Genesa 20:6 - BIBELE Mahungu Lamanene

⁶ Hiloko Xikwembu xi vulavula na yena enorhweni xi ku: “Kunene wa vurisa; ndza swi tiva leswaku u endlile mhaka leyi hi mbilu yo ntshunxeka, hikokwalaho ndzi endleke leswaku u nga ndzi dyoheli. Hi mina ndzi ku siveleke ku khumba wansati loyi.

Xitsonga (Bibele)

⁶ Kutani Xikwembu xi n'wi byela enorhweni, xi ku: “Ndza swi tivisisa leswaku u endlise sweswo eku lulameni ka mbilu ya wena, hikwalaho-ke, ndzi nga ku sivela ku ndzi dyohela; ndzi nga ku pfumelelangiki ku n'wi khumba.

Genesa 20:6 Referans Kwoze

1 SAMIELE 25:34

Ndza tiyisa hakunene emahlweni ka HOSI Xikwembu xa Israele lexi hanyaka, lexi xi ndzi siveleke ku ku vavisa, ndzi ri: Loko a wu nga hatlisanga u ndzi hlanganisa, mundzuku nimixo vavanuna va ka Nabala a va ta herisiwa hinkwavo, ku nga sali ni un'we wa vona.”

1 SAMIELE 25:26

Sweswi ke, n'wini wanga, ndza tiyisa hi ku hlambanya emahlweni ka HOSI Xikwembu lexi hanyaka ni le mahlweni ka wena, ndzi ri: Hi xona Xikwembu lexi ku siveleke ku tirihisela hi wexe ni ku halata ngati ya vanhu. Valala va wena ni lava ringetaka ku ku endla swo biha, a va fane na Nabala, wena n'wini wanga.

Swivuriso 21:1

Mbilu ya hosi i xinambyana xa mati lexi fambisiwaka hi HOSI Xikwembu, xi yi jikisela hinkwako lomu xi ku rhandzaka.

Genesa 35:5

Kutani va khoma ndlela va famba, kutani Xikwembu xi endla leswaku vanhu va miti leyi a yi va rhendzerile matlhelo hinkwawo va khomiwa hi ku chava, va tsandzeka ku hlongorisa vana va Yakobo.

Genesa 31:7

Hambiswiritano, tata wa n'wina ú ndzi kanganyisile, a hundzuluxa hakelo ya mina ka khume, kambe Xikwembu a xi n'wi pfumelelanga leswaku a ndzi vavisa.

2 Vatesalonika 2:7

Hakunene, ku homboloka loku tifihlaka ku le ku tirheni nisweswi; kambe loyi a ku sivelaka ku tikomba, ú ta ya emahlweni a ku sivela, ku fikela loko a susiwa.

Pisalema 84:11

HOSI Xikwembu i khokholo ni xitlhangu, xi avela vanhu tintswalo ni ku dzuneka; lava hanyaka hi ndlela leyi nkhensekaka, HOSI Xikwembu xi va nyika minkateko.

Eksoda 34:24

Ndzi ta hlongola vamatiko emahlweni ka n'wina, ndzi kurisa tiko ra n'wina, kutani enkarhini lowu mi nga ta ta mi ta hlengeletana emahlweni ka mina kanharhu elembeni, a ku nga vi na munhu loyi a nga ta sala a ringeta ku mi tekela tiko.

2 Vakorinto 6:17

Hikokwalaho, Hosi yi ri: “Humani exikarhi ka vona, mi hambana na vona; mi nga tshuki mi khumba leswi nga tengangiki, kutani ndzi ta mi amukela.

Pisalema 81:12

Hikokwalaho ndzi va tshikile va tiendlela hi ku rhandza, va endla leswi tinhloko ta vona ti va byelaka swona.

Pisalema 51:4

Ndzi dyoherile wena, wena ntsena, ndzi endlile leswo biha emahlweni ka wena; hikokwalaho loko u ndzi avanyisa u ndzi ba, a wu nga vi na nandzu, u ta va u nga hoxanga.

Genesa 39:9

Laha mutini wa yena, mina na yena ha ringana hi matimba. Ku hava lexi a ndzi alelaka xona handle ka wena ntsena, hikuva u nsati wa yena. Mhaka yo bihisa leswi, ndzi nga ka ndzi nga yi endli, hikuva ndzi ta va ndzi dyohela Xikwembu.”

Genesa 20:18

hikuva va ka Abimeleke hinkwavo HOSI Xikwembu a xi va pfarile mbeleko hikokwalaho ka Sara nkata Abrahama.

2 Vatesalonika 2:11

Hikokwalaho, Xikwembu xi va rhumele moya wa ku tixisa lokukulu, leswaku va pfumela leswi swi nga vunwa.

1 Vakorinto 7:1

Loko ti ri timhaka leti mi nga ndzi tsalela tona, ndzi nga ku: Swi lulamile loko wanuna a nga tivani ni wansati.

Levhitika 6:2

“Munhu a nga tshuka a dyoha, a kumeka a nga tshembekanga eka mina HOSI, hi ku va a kanganyisile munhukulobye; a nga va a ala ku tlherisa leswi va lombaneke swona, kumbe leswi va khomisaneke swona, kumbe a n'wi dyelela, kumbe ku n'wi xanisa.

Genesa 26:11

Kutani Abimeleke a humesa xileriso lexi nge: “Munhu loyi a nga ta tshuka a khumbile wanuna loyi kumbe nsati wa yena, ú ta dlayiwa.”

Genesa 3:3

kambe Xikwembu xi te: ‘Mi nga tshuki mi dya mihandzu ya murhi lowu nga xikarhi ka ntanga, hambi ku ri ku yi khumba mi nga tshuki mi yi khumba, hikuva mi nga fa.’ ”

Matewu 27:19

Kuteloko Pilato a tshamile exitshan'wini xa ku avanyisa, nsati wa yena a rhumela rito eka yena, a ku: “U nga tshuki u nghena emhakeni ya munhu yoloye wo lulama, hikuva matolo ndzi vavisekile ngopfu enorhweni hikwalaho ka yena.”

Genesa 31:24

Kutani Xikwembu xi ta hi norho eka Labani lowa Muaramu nivusiku, xi ku ka yena: “Tivonele leswaku u nga tshuki u vula nchumu eka Yakobo, hambi xo biha kumbe xo saseka.”

Swivuriso 6:29

Swi tano ni le ka munhu loyi a etlelaka ni nsati wa un'wana; un'wana ni un'wana loyi a khumbaka nsati wa muakelani, a nge poni.