Genesa 21:2 - BIBELE Mahungu Lamanene

² Kutani eku dyuhaleni ka Abrahama, Sara a tika, a n'wi velekela n'wana wa mufana hi nkarhi lowu Xikwembu xi wu tiviseke Abrahama.

Xitsonga (Bibele)

² Sara a tika nyimba, a velekela Abrahama n'wana eku dyuhaleni ka yena, enkarhini lowu Xikwembu i ngi xi va byerile wona.

Genesa 21:2 Referans Kwoze

Vaheveru 11:11

Hi ku pfumela, Sara hi xiviri xa yena ú kotile ku va a tika hambileswi a a ri mhika, a hundzeriwile hi nkarhi, hikuva ú tivile leswaku loyi a n'wi tshembiseke wa tshembeka.

Vagalatiya 4:22

Hikuva Matsalwa ma vula leswaku Abrahama a a ri ni vana vambirhi va xinuna, un'wana a velekiwile hi nsati wa yena wa hlonga, un'wana hi nsati wa yena wa xitekwa wo ka a nga ri hlonga.

Timhaka 7:8

Kutani Xikwembu xi endla ntwanano na Abrahama, lowu funghiweke hi ku yimba; hikokwalaho, Abrahama a veleka Isaka, a n'wi yimbisa hi siku ra vu-8, kutani Isaka a veleka Yakobo, Yakobo a veleka vakokwa wa hina va 12, va yimbisiwa hinkwavo.

Luka 1:36

Kutani tiva leswaku xaka ra wena Elizabeta na yena ú tikile eku dyuhaleni ka yena; n'hweti leyi i ya vu-6 eka yena loyi a a vuriwa mhika,

Genesa 18:14

Xana xi kona lexi xi nga tsandzaka mina HOSI xana? Haxawu, hi nkarhi lowu ndzi wu vekeke, ndzi ta tlhela ndzi vuya eka wena; Sara ú ta va a ri na n'wana wa mufana.”

Genesa 18:10

Kutani HOSI Xikwembu xi ku: “Ndza ku tshembisa leswaku ndzi ta tlhela ndzi vuya kambe haxawu hi nkarhi wolowu; Sara nsati wa wena ú ta va a ri na n'wana wa mufana.” Sara a a ri eku yingiseleni, a ri enyangweni ya ntsonga, a nga voniwi.

Genesa 17:19

Xikwembu xi hlamula xi ku: “E-e, Sara nsati wa wena ú ta ku velekela n'wana wa mufana, kutani wena u ta n'wi thya vito ra Isaka. Ndzi ta endla ntwanano na yena, wu va ntwanano lowu nga ta va kona hilaha ku nga heriki exikarhi ka mina ni vatukulu va yena lava nga ta velekiwa.

Genesa 17:21

Kambe ndzi ta endla ntwanano na Isaka, a nga n'wana loyi a nga ta velekiwa hi Sara lembe leri taka hi nguva leyi.”

Varhoma 9:9

Hikuva rito ra xitshembiso hi leri nge: “Ndzi ta vuya hi nkarhi lowu vekiweke, kutani Sara ú ta va ni n'wana wa mufana.”

Yoxuwa 24:3

Kutani mina ndzi susile kokwa wa n'wina Abrahama entsungeni wa nambu wa Yufrata, ndzi n'wi famba-fambisa etikweni hinkwaro ra Kanana, ndzi andzisa ni vatukulu va yena. Ndzi n'wi nyikile Isaka,