Genesa 17:8 - BIBELE Mahungu Lamanene

⁸ Tiko leri u luveleke eka rona, ri nga tiko ra Kanana, ndzi ta ku nyika rona hinkwaro, ri va ra wena ni vatukulu va wena hilaha ku nga heriki, kutani mina ndzi ta va Xikwembu xa vona.”

Xitsonga (Bibele)

⁸ Ndzi ta ku nyika, na vona vatukulu va wena endzhaku ka wena, tiko leri u nga ka rona u ri muluveri, ri nga tiko ra Kanana hinkwaro, va ri fuma hilaha ku nga heriki, kutani ndzi va Xikwembu xa vona.”

Genesa 17:8 Referans Kwoze

Levhitika 26:12

Ndzi ta va kona exikarhi ka n'wina, ndzi va Xikwembu xa n'wina, na n'wina mi va vanhu va mina.

Pisalema 105:11

Kutani xi tibohile xi ku: “Ndzi ta mi nyika tiko ra Kanana, ndzi mi avela rona ri va ra n'wina.”

Eksoda 6:7

Naswona ndzi ta mi endla vanhu va mina, mina ndzi va Xikwembu xa n'wina; kutani mi ta swi tiva leswaku hi mina HOSI Xikwembu xa n'wina, lexi nga ta mi humesa emintirhweni yo tika ya le Egipta.

Genesa 12:7

Kutani HOSI Xikwembu xi humelela eka Abrama xi ku ka yena: “Tiko leri, ndzi ta ri nyika vatukulu va wena.” Hiloko Abrama a aka alitari, a akela HOSI Xikwembu lexi humeleleke eka yena.

Duteronoma 29:13

Namuntlha ntwanano lowu wu ta tiyisa leswaku mi vanhu va xona, ni leswaku xona i Xikwembu xa n'wina, hilaha xi mi tshembiseke hakona ni ku hlambanyela vatata wa n'wina Abrahama na Isaka na Yakobo.

Duteronoma 26:18

Na xona HOSI Xikwembu, namuntlha xi tiyisile leswaku mi vanhu va xona va xiviri, hilaha xi tshembiseke hakona, ni leswaku mi fanele ku hlayisa swileriso swa xona hinkwaswo;

Duteronoma 14:2

hikuva mi vanhu lava hlawuleriweke HOSI Xikwembu xa n'wina: Xi mi hlawurile exikarhi ka tinxaka hinkwato leti nga kona laha misaveni, leswaku mi va vanhu va xona va xiviri.

Genesa 13:15

hikuva tiko hinkwaro leri u ri vonaka, ndzi ta ku nyika rona, ri va ra wena ni vatukulu va wena hilaha ku nga heriki.

Pisalema 105:9

Xi anakanya hilaha xi tiboheke hakona eka Abrahama, ni leswi xi swi tshembiseke Isaka.

Duteronoma 4:37

HOSI Xikwembu xi rhandzile vatata wa n'wina, kutani xi mi hlawurile n'wina vana va vona, xi mi humesa hi xoxe etikweni ra Egipta, hi matimba ya xona lamakulu.

Genesa 28:4

Xikwembu a xi ku nyike minkateko ya Abrahama, wena ni vatukulu va wena, leswaku u teka tiko leri u luveleke eka rona ri va ra wena, ri nga tiko leri Xikwembu xi ri nyikeke Abrahama!”

Genesa 13:17

Suka u famba u rhendzeleka ni tiko leri hinkwaro, u kondza u ri hlanganisa, hikuva ndzi ta ku nyika rona.”

2 SAMIELE 23:5

“Hakunene, hi xona xiyimo xa rixaka ra mina emahlweni ka Xikwembu. Xikwembu xi endlile na mina ntwanano lowu nga heriki, lowu hetisekeke matlhelo hinkwawo. Hinkwaswo leswi xi ndzi pfuneke ha swona ni hinkwaswo leswi ndzi swi tsakelaka, Xikwembu xi ta swi andzisa.

Duteronoma 32:8

Loko Xikwembu-xa-le-henhla-henhla xi phakela vamatiko tindhawu ta vona, ni loko xi va tshamisisa ematikweni ya vona, xi va bele mindzilekana hi ku ya hi nhlayo ya mavandla ya le tilweni.

Tinhlayo 25:13

hikwalaho ka ntwanano lowu, yena ni vatukulu va yena va ta va vaprista hilaha ku nga heriki, hikuva yena Finiyasi ú lavile leswaku ku gandzeriwa mina Xikwembu xa yena ntsena, a tlhela a basisa Vaisraele enandzwini wa vona.”

Eksoda 40:15

kutani u va chela mafurha ku fana ni tata wa vona, va va vaprista, va ndzi tirhela. Ku cheriwa ka vona mafurha, ku ta endla leswaku ntirho wa vuprista wu va wa vona ni vatukulu va vona hilaha ku nga heriki.”

Genesa 48:4

xi ku: ‘Vona, ndzi ta ku nyika vatukulu lavo tala, u va tata wa vanhu va ntsandza-vahlayi, naswona tiko leri, ndzi ta ri nyika vatukulu va wena leswaku ri va ra vona hilaha ku nga heriki.’

Genesa 23:4

“Mina ndzi munhu wa le handle loyi a luveleke exikarhi ka n'wina; kutani sweswi ndzi kombela leswaku mi ndzi nyika ndhawu leyi yi nga ta va ya mina yo lahlela eka yona, leswaku ndzi ta lahla mufi wa mina ndzi hambana na yena.”

Vaheveru 9:15

Hikokwalaho, hi yena muyimeri wa papila lerintshwa ra ndzhaka, leswaku lava vitaniweke, va ta kota ku amukela ndzhaka leyi nga heriki leyi va tshembisiweke yona; hikuva ku humelele rifu leri ri va kutsulaka emilandzwini leyi a va ri na yona, ehansi ka papila lero rhanga.

Pisalema 103:17

Kasi rirhandzu ra HOSI Xikwembu rona a ri ri kona na khale, ra ha ta va kona hilaha ku nga heriki. Xikwembu xi lwela lava va xi chavaka, xi tshembeka ku ya fika eka vatukulu va vona hinkwavo,

Levhitika 16:34

Milawu leyi yi ta tirha hilaha ku nga heriki. Kan'we hi lembe, Vaisraele va ta basisiwa hikwalaho ka swidyoho swa vona hinkwaswo.” Kutani Muxe a endla hilaha HOSI Xikwembu xi n'wi leriseke hakona.

Eksoda 21:6

n'wini wa rona ú ta ya na rona eka Xikwembu, a ri yimisa ri khegetela rivanti kumbe rimba ra rona, a ri boxa ndleve kwalaho hi ntlhavo; kutani ri ta va hlonga vutomi hinkwabyo.

Timhaka 7:5

A xi n'wi hanga ndzhaka etikweni rero, hambi xi ri xivandlanyana lexi ringanaka ku anama ka nkondzo; kambe xi n'wi tshembisile ku n'wi nyika rona, ri va ra yena ni ra vatukulu va yena endzhaku ka yena; kasi, enkarhini wolowo, a a nga ri na n'wana.

Nhlavutelo 21:7

Loyi a hlulaka, ú ta kuma ndzhaka ya swilo leswi, kutani ndzi ta va Xikwembu xa yena, na yena a va n'wana wa mina.”

Genesa 26:24

Kutani hi vusiku byebyo, HOSI Xikwembu xi humelela eka yena, xi ku: “Hi mina Xikwembu xa tata wa wena Abrahama; u nga chavi hikuva ndzi na wena, ndzi ta ku katekisa ndzi ku nyika vatukulu lavo tala hikokwalaho ka nandza wa mina Abrahama.”

Genesa 36:7

Esawu na Yakobo a va ri na swilo swo tala swinene, lero a va nga ta tshama endhawini yin'we, naswona eka tiko leri a va luvele eka rona a va nga ta kuma madyelo yo ringana ya swifuwo swa vona.

Genesa 37:1

Yakobo a a tshama etikweni ra Kanana laha tata wa yena a a luverile kona.

Eksoda 13:11

“HOSI Xikwembu xi ta mi nghenisa etikweni ra Vakanana, hilaha xi mi tshembiseke hakona, n'wina ni vatata wa n'wina; kutani xi ta mi nyika rona;

Eksoda 29:45

Ndzi ta tshama exikarhi ka Vaisraele, kutani eka vona, ndzi ta va Xikwembu.

Eksoda 32:13

Tsundzuka malandza ya wena Abrahama, na Isaka, na Yakobo lava wena hi xiviri xa wena u va tshembiseke hi ku hlambanya, u ku: ‘Ndzi ta andzisa vatukulu va n'wina va tala ku fana ni tinyeleti, na rona tiko hinkwaro leri ndzi ri tshembiseke ndzi ta ri nyika vatukulu va n'wina, ri va ndzhaka ya vona hilaha ku nga heriki.’ ”

Duteronoma 9:5

Loko mi kota ku nghena etikweni leriya, mi ri teka ri va ra n'wina, a hi mhaka ya leswaku mi vanhu lavanene, lava endleke leswi lulameke, e-e! HOSI Xikwembu xa n'wina xi ta hlongola vanhu lava va suka emahlweni ka n'wina hi mhaka ya leswi va hombolokeke; hi mukhuva wolowo, xi ta tiyisa ku hlambanya ka xona eka vatata wa n'wina Abrahama na Isaka na Yakobo.

Yeremiya 25:5

va mi tisela marito ya xona lama nge: ‘Hinkwenu hundzukani sweswi mi tshika mikhuva ya n'wina leyo homboloka, ni swiendlo swa n'wina leswo biha; kutani mi ta tshama hilaha ku nga heriki etikweni leri mina HOSI ndzi mi nyikeke rona, n'wina ni vatata wa n'wina ku sukela khale.

Yeremiya 31:1

HOSI Xikwembu xi ri: “Enkarhini wa kona, ndzi ta va Xikwembu xa Vaisraele hinkwavo, kutani vona va ta va vanhu va mina.

Genesa 35:27

Kutani Yakobo a ya fika eka tata wa yena Isaka eMamre le Kiriyata-Araba (hileswaku: “Hebroni”), laha Abrahama na Isaka a va luverile kona.

Eksoda 6:4

Nakambe ndzi endlile ntwanano exikarhi ka mina na vona, ndzi va tshembisa ku va nyika tiko ra Kanana, tiko leri a va akile eka rona va ri valuveri.

Levhitika 14:34

“Loko mi ta va mi nghenile etikweni ra Kanana leri ndzi mi nyikaka rona leswaku ri va ra n'wina, ndzi nga tshuka ndzi vanga nkurhe eka yin'wana ya tindlu ta n'wina.

Tinhlayo 10:29

Kutani Muxe a byela Hobabu n'wana wa mukon'wana wa yena Rhuwele wa le Midiyani, a ku: “Hi ya endhawini leyi HOSI Xikwembu xi nga tshembisa ku hi nyika yona; tana hi famba swin'we, hi ta ya ku endlela leswinene, hikuva HOSI Xikwembu xi tshembisile Vaisraele ku va endlela leswinene.”

Tinhlayo 27:12

HOSI Xikwembu xi ku ka Muxe: “Tlhandlukela entshaveni leyi ya Abarimi, u vona tiko leri ndzi ri nyikeke Vaisraele.

Duteronoma 32:49

“Yana etintshaveni ta Abarimi etikweni ra Mowabu, u fika u khandziya ntshava ya Nebo leyi langutaneke ni muti wa Yeriko, kutani u vona tiko ra Kanana leri ndzi ri nyikaka Vaisraele leswaku ri va ra vona.

Duteronoma 34:4

Kutani HOSI Xikwembu xi ku ka Muxe: “Hi rona tiko leri ndzi tshembiseke Abrahama na Isaka na Yakobo leswaku ndzi ta ri nyika vatukulu va vona. Ndzi ku kombile rona leswaku u ri vona hi mahlo ntsena, kambe u nga ka u nga ngheni eka rona.”

Yoxuwa 1:2

“Nandza wa mina Muxe ú file, kutani sweswi suka ni Vaisraele lava hinkwavo mi pela nambu lowu wa Yordani, mi ya nghena etikweni leri ndzi va nyikaka rona.

1 TIKRONIKA 16:18

Kutani xi tibohile xi ku: “Ndzi ta mi nyika tiko ra Kanana, ndzi mi avela rona ri va ra n'wina.”

Ezekiele 11:20

Hikokwalaho va ta hlayisa milawu ya mina ni swiletelo swa mina, va famba ha swona, kutani va ta va vanhu va mina, mina ndzi va Xikwembu xa vona.

Ezekiele 33:24

“Wena Ezekiele, tiva leswaku lava saleke marhumbini etikweni ra Israele, va tshamela ku vula va ku: ‘Abrahama a a ri yexe loko a nyikiwa tiko leri ri va ra yena. Kutani hina hi tele, swo fanela leswaku hi nyikiwa tiko leri ri va ra hina!’

Zakariya 8:8

Ndzi ta va vuyisa va ta tshama eYerusalema; va ta va vanhu va mina, mina ndzi va Xikwembu xa vona xo lulama, lexi tshembekaka.”