Genesa 19:2 - BIBELE Mahungu Lamanene

² a ku: “N'we vini vanga, hambukani mi nghena emutini wa mina nandza wa n'wina, mi ta kumanyana swo phumunha ritshuri emilengeni, mi xwa kona vusiku bya namuntlha, kutani mi ta pfuka nimpundzu mi ya emahlweni ni riendzo ra n'wina.” Tintsumi ti hlamula ti ku: “E-e, hi ta etlela kwala rivaleni ra muti.”

Xitsonga (Bibele)

² a ku: “Vonani, tihosi tanga, ndza mi khongela, hambukelani endlwini ya nandza wa n'wina, mi etlela kona, mi hlamba milenge; kutani mi ta vindzuka nimixo mi famba hi ndlela ya n'wina.” Va ku: “E-e, kambe hi ta etlela ehubyeni.”

Genesa 19:2 Referans Kwoze

Genesa 18:4

Mi nge ndzi ya mi lavela swimatana mi ta phumunha ritshuri emilengeni, mi wisanyana laha hansi ka murhi.

Vaheveru 13:2

Mi nga rivali ku amukela vaendzi, hikuva hi ku endla sweswo van'wana va amukele tintsumi va nga swi tivi.

Timhaka 16:15

Kuteloko a khuvuriwile swin'we ni va ndyangu wa yena, a hi khongela, a ku: “Loko mi vona leswaku ndzi munhu la pfumeleke ka Hosi hakunene, mi nga nghena ekaya ka mina, mi tshama kona.” Kutani a hi sindzisa ku ya kona.

Luka 7:44

Kutani a hundzuluka a languta wansati, a ku ka Simoni: “Wansati loyi, wa n'wi vona ke? Ndzi nghene endlwini ya wena, a wu ndzi nyikanga mati ndzi hlamba milenge; kambe yena ú tsakamisile milenge ya mina hi mihloti, a tlhela a yi sula hi misisi ya yena.

Yohane 13:5

Kutani a chela mati enkambaneni, a sungula ku hlambisa vadyondzisiwa emilenge, a yi sula hi nceka lowu a tikhameke ha wona.

Genesa 19:1

Loko tintsumi leti timbirhi ti fika emutini wa Sodoma, ti kume Lota a tshamile enyangweni ya muti wa Sodoma. Loko Lota a ti vona, a suka a yima a ya ti hlanganisa, a fika a korhama,

Genesa 19:3

Kambe Lota a khongotela tintsumi hi matimba ti kondza ti hambuka ti nghena emutini wa yena, a fika a ti lulamisela swakudya, a sweka swinkwa swo-ke-comela, ti dya.

Genesa 24:31

Kutani a ku: “Wena la katekisiweke hi HOSI, xana u yimela yini ehandle ka muti xana? Nghena emutini, hikuva yindlu ndzi lunghisile, ni ndhawu ya tikamela yi kona.”

Genesa 43:24

Kutani mulanguteri a va nghenisa endlwini, a va nyika mati va hlamba milenge, a tlhela a nyika timbhongolo ta vona swakudya swa tona,

Risimu ra Tinsimu 5:3

Mina ndzi ku: “Ndzi hluvurile, xana ndzi fanele ku tlhela ndzi ambala ke? Ni milenge, ndzi hlambile, xana ndzi fanele ku tlhela ndzi yi thyakisa ke?”

2 SAMIELE 11:8

Kutani Davhida a byela Uriya a ku: “Rhelela u ya emutini wa wena, u ya hlamba milenge u wisa.” Uriya a huma endlwini ya hosi; kutani hosi yi sala yi rhumela Uriya enyiko.

Ntirho 31:32

Valuveri a va etlelanga emagondzweni, ndzi rhurherile vahundzi va ndlela emutini wa mina.

Swivuriso 25:17

u nga tati minkondzo emutini wa muakelani, hikuva a nga karhala hi wena, kutani a nga ha ku tsakeli.