Genesa 21:21 - BIBELE Mahungu Lamanene

²¹ A a tshama emananga ya Parani; kutani mana wa yena a ya n'wi tekela nsati etikweni ra Egipta.

Xitsonga (Bibele)

²¹ A aka emananga ya Parani, kutani mana wa yena a n'wi tekela nsati etikweni ra Egipta.

Genesa 21:21 Referans Kwoze

1 Vakorinto 7:38

Hikokwalaho, loyi a tekaka nhwana wa yena, ú endla swona; kambe loyi a nga n'wi tekiki, ú endla leswi antswaka ku tlula swona.

1 SAMIELE 25:1

Samiele a lova, kutani Vaisraele hinkwavo va hlengeletana enkosini wa yena, va n'wi lahla emutini wa yena eRhama. Endzhaku ka sweswo, Davhida a suka a rhelela a ya emananga ya Parani.

Vaavanyisi 14:2

Kutani a tlhelela ekaya, a fika a byela tata wa yena ni mana wa yena, a ku: “Ndzi vonile nhwanyana un'wana wa Mufilista eTimina, kutani ndzi kombela leswaku mi ya ndzi tekela yena, a va nsati wa mina.”

Tinhlayo 13:26

va tlhelela le Kadexe emananga ya Parani, laha Muxe na Aroni a va ri kona ni ntshungu hinkwawo wa Vaisraele; va vuya ni mahungu, va ma rungulela Muxe na Aroni ni ntshungu hinkwawo, va va komba ni mihandzu ya tiko ra kona.

Tinhlayo 13:3

Kutani Muxe a va rhuma, hilaha HOSI Xikwembu xi leriseke hakona; hinkwavo a va ri varhangeri exikarhi ka Vaisraele.

Tinhlayo 12:16

Endzhaku ka sweswo, Vaisraele va suka eHaseroti, va ya gova emananga ya Parani.

Tinhlayo 10:12

Kutani na vona Vaisraele va suka emananga ya Sinayi, va famba mimpfhuka leyi va pimeriweke ku famba yona hi siku. Papa ri yile ri ya yima emananga ya Parani.

Genesa 27:46

Kutani Rhaveka a ku ka Isaka: “Mina ndzi dyisiwa mbitsi hi vavasati lava va Vahiti. Loko na yena Yakobo o teka nsati wa Muhiti kwala tikweni leri, wo fana ni vavasati lava, xana ndza ha ta va ndzi hanyela yini xana?”

Genesa 14:6

va hlula ni Vahori lava tshamaka entshaveni ya vona ya Seyira, ku kondza va ya fika le Eliparani, laha mananga ma sungulaka kona.

Genesa 25:18

Vana va Iximaele a va tshama ku sukela eHavhila ku ya fika eXuru, ku langutana na tiko ra Egipta hi tlhelo ra Asiriya. Vana lava a va tshama va ri karhi va hlaselana.

Habakuku 3:3

Xikwembu xi ta tlhela xi ta hi le Temani, Muhlawuleki ú ta rhelela hi le ntshaveni ya Parani. Vukulukumba bya yena byi funengeta matilo, ku dzuneka ka yena ku tata misava.

Genesa 16:3

kutani Sarayi nkata Abrama a teka Hagara, nandza wa yena lowa Muegipta, a n'wi nyiketa eka Abrama leswaku a va nsati wa yena. Leswi swi humelerile loko Abrama a hetile khume ra malembe a ri etikweni ra Kanana.

1 TIHOSI 11:18

Va suka eMidiyani, va hundza hi le Parani, laha va kumeke vavanuna va nga ri vangani, va suka na vona eParani, va ya le Egipta, eka Faro hosi ya kona. Kutani Faro a nyika Hadada eyindlu, a n'wi tshembisa swakudya, a n'wi avela ni masimu.

2 TIKRONIKA 24:3

Yoyada hi yena la nga lavela hosi vasati vambirhi, kutani va yi velekela vana va xinuna ni va xisati.

Yeremiya 29:6

Titekeleni vasati mi kuma vana va xinuna ni va xisati, mi lovota ni vana va n'wina va xinuna, mi lovorisa ni lava va xisati leswaku na vona va ta kuma vana va xinuna ni va xisati; andzani eBabilona mi nga hunguteki.