Genesa 19:5 - BIBELE Mahungu Lamanene

⁵ Kutani va huwelela Lota va ku: “Va kwihi vavanuna lava fikeke laha ka wena madyambu ya namuntlha xana? Hi humesele vona, hi lava ku etlela na vona.”

Xitsonga (Bibele)

⁵ Kutani va vitana Lota, va ku eka yena: “Va kwihi vanhu lava ngheneke eka wena hi vusiku lebyi? Va humesele ehandle hi va tiva.”

Genesa 19:5 Referans Kwoze

Vaavanyisi 19:22

Loko va ri karhi va tidyela va tsakile, ko ta ku ta humelela vavanuna va muti, vanhu va nsele swinene, va rhendzela yindlu, va sungula ku himetela rivanti, va ri karhi va huwelela mukhalabye lowa n'wini wa muti, va ku: “Hi humesele wanuna loyi a nga nghena laha mutini wa wena, hi lava ku ya etlela na yena.”

Yuda 1:7

Swa ha fana na Sodoma na Gomora, ni miti leyi a yi ri kusuhi na kona, leyi a yi hanya evuoswini tanihi tintsumi letiya ni ku tinyiketa eku naveleni ka swa manyala: Miti leyi sweswi yi endliwile xitsundzuxo hi ku biwa yi hisiwa hi ndzilo lowu nga heriki.

Esaya 3:9

Tinghohe ta vona ta va mangalela, swidyoho swa vona va swi paluxa ku fana ni va le Sodoma, a va swi tumbeti. Va le khombyeni! va lo tivangela rona hi voxe.

Levhitika 18:22

“U nga tshuki u etlela ni wanuna wonge o va wansati; sweswo i manyala!

1 Timotiya 1:10

ni vaoswi, ni vavanuna lava endlaka swa tingana ni vavanuna-kulobye, ni lava yivaka vanhu, ni vahembi, ni va milomo mimbirhi, ni lava endlaka hinkwaswo leswi hambaneke ni dyondzo leyi nga yona ya xiviri.

1 Vakorinto 6:9

Xana a mi tivi leswaku lavo homboloka va nga ka va nga dyi ndzhaka ya Mfumo wa Xikwembu, xana? Mi nga tshuki mi tikanganyisa: Loko ti ri timbhisa, ni lava gandzelaka swikwembu swa hava, ni vaoswi, ni vavanuna lava endlaka swa tingana ni vavanuna-kulobye,

Ezekiele 16:51

Loko swi ri swidyoho swa Samariya swona, a swi endli hafu ya swidyoho swa wena. Wena u endlile swilo swo tala swa manyala ku tlula vamakwenu, kutani va vonaka va lulamile loko va ringanisiwa na wena, hikuva manyala lawa u ma endleke, ma tele ngopfu.

2 Timotiya 3:13

naswona vanhu lavo biha ni vakanganyisi va ta ya emahlweni va nyanya ku biha, va ri karhi va xisa, na vona va xisiwa.

Ezekiele 16:49

Nandzu wa Sodoma ni swimitana swa yena hi lowu: Vanhu va kona va tikurisa ngopfu, hikuva va ni swakudya leswo tala ni rifuwo lero tala, kambe va tsandzeka ku pfuna swisiwana ni lava pfumalaka.

Yeremiya 6:15

Xana ku endla swa manyala leswi swi va khomisile tingana xana? E-e, a va twanga ku vava ha swona, a va nyumanga niswitsanana. Hikokwalaho va ta wa ku fana na van'wana, esikwini leri ndzi nga ta va avanyisa, va ta wela hansi va nga ha pfuki. Ndzi vula sweswo mina HOSI.”

Yeremiya 3:3

Hikokwalaho ndzi ku tsonile mpfula yo sungula, ni leyi ya xirimo a yi nanga; hambiswiritano wa ha vonaka leswaku u nghwavava, kambe sweswo a swi ku khomisi tingana.

Esaya 1:9

Loko HOSI ya matimba hinkwawo a yi nga siyanga van'wana va hina va hanya, tiko ra hina a ri ta sala ri fana na Sodoma, a ri ta va ri hundzuke Gomora.

Levhitika 20:13

“Wanuna loyi a etlelaka ni wanuna-kulobye, wonge o va wansati, ú fanele ku dlayiwa swin'we ni wanuna wa kona; rifu ro tano va ta va va lo tivangela, hikuva va endlile manyala hi vumbirhi bya vona.

2 Petro 2:2

Vanhu lavo tala va ta landza swa manyala leswi va swi endlaka, naswona ndlela ya ntiyiso yi ta sandziwa hi mhaka ya vona.

2 Petro 2:7

Naswona xi ponisile Lota munhu wo lulama, loko yena a twile ku vava hi mhaka ya swilo swa manyala leswi a swi endliwa hi vanhu lavo biha;

Genesa 19:6

Kutani Lota a huma, a tlhela a pfala ni rivanti, a ya laha a va ri kona,

Duteronoma 23:17

“Exikarhi ka Vaisraele, ku nga tshuki ku va ni vavasati kumbe vavanuna lava endlaka vunghwavava bya le swivandleni swa vukhongeri bya hava.

1 TIHOSI 14:24

Va swi engetela hi ku pfumelela vunghwavava bya le magandzelweni ya swa hava etikweni, va hanya hi ku endla manyala hinkwawo ya vamatiko lava hlongoriweke hi HOSI Xikwembu, loko Vaisraele va nghena etikweni.

1 TIHOSI 22:46

Kutani mintirho leyin'wana ya Yoxafati, ni ta vunhenha lebyi a nga tikomba ha byone, ni ta tinyimpi leti a ti lweke, swi tsariwile eka “Buku ya Matimu” ya tihosi ta Yuda.

Ezekiele 16:50

Va tikurisile va endla swa manyala emahlweni ka mina, kutani ndzi va hlongorile va ya kule na mina, loko ndzi vonile swilo sweswo.