Genesa 21:4 - BIBELE Mahungu Lamanene

⁴ Loko Isaka a ri ni masiku ya 8, tata wa yena Abrahama a n'wi yimbisa, hi ku landza xileriso xa Xikwembu.

Xitsonga (Bibele)

⁴ Kutani Abrahama a yimbisa Isaka, n'wana wa yena, a ri ni masiku ya ntlhanu na manharhu, hilaha Xikwembu xi n'wi leriseke hakona.

Genesa 21:4 Referans Kwoze

Timhaka 7:8

Kutani Xikwembu xi endla ntwanano na Abrahama, lowu funghiweke hi ku yimba; hikokwalaho, Abrahama a veleka Isaka, a n'wi yimbisa hi siku ra vu-8, kutani Isaka a veleka Yakobo, Yakobo a veleka vakokwa wa hina va 12, va yimbisiwa hinkwavo.

Luka 2:21

Loko n'wana a hetile masiku ya 8, a yimbisiwa, kutani va n'wi thya vito ra Yesu, hilaha ntsumi yi nga n'wi thya hakona, mana wa yena a nga si tika.

Luka 1:59

Kutani hi siku ra vu-8 va ya yimbisa xihlangi; van'wana a va lava ku xi thya vito ra Zakariya tata wa xona.

Luka 1:6

Ha vambirhi a va lulamile emahlweni ka Xikwembu, a va famba emilawini hinkwayo ya Hosi ni le swilerisweni swa yona, va ri hava xisolo.

Duteronoma 12:32

“Hinkwaswo leswi ndzi mi lerisaka swona, mi fanele ku tikarhatela ku hanya hi swona; mi nga engeteleli nchumu kumbe ku hunguta nchumu eka swona.

Levhitika 12:3

Hi siku ra vu-8, n'wana ú fanele ku yimbisiwa.

Eksoda 12:48

“Loko munhu wa le handle a luverile eka n'wina, kutani a navela ku tlangela HOSI Xikwembu hi ku dya nkhuvo wa Paseka, vavanuna va muti wa yena hinkwavo va fanele ku yimbisiwa; hi kona a nga ta nghena enkhubyeni wa Paseka a dya; ú ta langutiwa ku fana ni munhu loyi a velekiweke etikweni ra Israele. Kambe ku nga vi na munhu na un'we wo ka a nga yimbisiwanga, la nga ta dya Paseka.