Genesa 2:8 - BIBELE Mahungu Lamanene

⁸ Kutani HOSI Xikwembu xi endla ntanga le Edeni evuxeni, kutani xi teka munhu loyi xi n'wi vumbeke, xi ya n'wi veka kwale ntangeni.

Xitsonga (Bibele)

⁸ Kutani Yehovha Xikwembu a endla ntanga etikweni ra Edeni, hitlhelo ra vuxa, kutani a veka kona munhu loyi a nga n'wi vumba.

Genesa 2:8 Referans Kwoze

Ezekiele 28:13

A wu tshama entangeni wa mina wa le Edeni, u sasekisiwile hi maribye ya nkoka ya tinxaka-xaka, yo fana ni ‘sardiyo’, ni ‘topazi’, ni ‘dayimani’, ni ‘berila’, ni ‘onikisi’, ni ‘yaspere’, ni ‘safiri’, ni ‘emeralda’, ni ‘garnete’; swiangarhelo swa maribye lawa a swi ri swa nsuku lowu furiweke, swi lulamisiwile siku u tumbuluxiweke.

Genesa 3:24

HOSI Xikwembu xi hlongola munhu entangeni wa Edeni, kutani evuxeni bya ntanga lowu xi veka tikerubu ni fumu leri vangamaka, ri tshama ri ri karhi ri rhendzeleka-rhendzeleka, swi rindza ndlela yo ya emurhini lowu nyikaka vutomi.

Genesa 13:10

Kutani Lota a tlakusa mahlo, a vona leswaku tindhawu ta le nkoveni wa Yordani, ni ku ya fika eSowara, ti ni mati yo tala ku fana ni ntanga wa HOSI Xikwembu, ni tiko ra Egipta. (Enkarhini lowu, HOSI Xikwembu a xi nga si herisa muti wa Sodoma ni muti wa Gomora.)

Yuwele 2:3

Emahlweni ka vona va rhangisile ndzilo lowu herisaka, kasi endzhaku ka vona ku ni langavi leri vuvumelaka. Loko va nga si fika, tiko a ri fana ni ntanga wa Edeni, kambe loko va hundzile, ri sala ri fana ni mananga lama omeke swinene, a ku na nchumu lexi kotaka ku va balekela.

Esaya 51:3

“Muti wa Yerusalema, ndzi ta wu tiyisa mina HOSI, vanhu hinkwavo lava tshamaka emarhumbini ya wona, ndzi ta va twela vusiwana. Tindhawu ta wona leti hundzukeke mananga, ndzi ta ti hundzula ti fana ni ntanga wa Edeni; lomu ku omeke, ku ta fana ni ntanga wa mina. Muti lowu wu ta tala hi ntsako ni minkhuvo, eka wona ku ta twala minkulungwana ni tinsimu ta ku nkhensa.

2 TIHOSI 19:12

Xana swikwembu swa vamatiko swi ponisile matiko lawa vakokwa wa mina va ma heriseke, ma nga matiko ya Gozana, ni ya Harani, ni ya Resefa, ni ya vanhu va le Edeni lava a va ri eTelasara, xana?

Genesa 4:16

Hiloko Kayini a suka emahlweni ka HOSI Xikwembu, a ya tshama etikweni ra Nodo, evuxeni bya Edeni.

Ezekiele 31:16

Siku ndzi cukumeteke murhi lowu exivandleni xa vafi leswaku wu ya hlangana ni vanhu lava feke khale, ndzi tsekatsekisile matiko hinkwawo hi mpfumawulo wa ku wa ka wona; kutani mirhi hinkwayo leyinene yo saseka ya le Edeni, yona leyi nga ntshaveni ya Lebanoni kusuhi ni milambu, yi tsakisiwile hi ku wa ka wona, loko wu cukumetiwa exivandleni xa vafi.

Ezekiele 31:18

“Murhi wa kedari lowu wu tlulaka mirhi hinkwayo ya le Edeni hi ku saseka ni vukulu, wu fanisa Faro ni vanhu va yena: Va ta rhelela va ya exivandleni xa vafi, va ya hlangana kona ni lavo soleka, va latiwa ni vanhu lava dlayiweke hi fumu. Ndzi vula sweswo mina HOSI N'wini wa hinkwaswo!”

Ezekiele 27:23

Va le Harana ni va le Kana ni va le Edeni a va xaviselana swilo na wena, swin'we ni van'wamabindzu va le Xeba ni va le Asuru ni va le Kilimada;

Genesa 3:23

Hikokwalaho, HOSI Xikwembu xi humesa munhu entangeni wa Edeni, leswaku a ya rima misava leyi a vumbiweke ha yona.