewu 10:37

“La rhandzaka tata wa yena kumbe mana wa yena ku tlula mina, a swi n'wi fanelanga ku va wa mina; swi tano ni loyi a rhandzaka n'wana wa yena wa xinuna kumbe wa xisati ku tlula mina.

Luka 14:26

“Loko un'wana a ta ka mina, kambe a nga ndzi rhandzi ku tlula tata wa yena, ni mana wa yena, ni nsati, ni vana, ni makwavo, hambi byi ri vutomi bya yena, a nga ka a nga vi mudyondzisiwa wa mina.

Vagalatiya 1:16

xi swi tsakerile ku hlavutela N'wana wa xona eka mina, leswaku ndzi ta n'wi twarisa exikarhi ka vamatiko. Enkarhini wolowo, a ndzi vutisanga munhu,

Eklesiasta 9:10

Xin'wana ni xin'wana lexi u xi endlaka, tinyikete eka xona hi ntamu, hikuva exivandleni xa vafi lexi u yaka eka xona, a ku tirhiwi, a ku ehleketiwi, ku hava vutlhari ni vutivi.

Genesa 21:14

Hiloko Abrahama a pfuka nimpundzu swinene, a teka xinkwa ni gula ra mati a rhwexa Hagara, a n'wi beburisa ni n'wana, kutani a n'wi hlongola. Hiloko Hagara a suka a famba a ya tsendzeleka emananga ya Berexeba.

Genesa 17:23

Kutani Abrahama a teka n'wana wa yena Iximaele, ni mahlonga hinkwawo ya xinuna lama nga velekiwa emutini wa yena kumbe lama nga lo xaviwa hi mali, a ya va yimbisa ro siku rero hilaha Xikwembu xi n'wi leriseke hakona.

Vaheveru 11:8

Hi ku pfumela, Abrahama, siku a vitaniweke ku rhurha a ya etikweni leri Xikwembu a xi n'wi tshembisile rona, ú yingisile, a rhurha a nga tivi lomu a fanelaka ku ya kona.

Genesa 22:2

Xi ku ka yena: “Teka Isaka n'wana wa wena loyi a ngo va un'we, loyi naswona u n'wi rhandzaka, kutani u ya etikweni ra Moriya u ya humesa ha yena gandzelo leri hisiwaka, u ri humesela ehenhla ka ntshava leyi ndzi nga ta ku komba yona.”

Genesa 22:4

Hi siku ra vunharhu, Abrahama ú te a tlukusa mahlo, o vona ndhawu ya kona ya ha ri kulenyana.

Genesa 22:18

Kutani vanhu hinkwavo laha misaveni va ta katekisiwa hikwalaho ka vatukulu va wena, hikuva wena u yingisile rito ra mina.’ ”

Yoxuwa 8:10

Yoxuwa a pfuka nimpundzu swinene a hlengeleta masocha, kutani va tlhandluka va kongoma emutini wa Ayi, yena ni vakulukumba va Israele va rhangile emahlweni.

Yoxuwa 3:1

Yoxuwa ni Vaisraele hinkwavo va pfuka ka ha ri mpundzu swinene, va suka eXitimi, va famba va ya fika enambyeni wa Yordani, kutani va xwa kona va nga si pela nambu.