Genesa 2:5 - BIBELE Mahungu Lamanene

⁵ emisaveni a ku nga si mila nchumu, hambi xi ri ximudyana xinene, kumbe byanyi, hikuva HOSI Xikwembu a xi nga si nisa mpfula emisaveni, naswona a ku nga si va na munhu loyi a a ta rima misava.

Xitsonga (Bibele)

⁵ A ku nga si va kona ximudyana ni xin'we xa nhova emisaveni, ni byanyi hinkwabyo bya nhova a byi nga si mila, hikuva Yehovha Xikwembu a a nga si nisa mpfula emisaveni, kutani a ku nga si va na munhu la rimaka misava.

Genesa 2:5 Referans Kwoze

Genesa 3:23

Hikokwalaho, HOSI Xikwembu xi humesa munhu entangeni wa Edeni, leswaku a ya rima misava leyi a vumbiweke ha yona.

Vaheveru 6:7

Loko misava yi nwile mati ya mpfula leyi talaka ku na ehenhla ka yona, ni loko yi mirisa swimila leswi pfunaka lava va yi rimaka, yi kuma minkateko leyi humaka eka Xikwembu.

Ntirho 5:10

Hi xona xi nisaka mpfula emisaveni, xi khulukisa ni milambu ematikweni.

Genesa 4:12

Loko u rima misava, a yi nga ha ku humeseli ntshovelo lowu ringaneke. Emisaveni a wu nga vi na kaya, u ta va mutsendzeleki.”

Genesa 4:2

Evha a tlhela a veleka n'wana wa mufana, a nga Avele. Avele a a ri mufuwi wa tinyimpfu, Kayini yena a a ri murimi.

Yeremiya 14:22

Xana swikwembu swa vamatiko swi tshama swi nisa mpfula ke, kumbe matilo ma nga wisa mberha ha woxe xana? E-e! Munyiki wa swona hi wena ntsena, wena HOSI Xikwembu xa hina; hi tshemba wena ntsena, hikuva swilo leswi hinkwaswo swi endliwe hi wena.

Pisalema 135:7

Hi xona xi tisaka mapapa ma huma evugimamusi, xi dzindzisa tilo, mpfula yi na, xi hungisa bubutsa ri huma evuhlayiselweni bya xona.

Pisalema 104:14

Hi wena u miriselaka swiharhi ebyanyi, vanhu u va nyika swimilana leswaku va swi byala, va tihumesela swakudya emasin'wini,

Matewu 5:45

leswaku mi hundzuka vana va Tata wa n'wina la nge matilweni, hikuva ú tsuvukisa dyambu ra yena ehenhla ka lavo biha ni lavanene, ú nisa mpfula ehenhla ka lavo lulama ni lavo homboloka.

Genesa 2:6

Kambe a ku ri ni mati lawa a ma pfelela ma huma ehansi, ma tsakamisa misava hinkwayo.

Yeremiya 10:12

HOSI Xikwembu hi xona lexi tumbuluxeke misava hi ntamu wa xona, xi veka masungulo ya yona hi vutlhari, xi vamba ni matilo ha byona.

Yeremiya 10:13

Loko muvumbi a vulavula, mati ya le henhla ma hakasiwa, mapapa ma tlakuka ma huma evugimamusi; loko a hatimisa rihati, mpfula ya na, moya wu huma laha yena a wu hlayiseke kona.