Genesa 20:1 - BIBELE Mahungu Lamanene

¹ Ku suka kwalaho, Abrahama a famba a kongoma ematlhelweni ya le dzongeni, a ya fika a luvela emutini wa Gerara, exikarhi ka Kadexe na Xuru, a tshama kona.

Xitsonga (Bibele)

¹ Kutani Abrahama a suka, a ya etikweni ra le dzongeni, a tshama exikarhi ka Kadexe na Xuru; kambe a tshama nkarhi eGerara.

Genesa 20:1 Referans Kwoze

Genesa 26:6

Kutani Isaka a tshama eGerara.

Genesa 26:1

Ehandle ka ndlala leyi weke enkarhini wa Abrahama, ku tlherile ku wa yin'wana etikweni. Kutani Isaka a ya eka Abimeleke hosi ya Vafilista emutini wa Gerara.

Pisalema 29:8

ri tsekatsekisa na wona mananga, HOSI yi tsekatsekisa mananga ya le Kadexe.

Genesa 18:1

Siku rin'wana ninhlekanhi, dyambu ri ri karhi ri hisa, HOSI Xikwembu xi humelela eka Abrahama le ka Minkuhlu ya Mamre, xi n'wi kuma a tshamile enyangweni ya ntsonga wa yena.

1 SAMIELE 15:7

Sawulo a hlula Vaamaleke, ku suka eHavhila, ku ya fika emutini wa Xuru lowu vandzakaneke na Egipta.

Duteronoma 32:51

hikuva n'wina vambirhi mi ndzi dyoherile emahlweni ka Vaisraele: Loko mi ri exihlobyeni xa Meriba kusuhi ni muti wa Kadexe, emananga ya Sini, a mi kombanga ku kwetsima ka mina eka Vaisraele.

Duteronoma 1:19

“Loko hi suka entshaveni ya Horebe, hi tsemakanyile mananga lamakulu layo chavisa hinkwawo lawa mi ma voneke, hi kongoma emagangeni ya Vaamori hilaha HOSI Xikwembu xa hina xi hi leriseke hakona, hi kondza hi ya fika emutini wa Kadexe-Bariniya.

Tinhlayo 20:16

Kuteloko hi yisile xirilo xa hina eka HOSI Xikwembu, xi hi hlamurile, xi hi rhumela ntsumi, yi ta hi humesa etikweni ra Egipta; kutani sweswi hi kwala Kadexe, muti lowu nga ndzilekaneni wa tiko ra n'wina.

Tinhlayo 13:26

va tlhelela le Kadexe emananga ya Parani, laha Muxe na Aroni a va ri kona ni ntshungu hinkwawo wa Vaisraele; va vuya ni mahungu, va ma rungulela Muxe na Aroni ni ntshungu hinkwawo, va va komba ni mihandzu ya tiko ra kona.

Genesa 26:26

Kutani Abimeleke a ya eka Isaka a ri na Ahuzata mutsundzuxi wa yena, na Pikolo mufambisi wa mavuthu ya yena, va sukela eGerara.

Genesa 26:20

Kutani varisi va le Gerara va sungula ku holova ni varisi va swifuwo swa Isaka, va ku: “Mati lawa i ya hina.” Kutani Isaka a thya xihlovo lexi evito ra Eseke (hileswaku: “Ku holova”), hikuva a va holovile na yena kwalaho.

Genesa 24:62

Enkarhini lowu, Isaka a a sukile eBerilahayi-Royi a ta tshama edzongeni.

Genesa 13:1

Hiloko Abrama a tlhandluka a huma etikweni ra Egipta, a ri ni nsati wa yena ni swilo swa yena hinkwaswo; Lota a famba na vona va kongoma edzongeni ra tiko ra Kanana.

Genesa 10:19

ndzilekana wa tiko ra vona wu sungula eSidoni wu kongoma eGerara, wu ya fika eGaza; kutani wu jika wu kongoma etlhelo ra Sodoma na Gomora, na Adama, na Seboyimi, wu ya helela eLaxa.

Genesa 16:14

Hikokwalaho, xihlovo lexi xi thyiwile vito ra Berilahayi-Royi (hileswaku “Xihlovo-xa-loyi-a-vonaka-a-tlhela-a-hanya”). Xihlovo lexi xi le xikarhi ka muti wa Kadexe ni wa Berede.

Genesa 16:7

Loko Hagara a ri exihlobyeni lexi nga mananga, endleleni yo ya eXuru, a kumiwa hi ntsumi ya HOSI Xikwembu,

Genesa 16:1

Enkarhini lowu, Sarayi nkata Abrama a a nga si va na n'wana, kambe a a ri ni nandza wa xisati wa Muegipta, loyi a va ku i Hagara.

Genesa 14:7

Kutani va hundzuluka va ya fika le Eni-Mixipati (hileswaku Kadexe), va hlasela tiko hinkwaro ra Vaamaleke, ni ra Vaamori lava a va tshama eHasasoni-Tamara.

Genesa 12:9

Kutani Abrama a ya emahlweni ni riendzo ra yena ro ya edzongeni.

Genesa 25:18

Vana va Iximaele a va tshama ku sukela eHavhila ku ya fika eXuru, ku langutana na tiko ra Egipta hi tlhelo ra Asiriya. Vana lava a va tshama va ri karhi va hlaselana.

Eksoda 15:22

Kutani Muxe a suka na Vaisraele eLwandle-ro-Tshwuka, va kongoma emananga ya Xuru. Va famba emananga lawa masiku manharhu, va nga kumi mati.

Genesa 21:34

Abrahama ú tshamile malembe yo tala etikweni ra Vafilista a ri muluveri.