Genesa 21:16 - BIBELE Mahungu Lamanene

¹⁶ Kutani a suka laha a ku ri na n'wana a famba mpfhukanyana, a ya fika a tshama ehansi, hikuva a a ku: “A ndzi lavi ku vona ku fa ka n'wananga.” Kuteloko Hagara a ri kwale kule, n'wana a sungula ku rila.

Xitsonga (Bibele)

¹⁶ a ya tshamisa a langutana na yena empfhukeni wa ku copa ka vurha, hikuva a a ku: “Ndzi nga ti vona ku fa ka n'wananga!” A tshama a langutana na yena, kutani a tlakusa rito, a rila.

Genesa 21:16 Referans Kwoze

Esaya 49:15

Kambe Xikwembu xi ri: “Xana wansati a nga rivala n'wana loyi a n'wi mamisaka xana? Xana a nga tshika ku rhandza n'wana loyi a n'wi velekeke xana? Hambiloko manana a nga rivala n'wana wa yena, mina ndzi nga ka ndzi nga ku rivali.

Estere 8:6

Xana ndzi nga tiya hi ndlela yihi, loko ndzi vona khombo leri lavaka ku humelela varikwerhu, xana? Kumbe ndzi nga tiyiserisa ku yini ku vona maxaka ya mina ma lovisiwa, xana?”

1 TIHOSI 3:26

Mbilu ya mana wa xihlangi lexi hanyaka yi tlhavekela n'wana loyi wa yena; hiloko a ku ka hosi: “Yo, N'wini wanga! N'wi nyike xihlangi lexi hanyaka lexi. Va nga tshuki va xi dlaya.” Lowa vumbirhi a engeta ku nghenelela, a ku: “Xi nge vi xa wena, xi nge vi xa mina. Xi pandzeni!”

Luka 15:20

Kutani a pfuka, a ya eka tata wa yena. “Loko a ha ri kule, tata wa yena a n'wi vona, a n'wi twela vusiwana; kutani a tsutsuma, a ya n'wi vukarha, a n'wi ntswontswa.

Zakariya 12:10

Kutani ndzi ta chela moya wa vukhongeri ni wa tintswalo eka vatukulu va Davhida ni ka vaaki va Yerusalema. Va ta languta eka mina hikwalaho ka loyi va n'wi tlhaveke, kutani va ta n'wi rila ku fana ni loko munhu a tlhaveka a rila n'wana wa yena loyi a a ri yexe, kumbe n'wana wa yena wa mativula.

1 SAMIELE 30:4

Kwalaho Davhida ni vanhu lava a va ri na yena va sungula ku kalakala, va rila ku kondza va nga ha tikoti hi ku rila.

1 SAMIELE 24:16

Loko Davhida a hetile ku vulavula, Sawulo a ku ka yena: “Davhida n'wananga! Xana i rito ra wena leri xana?” Kavaloko Sawulo a tlhaveka a rila,

Rhuti 1:9

HOSI a yi mi nyike ku tshamiseka, un'wana ni un'wana evukatini bya yena lebyintshwa.” Kutani a va angarha, a va ntswontswa, kambe vona va tlhaveka va rila,

Vaavanyisi 2:4

Loko ntsumi ya HOSI Xikwembu yi byerile Vaisraele emarito lawa, hinkwavo va sungula ku rila.

Genesa 44:34

Mina ndzi nga ka ndzi nga swi koti ku tlhelela eka tatana, loko ndzi nga ri na yena mufana loyi. Ndza chava ku vona tatana a ri karhi a xaniseka.”

Genesa 29:11

Kutani Yakobo a ntswontswa Rahele, a tlhela a rila swinene.

Genesa 27:38

Esawu a ku ka tata wakwe: “Tatana, xana wo kota ku katekisa kan'we ntsena xana? Tatana, na mina ndzi katekise.” Kutani Esawu a rila a ba huwa.

Genesa 21:15

Kuteloko mati ma herile eguleni, Hagara o teka n'wana wa yena a ya n'wi veka ehansi ka ximudyana xin'wana.

1 TIHOSI 17:12

Noni yi hlamula yi ku: “Ndzi tiyisa emahlweni ka HOSI Xikwembu xa wena lexi hanyaka: A ndzi na swo swekiwa ekaya. Ndzo va ni xandla xa mapa ntsena embiteni, ni mafurhanyana exikhudzeni. Sweswi ndzi le ku rhoteleni ka swihlahlana swi nga ri swingani, leswaku hi ya tiswekela swakudyanyana mina ni n'wana; kutani loko hi dyile, ku to sala ku va hi fa.”

Yeremiya 6:26

N'wina va ka hina, ambalani swiambalo swa nkosi, mi vumbuluka enkumeni; tlhavani mukhosi mi rila ngopfu ku fana ni loko ku lo fa n'wana loyi a a ri yexe, hikuva valala va le kusuhi ni ku hi herisa.”

Amosi 8:10

Ndzi ta hundzula minkhuvo ya n'wina yi va minkosi, ni tinsimu ta n'wina hinkwato ti va ta swirilo; ndzi ta mi ambexa leswo khwaxa hinkwenu, ndzi mi byewula ni tinhloko. Siku ra kona, ndzi ta ri endla ri fana ni ra ku rila n'wana un'we wa xinuna; eku heteleleni, ku ta sala mbitsi ntsena.”