Genesa 20:3 - BIBELE Mahungu Lamanene

³ Kambe nivusiku, Xikwembu xi ta eka Abimeleke hi norho, xi ku: “Wena, u ta fa, hikwalaho ka wansati loyi u n'wi tekeke, hikuva i nsati wa munhu.”

Xitsonga (Bibele)

³ Kambe Xikwembu xi ta eka Abimeleke, enorhweni wa vusiku, xi ku eka yena: “Waswivo, u ta fa hikwalaho ka nsati loyi u n'wi tekeke, hikuva u ni nuna.”

Genesa 20:3 Referans Kwoze

Matewu 27:19

Kuteloko Pilato a tshamile exitshan'wini xa ku avanyisa, nsati wa yena a rhumela rito eka yena, a ku: “U nga tshuki u nghena emhakeni ya munhu yoloye wo lulama, hikuva matolo ndzi vavisekile ngopfu enorhweni hikwalaho ka yena.”

Genesa 20:7

Kutani sweswi, tlherisela wansati loyi eka nuna wa yena, hikuva wanuna loyi i muprofeta, ú ta ku khongelela u hanya, kambe loko u nga tlherisi wansati loyi, swi tive leswaku u ta fa hakunene, wena ni va ka n'wina hinkwavo.”

Pisalema 105:14

Kambe Xikwembu a xi pfumelelanga munhu ni un'we leswaku a va xanisa; xi tshinyile ni tihosi hikwalaho ka vona,

Ntirho 33:15

Xi tirhisa milorho ni swivono swa vusiku, loko vanhu va ha hluriwa hi vurhongo, va etlele emasangwini.

Matewu 1:20

Loko a ha anakanya sweswo, ntsumi ya Hosi yi humelela eka yena hi norho, yi ku: “Yosefa n'wana Davhida, u nga chavi ku titekela Mariya nsati wa wena, hikuva leswi a nga na swona swi huma eka Moya lowo Kwetsima;

Genesa 28:12

Kutani a lorha ku ri na phandze leri dzimiweke emisaveni, makumu ya rona ma dliva tilo. Kutani a vona tintsumi ta Xikwembu, tin'wana ti ri karhi ti xika tin'wana ti ri karhi ti khandziya!

Yonasi 3:4

Yonasi a nghena eNinivha, a famba-famba mpfhuka wa siku rin'we a ri karhi a huwelela a ku: “Ku sele ntsena masiku ya 40, kutani muti wa Ninivha wu ta mbundzumuxiwa.”

Genesa 40:8

Vona va ku ka yena: “Hi lorhile milorho, kutani a ku na munhu loyi a nga yi hlamuselaka.” Kutani Yosefa a ku ka vona: “Xana a hi Xikwembu lexi hlamuselaka milorho xana? Ndzi kombela leswaku mi ndzi byela milorho ya kona.”

Genesa 37:9

Yosefa a lorha norho wun'wana, kutani a byela vamakwavo a ku: “Ndzi lorhile norho wun'wana: Ndzi vona dyambu, ni n'weti, ni tinyeleti ta 11 swi ndzi nkhinsamela.”

Genesa 37:5

Siku rin'wana, Yosefa a lorha norho; kuteloko a byela vamakwavo, vo ya va n'wi venga swinene.

Genesa 31:24

Kutani Xikwembu xi ta hi norho eka Labani lowa Muaramu nivusiku, xi ku ka yena: “Tivonele leswaku u nga tshuki u vula nchumu eka Yakobo, hambi xo biha kumbe xo saseka.”

Genesa 12:17

Kambe HOSI Xikwembu xi rhumela makhombo layo tala, xi ba Faro ni ndyangu wa yena hikwalaho ka Sarayi nkata Abrama.

Genesa 12:18

Kutani Faro a vitana Abrama a ku ka yena: “Xana i mhaka muni leyi u ndzi vangeleke yona xana? Xana hikwalaho ka yini u nga ndzi byelanga leswaku munhu loyi i nsati wa wena xana?

Tinhlayo 22:9

Xikwembu xi ta eka Balaama, xi ku ka yena: “Xana vanhu lava nga laha mutini wa wena i va mani xana?”

1 TIKRONIKA 16:21

Kambe Xikwembu a xi pfumelelanga munhu ni un'we ku va xanisa, xi tshinyile ni tihosi hikwalaho ka vona,

Genesa 40:5

Kutani siku rin'wana nivusiku, mucheri wa vhinyo ya hosi ya Egipta, ni muphameri wa xinkwa xa yona, va lorha milorho havumbirhi bya vona, va ri kwale khotsweni; norho wun'wana ni wun'wana a wu ri ni nhlamuselo ya wona.

Genesa 46:2

Kutani nivusiku Xikwembu xi vulavula na yena hi xivono, xi ku: “Yakobo, Yakobo!” Yena a pfumela a ku: “Hi mina loyi!”

Ntirho 33:17

Xi va tshikisa mintirho ya vona leyo biha, xi va sivela ku tikurisa.