Genesa 2:2 - BIBELE Mahungu Lamanene

² Hi siku ra vu-7, loko Xikwembu xi hetile ntirho wa xona hinkwawo lowu a xi wu endla, xi wisa.

Xitsonga (Bibele)

² Kutani hi siku ra ntlhanu na mambirhi, Xikwembu xi heta ntirho hinkwawo lowu xi nga wu endla; kutani hi siku ra ntlhanu na mambirhi, xi wisa entirhweni hinkwawo lowu xi wu endleke.

Genesa 2:2 Referans Kwoze

Vaheveru 4:4

Hikuva kun'wana eMatsalweni ku vulavuriwa hi ta siku ra vu-7 hi ndlela leyi, va ku: “Hi siku ra vu-7, Xikwembu xi wisile emintirhweni ya xona hinkwayo.”

Eksoda 31:17

Lexi xi ta va xikombiso xa ku twanana ka mina ni Vaisraele hilaha ku nga heriki; hikuva hi masiku ya 6 mina HOSI ndzi tumbuluxile tilo ni misava, kutani ndzi tshika ku tirha hi siku ra vu-7, ndzi wisa.’ ”

Duteronoma 5:14

Kambe siku ra vu-7 i siku ra ku wisa leri hlawuleriweke mina HOSI Xikwembu xa wena; hi siku leri, u nga tshuki u tirha ntirho ni wun'we, wena kumbe n'wana wa wena wa xinuna ni wa xisati, kumbe nandza wa wena wa xinuna ni wa xisati, hambi yi ri homu ya wena, kumbe mbhongolo ya wena, kumbe xifuwo xihi na xihi xa wena, kumbe munhu loyi a luveleke eka wena; hi ndlela leyi, na wona malandza ya wena ya xinuna ni ya xisati ma ta kuma ku wisa ku fana na wena.

Eksoda 23:12

“Mi ni masiku ya 6 lawa mi faneleke ku endla mintirho ya n'wina hinkwayo ha wona; kambe hi siku ra vu-7, mi wisa; tihomu ta n'wina ni timbhongolo ta n'wina ti ta wisa na tona; hambi va ri vana va mahlonga ya n'wina ya xisati, ni valuveri, va ta kuma ku hefemula na vona.

Yohane 5:17

Kambe Yesu a va byela, a ku: “Ku fikela sweswi, Tata wa mina a nga si tshika ku tirha, kutani na mina, tanihi yena, ndza tirha.”

Esaya 58:13

HOSI Xikwembu xi ri: “Mi nga rhendzeleki-rhendzeleki hi siku ra Savata, mi nga endli leswi mi swi rhandzaka esikweni ra mina lero hlawuleka; siku leri, mi fanele ku ri tsakela mi ri xixima, hikuva i siku ra mina lero hlawuleka; ri xiximeni, mi nga yi lomu mi ku tsakelaka, kumbe ku endla leswi mi swi rhandzaka, naswona mi nga vulavuli swo huma ndleleni hi siku leri.

Genesa 1:31

Hiloko Xikwembu xi languta swilo hinkwaswo leswi xi swi endleke, kutani xi vona leswaku swilo leswi swi sasekile ngopfu. Kutani ku va madyambu, ku tlhela ku va mixo, ri va siku ra vu-6.

Vaheveru 4:10

Hikuva loyi a nghenaka eku wiseni ka Xikwembu, na yena wa wisa emintirhweni ya yena, kukota leswi Xikwembu xi wiseke emintirhweni ya xona.

Genesa 2:3

Hikokwalaho, Xikwembu xi katekisa siku leri ra vu-7, xi ri endla leri hlawulekeke, hikuva hi siku leri xi wisile entirhweni wa xona hinkwawo lowu xi wu endleke loko xi tumbuluxa swilo.

Eksoda 31:15

Ku ta tirhiwa hi masiku ya 6, kambe siku ra vu-7 i siku ra ku wisa ra Savata, leri hlawuleriweke HOSI Xikwembu; un'wana ni un'wana loyi a nga ta tirha hi siku leri ra Savata, ú ta dlayiwa.