Genesa 2:25 - BIBELE Mahungu Lamanene

²⁵ Wanuna ni nsati wa yena a va tshama va nga ambalanga nchumu, kambe a swi nga va khomisi tingana.

Xitsonga (Bibele)

²⁵ Kutani wanuna ni nsati wa yena a va tshama va nga ambalanga nchumu, kambe a va nga ri na tingana.

Genesa 2:25 Referans Kwoze

Genesa 3:7

Hiloko havambirhi va pfuleka mahlo, kutani va sungula ku vona leswaku a vo tshama ntsena; kutani va rhungelela matluka ya nkuwa va tiendlela swiambalo.

Varhoma 10:11

Tsalwa ri te: “Un'wana ni un'wana la pfumelaka ka yena, a nga ka a nga khomiwi hi tingana.”

Yuwele 2:26

“Swakudya, mi ta dya mi tlhela mi nga ha swi lavi, kutani mi ta dzunisa vito ra mina HOSI Xikwembu xa n'wina, mina ndzi mi endleleke swilo swo hlamarisa; kutani vanhu va mina a va nga ha tlheli va khomiwa hi tingana, ni siku ni rin'we.

Yeremiya 17:13

We HOSI, wena loyi Vaisraele va ku tshembaka, lava va ku tshikaka va ta nyuma hinkwavo; mavito ya lava va ku fularhelaka, ma ta tsariwa exivandleni xa vafi, hikuva va ku tshikile we HOSI, wena xihlovo xa mati lama khulakaka.

Esaya 47:3

U ta sala u nga ambalanga nchumu, vanhu va ta vona miri wa wena hinkwawo. Ndzi ta rihiseta, a ndzi nga tsetseleli munhu!”

Luka 9:26

La khomiwaka hi tingana hikwalaho ka mina ni marito ya mina, N'wana-wa-Munhu na yena ú ta khomiwa hi tingana hikwalaho ka munhu loyi, siku a vuyaka eku kwetsimeni ka yena, a ri na Tata wa yena ni tintsumi leto hlawuleka.

Ezekiele 16:61

Siku rin'wana ndzi ta amukela makwenu hosi ya wena ya xisati, ni ndzisana ya wena ya xisati, ndzi va endla vana va wena, hambiloko va nga nghenisiwanga entwananweni wa mina na wena, kutani u ta tianakanya u xiya mahanyelo ya wena, kutani u khomiwa hi tingana.

Esaya 54:4

“U nga chavi, hikuva a wu nga ha khomiwi hi tingana; u nga tipandzisi nhloko, hikuva a wu nga ha vangeriwi leswi nga ta ku nyumisa; tingana leti u veke na tona loko wa ha ri ntsongo, u ta ti rivala, ni leswaku a wu hlekuriwa loko u nga ha ri na nuna, a wu nga ha swi tsundzuki.

Pisalema 25:3

Exikarhi ka lava va ku tshembaka, ku hava na un'we la khomiwaka hi tingana, hikuva tingana i ta lava kanganyisaka van'wana, va tlanga hi vona.

Eksoda 32:25

Kutani Muxe a swi vona leswaku vanhu va sungurile ku hambuka endleleni, hikuva Aroni a a nga va sivelanga, kutani va tihundzula swihlekiso exikarhi ka valala va vona.

Marka 8:38

Loyi a nga ni tingana hikwalaho ka mina ni marito ya mina erixakeni leri ra lava sandzaka Xikwembu ni ra vadyohi, N'wana-wa-Munhu na yena ú ta khomiwa hi tingana hikwalaho ka munhu loyi siku a nga ta vuya eku kwetsimeni ka Tata wa yena, a ri ni tintsumi leto hlawuleka.”

Yeremiya 6:15

Xana ku endla swa manyala leswi swi va khomisile tingana xana? E-e, a va twanga ku vava ha swona, a va nyumanga niswitsanana. Hikokwalaho va ta wa ku fana na van'wana, esikwini leri ndzi nga ta va avanyisa, va ta wela hansi va nga ha pfuki. Ndzi vula sweswo mina HOSI.”

Esaya 44:9

Hinkwavo lava tiendlelaka swikwembu, a va pfuni nchumu, naswona swifaniso leswi va swi tsakelaka a swi va vuyiseli nchumu; lava va swi khongelaka a va tlharihanga, a va swi tivi leswaku va nga khomisiwa tingana.

Pisalema 31:17

We HOSI, u nga pfumeli leswaku ndzi khomiwa hi tingana, hikuva ndzi huwelela eka wena; lavo homboloka hi vona u fanelaka ku va khomisa tingana, va ya exivandleni xa vafi va nga ha ri na xo vula.