Genesa 18:6 - BIBELE Mahungu Lamanene

⁶ Kavaloko Abrahama a hatlisa a ya eka Sara entsongeni, a fika a ku: “Hatla u teka swirhundzu swinharhu swa mapa lamanene, u ma pfuva u sweka swimbhundzwa.”

Xitsonga (Bibele)

⁶ Abrahama a hatlisa a nghena entsongeni eka Sara, a ku eka yena: “Hatlisa u teka mimpimo minharhu ya mapa, u kanyanga, u endla swinkwa.”

Genesa 18:6 Referans Kwoze

Matewu 13:33

A engeta a va byela xifaniso xin'wana, a ku: “Mfumo wa matilo wu fana ni comela lexi wansati a nga xi teka, a xi pfuva ni mimpimo minharhu ya mapa, swi ko swi kukumuka hinkwaswo.”

1 Petro 4:9

Titoloveteni ku amukela vaendzi mi rhurhelana, ehandle ka ku vilerisana.

Vaheveru 13:2

Mi nga rivali ku amukela vaendzi, hikuva hi ku endla sweswo van'wana va amukele tintsumi va nga swi tivi.

Vagalatiya 5:13

Loko a ri n'wina vamakwerhu, mi vitaniwile leswaku mi va lava ntshunxekeke; kambe mi nga teki ku ntshunxeka ka n'wina, mi ku hundzula mpfumelelo wo endla leswi ntumbuluko wa n'wina wa laha misaveni wu swi navelaka; ematshan'wini ya sweswo, tirhelanani hi rirhandzu.

Varhoma 12:13

Pambulelani vahlawuriwa va Xikwembu loko va pfumala, mi gingirika eku amukeleni ka vaendzi.

Timhaka 16:15

Kuteloko a khuvuriwile swin'we ni va ndyangu wa yena, a hi khongela, a ku: “Loko mi vona leswaku ndzi munhu la pfumeleke ka Hosi hakunene, mi nga nghena ekaya ka mina, mi tshama kona.” Kutani a hi sindzisa ku ya kona.

Esaya 32:8

Kasi munhu lonene ú endla makungu lamanene, mintirho ya yena hi leyinene ntsena.

Genesa 18:5

Leswi mi teke hi laha ka mina nandza wa n'wina, ndza ha ta sungula hi ku mi lavela vuswanyana mi ta miyeta nyoka, kutani hi kona mi nga ta ya emahlweni ni riendzo ra n'wina.” Vona va hlamula va ku: “Hiswona, endla hilaha u vulaka hakona.”

Genesa 18:7

Abrahama yena a tsutsuma a ya entlhambini, a fika a teka rhole ro saseka, ro nona, a ri yisa eka nandza wa yena, kutani nandza a ri tlhava.

Genesa 19:3

Kambe Lota a khongotela tintsumi hi matimba ti kondza ti hambuka ti nghena emutini wa yena, a fika a ti lulamisela swakudya, a sweka swinkwa swo-ke-comela, ti dya.

Vaavanyisi 6:19

Kutani Gidiyoni a ya a ya tlhava ximbutana, a sweka ni swinkwa swo-ke-comela hi mapa yo tata xinkwamana; a veka nyama ya ximbutana exirhundzwini, a chela murhu wa kona eximbitaneni, kutani a huma na swona a ya swi veka ehansi ka nkuhlu, a swi vikela ntsumi ya Xikwembu.

1 SAMIELE 28:24

Wansati a hatla a tlhava rhole ro nona leri a ri ri kwala mutini; a teka na mapa, a pfuva, a sweka xinkwa xo-ke-comela,

2 SAMIELE 13:6

Hiloko Aminoni a ya tilata, a endla onge wa vabya; loko hosi Davhida a ya n'wi pfuxela, Aminoni a ku ka yena: “Ndzi kombela leswaku makwerhu Tamari a ta haleno, a ta ndzi swekela vuswanyana, kutani a ndzi nyika hi voko ra yena, ndzi dya.”

Pisalema 119:60

A ndzi hlweli, ndzi tsutsumela ku hlayisa swileriso swa wena.