Genesa 18:1 - BIBELE Mahungu Lamanene

¹ Siku rin'wana ninhlekanhi, dyambu ri ri karhi ri hisa, HOSI Xikwembu xi humelela eka Abrahama le ka Minkuhlu ya Mamre, xi n'wi kuma a tshamile enyangweni ya ntsonga wa yena.

Xitsonga (Bibele)

¹ Yehovha a tikombisa eka Abrahama emikuhlwini ya Mamre, a tshamile enyangweni ya ntsonga wa yena ninhlekanhi lowukulu.

Genesa 18:1 Referans Kwoze

Genesa 14:13

Munhu un'wana loyi a poneke enyimpini, ú yile a ya byela Abrama lowa Muheveru leswi humeleleke. Abrama a a tshama eminkuhlwini ya ka Mamre lowa Muamori, makwavo wa Exikolo na Anere, lava a va yima na Abrama.

Genesa 13:18

Kutani Abrama a rhurhisa ntsonga wa yena, a ya tshama eka Minkuhlu ya Mamre le Hebroni; kutani a akela HOSI Xikwembu alitari kona.

Genesa 48:3

Kutani a ku ka Yosefa: “Xikwembu-xa-matimba-hinkwawo xi tikombisile eka mina emutini wa Luzi le Kanana, xi tlhela xi ndzi katekisa,

Genesa 26:2

Hiloko HOSI Xikwembu xi humelela eka yena xi ku: “U nga tshuki u ya etikweni ra Egipta, kambe tshama kwala tikweni leri ndzi ku kombaka rona.

Timhaka 7:2

Stefano a hlamula, a ku: “N'wina varikwerhu na vatatana, ndzi yingiseni! Xikwembu lexi kwetsimaka xi tikombisile eka tata wa hina Abrahama, loko a ha ri eMesopotamiya, a nga si aka eHarani,

2 TIKRONIKA 1:7

Hi vusiku bya siku rero, Xikwembu xi tikomba eka Solomoni, xi ku ka yena: “Kombela lexi u xi lavaka, kutani ndzi ta ku nyika xona!”

Genesa 17:22

Kuteloko Xikwembu xi hetile ku vulavula na Abrahama, xi tlhandluka xi hambana na yena.

Genesa 15:1

Endzhaku ka timhaka leti, HOSI Xikwembu xi tikomba eka Abrama hi ku vulavula na yena, xi ku: “Abrama, u nga chavi, hikuva hi mina xitlhangu xa wena; u ta va ni minkateko leyo tala!”

Genesa 12:7

Kutani HOSI Xikwembu xi humelela eka Abrama xi ku ka yena: “Tiko leri, ndzi ta ri nyika vatukulu va wena.” Hiloko Abrama a aka alitari, a akela HOSI Xikwembu lexi humeleleke eka yena.

Eksoda 4:1

Kutani Muxe a hlamula Xikwembu, a ku: “Ndzi vona wonge Vaisraele a va nga ndzi kholwi, kumbe ku yingisa leswi ndzi nga ta va byela swona, hikuva va ta ku: ‘HOSI Xikwembu a xi tikombanga eka wena.’ ”

Vaheveru 11:9

Hi ku pfumela, ú tshamile etikweni leri a tshembisiweke rona wonge hi loko a ri etikweni ra van'wana, a hanya emintsongeni a ri na Isaka na Yakobo, vadyandzhaka va xitshembiso xin'we ni xa yena.

Vaheveru 13:2

Mi nga rivali ku amukela vaendzi, hikuva hi ku endla sweswo van'wana va amukele tintsumi va nga swi tivi.

Genesa 18:22

Kutani vavanuna volavo va hundzuluka va kongoma etlhelo ra muti wa Sodoma, kambe Abrahama yena a sala a yimile emahlweni ka HOSI Xikwembu.

Genesa 20:1

Ku suka kwalaho, Abrahama a famba a kongoma ematlhelweni ya le dzongeni, a ya fika a luvela emutini wa Gerara, exikarhi ka Kadexe na Xuru, a tshama kona.

Genesa 35:27

Kutani Yakobo a ya fika eka tata wa yena Isaka eMamre le Kiriyata-Araba (hileswaku: “Hebroni”), laha Abrahama na Isaka a va luverile kona.

Yoxuwa 5:13

Siku rin'wana loko Yoxuwa a ri kusuhi ni muti wa Yeriko, ú te a tlakusa mahlo, o vona wanuna a yimile emahlweni ka yena a khomile fumu. Kutani Yoxuwa a ya eka wanuna loyi a fika a ku ka yena: “Xana u yima na hina, kumbe u yima ni valala va hina xana?”