Genesa 2:1 - BIBELE Mahungu Lamanene

¹ Kutani ntirho wo tumbuluxa tilo ni misava, ni hinkwaswo leswi nga ka swona, wu herisa sweswo.

Xitsonga (Bibele)

¹ Hi kona ku endliwa ka matilo ni misava ni swilo hinkwaswo swa swona.

Genesa 2:1 Referans Kwoze

Pisalema 33:6

HOSI Xikwembu xi endle matilo hi rito ra xona, xi lo lerisa kunene, kutani dyambu ni n'weti ni tinyeleti, swi va kona hinkwaswo.

Eksoda 31:17

Lexi xi ta va xikombiso xa ku twanana ka mina ni Vaisraele hilaha ku nga heriki; hikuva hi masiku ya 6 mina HOSI ndzi tumbuluxile tilo ni misava, kutani ndzi tshika ku tirha hi siku ra vu-7, ndzi wisa.’ ”

Eksoda 20:11

hikuva hi masiku ya 6, mina HOSI Xikwembu ndzi endlile tilo ni misava ni lwandle, ni hinkwaswo leswi nga ka swona, kutani hi siku ra vu-7 ndzi wisile; hikokwalaho, mina HOSI ndzi katekisile siku leri, ndzi ri endla leri hlawulekeke.

Genesa 1:1

Eku sunguleni, Xikwembu xi tumbuluxile tilo ni misava.

Esaya 45:18

HOSI Xikwembu xi tumbuluxile matilo, hi xona xi nga Xikwembu hakunene! Xi vumbile ni misava, xi yi endla yi ri leyi tiyeke, leyi vanhu va kotaka ku tshama eka yona: A xi yi vumbelanga ku va leyi nga pfuniki nchumu. Kutani xi vurisa sweswo xi ri: “Hi mina HOSI Xikwembu, ku hava un'wana!

Esaya 42:5

HOSI Xikwembu, xona Xikwembu lexi tumbuluxeke matilo xi ma vamba, xi andlala ni misava ni leswi milaka eka yona, xona lexi endleke leswaku vanhu lava tshamaka eka yona va va ni vutomi, va hefemula, xi byela nandza wa xona, xi ri:

2 TIHOSI 19:15

Kutani a khongela a ku: “Wena HOSI, Xikwembu xa Israele, wena u tshamaka exiluvelweni ehenhla ka tikerubu, hi wena ntsena la nga Xikwembu ehenhla ka mimfumo hinkwayo ya misava; hi wena la endleke tilo ni misava.

Esaya 45:12

Hi mina ndzi endleke misava, ndzi tumbuluxa ni vanhu lava tshamaka eka yona, matilo ndzi ma vambile hi mavoko ya mina, hambi swi ri leswi nga tilweni, swi lawuriwa hi mina hinkwaswo.

Pisalema 146:6

Xikwembu hi xona xi endleke tilo ni misava ni lwandle, ni hinkwaswo leswi hanyaka eka swona; minkarhi hinkwayo xa tshembeka.

Zakariya 12:1

Mahungu hi lawa, ri nga rito ra HOSI Xikwembu ehenhla ka Vaisraele: Xikwembu lexi vumbeke matilo, lexi xi andlaleke ni misava, xona lexi hanyisaka munhu, xi vurisa sweswo xi ri:

Pisalema 33:9

hikuva xi vulavurile, kutani swilo swi va kona; xi lo lerisa kunene, kutani swi humelela.

Nehemiya 9:6

Kutani Vaisraele va khongela va ku: “Wena HOSI, u Xikwembu u ri wexe! Hi wena u endleke matilo hinkwawo ni hinkwaswo leswi swi nga ka wona; u endlile ni misava ni leswi nga ka yona hinkwaswo, u endla ni malwandle ni hinkwaswo leswi nga ka wona. Swilo leswi hinkwaswo swi hlayisiwa hi wena; ni swivumbiwa swa le tilweni swi gandzela wena!

2 TIKRONIKA 2:12

Hiramu a engeta a ku: “A ku dzunisiwe HOSI Xikwembu xa Israele, xona xi endleke tilo ni misava, hikuva hi xona xi nyikeke hosi Davhida en'wana la twisisaka, wa mianakanyo leyinene, loyi a nga ta xi akela eyindlu, a tlhela a tiakela tindlu ta yena ta le ntsindza.

Vaheveru 4:3

Hina lava pfumeleke, hi hina hi nghenaka eku wiseni koloku, hilaha Xikwembu xi nga te: “Ndzi hlambanyile evukarini bya mina ndzi ku: ‘Va nga ka va nga ngheni eku wiseni ka mina!’ ” Xi vurile sweswo hambileswi mintirho ya xona a yi hetisekile hi mpfhuka misava yi tumbuluka.

Timhaka 4:24

Loko vona va swi twile, va huwelela eka Xikwembu hi ku khongela va ri mbilu yin'we, va ku: “N'wini wa hina, wena la endleke tilo ni misava ni lwandle, ni hinkwaswo leswi nga ka swona!

Yeremiya 10:16

Xikwembu xa va ka Yakobo a xi fani ni swikwembu leswi: Hi xona xi vumbeke swilo hinkwaswo, kutani Vaisraele i vanhu va xona va xiviri. Vito ra xona i HOSI ya matimba hinkwawo.

Yeremiya 10:12

HOSI Xikwembu hi xona lexi tumbuluxeke misava hi ntamu wa xona, xi veka masungulo ya yona hi vutlhari, xi vamba ni matilo ha byona.

Esaya 65:17

“Vonani, ndzi tumbuluxa matilo lamantshwa ni misava leyintshwa; swilo leswi humeleleke eminkarhini leyi hundzeke, swi ta rivariwa, a swi nga ha tsundzukiwi.

Esaya 48:13

Masungulo ya misava ma endliwile hi voko ra mina, hi mina ndzi vambeke matilo; loko ndzi swi vitana, swi hatla swi hlengeletana hinkwaswo.

Duteronoma 4:19

Loko mi languta ehenhla, mi vona hinkwaswo leswi nga kona, ku nga dyambu, ni n'weti, ni tinyeleti, tivoneleni leswaku swi nga mi hambukisi, kutani mi swi nkhinsamela kumbe ku swi tirhela, hikuva swilo leswi, HOSI Xikwembu xa n'wina xi swi avele vanhu va matiko man'wana hinkwawo leswaku va swi gandzela.

Genesa 2:4

Leswi hi swona leswi humeleleke eku tumbuluxiweni ka tilo ni misava. Siku HOSI Xikwembu xi endleke tilo ni misava,

Genesa 1:10

Xikwembu xi thya ndhawu leyi omeke xi ku i “Misava”, mati lama hlengeletaneke xi ku i “Lwandle”. Kutani Xikwembu xi vona leswaku swilo leswi swi sasekile.

Duteronoma 17:3

Munhu loyi, a nga va a yile a ya tirhela swikwembu swin'wana a swi gandzela, kumbe a gandzela dyambu, kumbe n'weti, kumbe tinyeleti, swi nga swilo leswi ndzi mi ariseke ku swi gandzela.

Yeremiya 8:2

kutani ma ta hangalasiwa erivaleni, ehansi ka dyambu ni n'weti ni tinyeleti hinkwato, swi nga swilo leswi Vaisraele va swi rhandzaka ni ku swi tirhela, leswi va swi landzelelaka, va swi vutisa timhaka ni ku swi nkhinsamela. Marhambu lawa a ma nga ha hlengeletiwi kumbe ku lahliwa emasirheni, kambe ma ta fana ni vulongo loko byi cheriwile emasin'wini.

Esaya 55:9

Swi fana ni matilo lama nga henhla kule ni misava. Tindlela ta mina ni miehleketo ya mina swi le henhla ngopfu, swi tlula tindlela ta n'wina ni miehleketo ya n'wina.

Ntirho 12:9

Swivumbiwa leswi hinkwaswo swi tiva mhaka leyi: HOSI Xikwembu hi xona xi nga endla hinkwaswo hi matimba ya xona.

Timhaka 7:42

Hikokwalaho Xikwembu xi va fularhela, xi va nyiketa ku gandzela mavandla ya tilo, hilaha ku tsariweke hakona ebukwini ya vaprofeta lava nga te: “ ‘Xana mi tlhavele mina swifuwo n'wina Vaisraele, mi humesele mina magandzelo emananga hi malembe yo ringana 40, ke?

Luka 2:13

Hi nomu lo vunyingi bya mavandla ya le tilweni byi humelela byi ri ni ntsumi, byi dzunisa Xikwembu, byi ku:

Esaya 34:4

Dyambu ni tinyeleti hinkwato swi ta phemeleleka, matilo ma ta songiwa kukota dzovo; tinyeleti hinkwato ti ta dzudzeka kukota matluka ya vhinya kumbe ya nkuwa.

Pisalema 104:2

Ku vonakala i xifunengelo xa wena; u vambile matilo ku fana ni tende.