Genesa 19:24 - BIBELE Mahungu Lamanene

²⁴ Hiloko HOSI Xikwembu xi nisa ndzilo ni xivavula, swi huma eka xona etilweni, swi wela ehenhla ka miti ya Sodoma na Gomora.

Xitsonga (Bibele)

²⁴ Kavaloko Yehovha a nisela Sodoma na Gomora xivavula ni ndzilo swi huma etilweni eka Yehovha.

Genesa 19:24 Referans Kwoze

Duteronoma 29:23

Tiko hinkwaro ri ta va ritshwa ntsena, ri tele xivavula ni munyu; ku ta va ku nga byariwanga nchumu, naswona a ku nga mili nchumu, hambi byi ri byanyi byinene. Tiko ri ta va ri herisiwile ku fana ni miti ya Sodoma na Gomora na Adima na Seboyimi, leyi HOSI Xikwembu xi yi hlundzukeleke, xi yi herisa hi vukari bya xona.

Esaya 13:19

Babilona i tiko ro saseka ku tlula matiko hinkwawo, leri Vakalediya va tinyungubyisaka ha rona, kambe mina Xikwembu ndzi ta ri herisa, ku fana ni miti ya Sodoma na Gomora.

Yuda 1:7

Swa ha fana na Sodoma na Gomora, ni miti leyi a yi ri kusuhi na kona, leyi a yi hanya evuoswini tanihi tintsumi letiya ni ku tinyiketa eku naveleni ka swa manyala: Miti leyi sweswi yi endliwile xitsundzuxo hi ku biwa yi hisiwa hi ndzilo lowu nga heriki.

2 Petro 2:6

xi endlile leswaku miti ya va Sodoma na Gomora, yi hundzuka nkuma yi avanyiseriwa ku lova, xi yi endla xitsundzuxo eka lava va nga ta ka va nga ri na mhaka na xona.

Amosi 4:11

“Mina Xikwembu ndzi herisile van'wana va n'wina, ku fana ni loko ndzi herisile Sodoma na Gomora, kutani mi ponile tanihi rihunyi leri susiweke endzilweni; kambe hambiswiritano, a mi tlhelelanga eka mina.” HOSI yi vula sweswo.

Yeremiya 50:40

Swa Babilona swi ta fana ni leswi humeleleke loko HOSI Xikwembu xi bile Sodoma na Gomora, ni swimitana swa kona: A ku nga ha vi na munhu la tshamaka eBabilona kumbe ku luvela kona.

Sofoniya 2:9

Kambe mina HOSI ya matimba hinkwawo, Xikwembu xa Israele, ndza hanya: Va le Mowabu ni va le Amoni va ta endliwa leswi endliweke va le Sodoma na Gomora; tiko ra vona ri ta tala mahlwehlwe, ni makhele ya munyu; ri ta onhakela makumu. Masalela ya Vaisraele, vona lava poneke, hi vona lava nga ta hlasela Vamowabu na Vaamoni, va va tekela tiko.”

Swirilo 4:6

Ku biwa ka vanhu va ka hina ku kurile ku tlula ku biwa ka Sodoma, wu nga muti lowu herisiweke hi ku hatlisa, ku nga ri hi voko ra munhu, kambe hi Xikwembu.

Yeremiya 20:16

Munhu yoloye a a fane ni miti leyi HOSI Xikwembu xi yi heriseke xi nga yi tsetseleri. Nimixo a a twe swirilo, a twa mpfumawulo wa tinyimpi ninhlekanhi,

Ntirho 18:15

Etindlwini ta yena, ku tshama vanhu vambe, muti wa yena wu herisiwa hi xivavula.

Hosiya 11:8

Xana ndzi nga swi kotisa ku yini ku mi tshika n'wina va ka Efrayimi xana? Xana ndzi nga mi nyiketa eka van'wana n'wina Vaisraele xana? Xana ndzi nga mi tshika ku fana ni muti wa Adama, kumbe ku mi endla leswi ndzi swi endleke va le Seboyimi, xana? Sweswi mbilu ya mina yi wile, ndzi tele tintswalo ni rirhandzu.

Yeremiya 49:18

Leswi swi nga tshama swi humelela emitini ya Sodoma na Gomora ni swimitaneni swa kona, swi ta humelela ni le tikweni ra Edomu. A ku nga ha vi na munhu loyi a tshamaka kumbe ku luvela eka rona.

Esaya 1:9

Loko HOSI ya matimba hinkwawo a yi nga siyanga van'wana va hina va hanya, tiko ra hina a ri ta sala ri fana na Sodoma, a ri ta va ri hundzuke Gomora.

Pisalema 11:6

Lavo homboloka, yi va nisela mpfundze ni xivavula, mpandzwa wa vona i moya lowu hisaka.

Luka 10:12

Ndza mi byela leswaku Sodoma ú ta vevukiseriwa ku tlula muti wolowo hi siku ra ku avanyisiwa.

Nhlavutelo 14:10

na yena ú ta nwa vhinyo ya vukari bya Xikwembu, leyi nga ta cheriwa exinwelweni xa ku kariha loku ka xona, yi nga timuriwanga; kutani ú ta xanisiwa hi ndzilo ni xivavula, emahlweni ka tintsumi leto kwetsima ni le mahlweni ka Xinyimpfana.

Genesa 13:10

Kutani Lota a tlakusa mahlo, a vona leswaku tindhawu ta le nkoveni wa Yordani, ni ku ya fika eSowara, ti ni mati yo tala ku fana ni ntanga wa HOSI Xikwembu, ni tiko ra Egipta. (Enkarhini lowu, HOSI Xikwembu a xi nga si herisa muti wa Sodoma ni muti wa Gomora.)

Genesa 13:12

Abrama a tshama etikweni ra Kanana, kasi Lota yena a ya tshama emitini leyi nga nkoveni, kambe hi kutsongo-tsongo a a tshineta ntsonga wa yena kusuhi na Sodoma,

Genesa 18:17

Kutani HOSI Xikwembu xi tivutisa xi ku: “Xana ndzi nga fihlela Abrahama leswi ndzi lavaka ku swi endla xana?

Genesa 19:23

Loko Lota a fika eSowara, dyambu a ra ha ku tlhava.

Eksoda 9:23

Kutani Muxe a tlakusa nhonga ya yena a komba ehenhla, kutani HOSI Xikwembu xi pfumisa tilo, xi rhumela ni xihangu, rihati ri ba ri nghena ehansi. HOSI Xikwembu xi wisa xihangu etikweni ra Egipta,

Ntirho 1:16

Loko nandza loyi a ha vulavula, ku humelela un'wana, a ku: “Tilo ri bile tinyimpfu ni varisi va tona, ri herisa hinkwaswo; ku lo pona mina ntsena ndzi ku tivisaka timhaka leti.”

Esaya 30:33

Ndhawu leyi yi nga ni ndzilo lowukulu lowu nga ta hisa hosi ya Asiriya, yi lulamisiwile khale. Ndhawu leyi yi ceriwile yi enta, yi tlhela yi anama, ku hoxeteriwa tihunyi to tala kona, kutani HOSI Xikwembu, hi xona xi nga ta pfurhisa tihunyi leti hi moya wa xona lowu fanaka ni xivavula.

Duteronoma 28:24

Ematshan'weni ya mpfula, HOSI Xikwembu xi ta mi nisela nkuma ni ritshuri, swi huma etilweni swi mi funengeta, mi kondza mi herisiwa.

Duteronoma 29:22

“Eminkarhini leyi taka, vana va n'wina lava nga ta velekiwa, ni vanhu lava nga ta ta va huma ematikweni ya le kule, loko va vona makhombo ni mavabyi lawa HOSI Xikwembu xi nga ta ma vangela tiko ra n'wina, va ta vulavula hi swona.

Yeremiya 23:14

Kasi na le xikarhi ka vaprofeta va le Yerusalema, ndzi vona manyala lama chavisaka ku tlula mpimo: Va endla vuoswi, va tsakela mavunwa, va seketela vadyohi emintirhweni ya vona leyo biha, kutani a ka ha ri na un'we la chavaka ku endla leswo homboloka. Vanhu lava eka mina va onhakile hinkwavo kukota va le Sodoma, vaaki va Yerusalema a va hambananga ni va le Gomora.