Genesa 19:16 - BIBELE Mahungu Lamanene

¹⁶ Loko Lota a ha rhendzeleka-rhendzeleka, vavanuna lava va tintsumi va n'wi khoma hi voko, va khoma ni nsati wa yena ni vana va yena lava vambirhi va va humesa va ya va tshika ehandle ka muti, hikuva HOSI Xikwembu a xi twela Lota vusiwana.

Xitsonga (Bibele)

¹⁶ Kambe a hlwela, kutani vanhu valavo va khoma voko ra yena, ni voko ra nsati wa yena, ni mavoko ya vana lavambirhi va yena, hikwalaho ka tintswalo ta Yehovha eka yena; va n'wi humesa handle, va n'wi tshika ehandle ka muti.

Genesa 19:16 Referans Kwoze

2 Petro 2:9

Leswi swi vula leswaku Hosi ya swi tiva ku ponisa vanhu va vukhongeri eku karhatekeni ka vona, ni ku tshika vanhu lavo homboloka va ri eku biweni ku fikela siku ra ku avanyisa,

Tito 3:5

xi hi ponisile. A ku nga ri hi mhaka ya mintirho leyo lulama leyi hina hi hexe hi yi endleke, kambe xi hi ponisile hi tintswalo ta xona, hi ku hlantswiwa loku endlaka leswaku Moya lowo Kwetsima wu hi nyika ku tswariwa ra vumbirhi, ni vutomi lebyintshwa.

2 Vakorinto 1:3

A ku vongiwe Xikwembu Tata wa Hosi ya hina Yesu Kriste, Tatana wa tintswalo, Xikwembu lexi ku chavelela hinkwako ku humaka eka xona;

Yohane 6:44

A ku na munhu la nga taka ka mina, loko a nga kokeriwi ka mina hi Tatana la ndzi rhumeke, kutani mina ndzi ta n'wi pfuxa hi siku ra makumu.

Luka 18:13

Muluvisi yena a a yimele kule, a chava ni ku tlakusa mahlo a languta etilweni, kambe a a komba ku vaviseka, a ku: ‘Xikwembu, ndzi twele vusiwana, mina ndzi nga mudyohi.’

Swirilo 3:22

Rirhandzu ra HOSI Xikwembu a ri heli, tintswalo ta xona a ti na makumu;

Esaya 63:9

emaxangwini ya vona hinkwawo; a va ponisiwanga hi murhumiwa kumbe ntsumi, xi va ponisile hi xoxe. Xi va twele vusiwana, xi va kutsula hi rirhandzu ra xona, eminkarhini hinkwayo leyi hundzeke, xi va vukarhile, xi va hlayisa.

Pisalema 136:1

Tlangelani HOSI, hikuva yi ni vunene! — Rirhandzu ra yona hi leri nga heriki —

Pisalema 119:60

A ndzi hlweli, ndzi tsutsumela ku hlayisa swileriso swa wena.

Pisalema 118:1

Tlangelani HOSI, hikuva yi ni vunene, rirhandzu ra yona a ri na ku hela.

Pisalema 111:4

HOSI Xikwembu xi tsundzuxa vanhu mahlori ya xona, xi ni tintswalo, xi twela vanhu vusiwana;

Pisalema 107:1

Tlangelani HOSI, hikuva yi ni vunene, rirhandzu ra yona hi leri nga heriki.

Pisalema 106:8

Hambiswiritano xi va ponisile hikwalaho ka vito ra xona, leswaku xi twarisa matimba ya xona lamakulu.

Pisalema 106:1

Dzunisani HOSI. Tlangelani HOSI, hikuva yi ni vunene, rirhandzu ra yona hi leri nga heriki.

Pisalema 103:13

Xi tsetselela lava va xi chavaka ku fana na tatana la tsetselelaka vana va yena,

Pisalema 86:15

Kambe wena N'wini wanga, u Xikwembu lexi twelaka vanhu evusiwana; wa va tsetselela, u hlwela ku kariha, u tele tintswalo ni ku tshembeka.

Pisalema 86:5

U ni vunene we N'wini wanga, naswona wa rivalela, hinkwavo lava va ku khongelaka wa va rhandza.

Pisalema 34:12

Loko mi navela vutomi lebyinene, ni ku kuma minkateko emasikwini ya n'wina ya ku hanya,

1 TIKRONIKA 16:34

Tlangelani HOSI, hikuva yi ni vunene, rirhandzu ra yona hi leri nga heriki.

Duteronoma 4:31

leswi HOSI Xikwembu xa n'wina xi nga Xikwembu lexi twelaka vusiwana, a xi nga mi tshiki kumbe ku mi herisa; ntwanano lowu xi wu endleke ni vatata wa n'wina hi ku hlambanya, a xi nga wu rivali.

Tinhlayo 14:18

‘Mina HOSI, ndzi hlwela ku kariha, ndzi tele tintswalo leto tshembeka, ndzi rivalela milandzu ni ku tiarisa, kambe a ndzi tshiki ku ba lava dyoheke, ndzi ba ni vana va vona ku fika eka rixaka ra vona ra vunharhu ni ra vumune.’

Eksoda 34:6

Kutani xi hundza hi le mahlweni ka Muxe, xi ri karhi xi huwelela, xi ku: “HOSI, HOSI, Xikwembu lexi twelaka vanhu vusiwana ni ku va tsetselela, lexi hlwelaka ku kariha, lexi taleke tintswalo ni ku tshembeka,

Varhoma 9:18

Loko swi ri tano ke, Xikwembu xi tsetselela loyi xi rhandzaka ku n'wi tsetselela; kutani xi nonon'hwisa loyi xi rhandzaka ku n'wi nonon'hwisa.

Yoxuwa 6:22

Kutani Yoxuwa a byela vavanuna vambirhi lava va nga ya va ya valanga tiko a ku ka vona: “Yanani endlwini ya wansati lowa nghwavava, mi fika mi n'wi humesa ni va ka vona hinkwavo hilaha mi nga n'wi tshembisa hakona hi ku hlambanya.”

2 Petro 2:7

Naswona xi ponisile Lota munhu wo lulama, loko yena a twile ku vava hi mhaka ya swilo swa manyala leswi a swi endliwa hi vanhu lavo biha;

Genesa 19:15

Loko vurhonga byi tshwuka, vavanuna lava va tintsumi va byela Lota leswaku a hatla a huma, va ku: “Pfuka u teka nsati wa wena ni vana va wena lava vambirhi va xisati lava u nga na vona, mi ta ka mi nga herisiwi swin'we ni muti lowu loko wu avanyisiwa.”

Eksoda 34:7

lexi kombaka tintswalo leti to tshembeka ku fika eka rixaka ra khume ra madzana, lexi rivalelaka milandzu, ni ku tiarisa, ni swidyoho, kambe xi nga tshikiki ku ba lava dyoheke, ku fika eka vana va vona, ni ka vatukulu va vona ku yisa erixakeni ra vunharhu ni ra vumune.”

Duteronoma 5:15

Tsundzuka leswaku a wu ri hlonga etikweni ra Egipta, ni leswaku mina HOSI Xikwembu xa wena ndzi ku humesile evuhlongeni byebyo, hi ntamu lowukulu ni mintirho ya matimba. Hikokwalaho, mina HOSI Xikwembu xa wena ndzi ku lerisa ku hlayisa siku ra Savata.

Duteronoma 6:21

mi ta va hlamula mi ku: ‘A hi ri mahlonga ya hosi Faro le Egipta, kambe HOSI Xikwembu xi hi humesile etikweni rero hi matimba ya xona lamakulu.

Duteronoma 7:8

HOSI Xikwembu xa n'wina xi endlile leswi hikuva xa mi rhandza, naswona a xi hlayisa leswi xi tshembiseke vatata wa n'wina swona, kutani xi mi kutsurile hi matimba ya xona lamakulu, mi huma evuhlongeni bya Faro hosi ya Egipta.

Pisalema 32:10

Vanhu lavo homboloka va wela hi maxangu layo tala, kambe lava tshembaka HOSI Xikwembu, va sirheleriwa hi rirhandzu ra xona lero tshembeka.

Pisalema 33:18

Vonani, HOSI Xikwembu xi hlayisa hinkwavo lava va xi chavaka, lava tshembaka rirhandzu ra xona;

Pisalema 33:19

hi xona xi va ntshunxaka ematimbeni ya rifu, xi va sirhelela ni le nkarhini wa ndlala.

Genesa 43:10

Loko a wo ka u nga hi hlwerisanga, ingi sweswi hi yile kambirhi.”